ਪਸ਼ੂਆਂ 'ਚ ਮੁੜ ਪੈਰ ਪਸਾਰ ਰਹੀ ਲੰਪੀ ਪਾਕਸ ਬਿਮਾਰੀ, ਪ੍ਰਸ਼ਾਸਨ ਦੀ ਚੁੱਪੀ ਕਾਰਨ ਵਧਿਆ ਲਾਗ ਫੈਲਣ ਦਾ ਡਰ; ਲੋਕਾਂ 'ਚ ਦਹਿਸ਼ਤ

ਪਸ਼ੂਆਂ ਵਿਚ ਫੈਲ ਰਹੇ ਲੰਪੀ ਪਾਕਸ ਨਾਂਅ ਦੇ ਵਾਇਰਸ ਨੇ ਡੇਰਾਬੱਸੀ ਹਲਕੇ ਵਿਚ ਪੈਰ ਪਸਾਰਦੇ ਹੋਏ ਪਸ਼ੂਆਂ ਨੂੰ ਆਪਣੀ ਲਪੇਟ ’ਚ ਲੈਣਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਵਾਇਰਸ ਦੀ ਲਪੇਟ ਵਿਚ ਆਉਣ ਕਰਕੇ ਡੇਰਾਬੱਸੀ ਸ਼ਹਿਰ ਵਿੱਖੇ ਬੇਸਹਾਰਾ ਪਸ਼ੂਆਂ ਦੀ ਮੌਤ ਨੇ ਖੇਤਰ ਵਿਚ ਦਹਿਸ਼ਤ ਦਾ ਮਾਹੌਲ ਪੈਦਾ ਕਰ ਦਿੱਤਾ ਹੈ, ਉਥੇ ਹੀ ਡੇਰਾਬੱਸੀ ਦੀ ਗਲੀਆਂ ਵਿਚ ਇਸ ਵਾਇਰਸ ਦੇ ਪੀੜਤ ਅਨੇਕਾਂ ਪਸ਼ੂਆਂ ਨੂੰ ਘੁੰਮਦੇ ਵੇਖ ਸ਼ਹਿਰ ਵਾਸੀਆਂ ਦੀ ਨੀਂਦ ਉੱਡੀ ਹੋਈ ਹੈ। ਸ਼ਹਿਰ ਵਾਸੀਆਂ ਨੇ ਪ੍ਰਸ਼ਾਸਨਿਕ ਅਧਿਕਾਰੀਆਂ ਨੂੰ ਇਸ ਪਾਸੇ ਧਿਆਨ ਦਿੰਦੇ ਬਿਨਾਂ ਦੇਰੀ ਕੀਤੇ ਬੇਸਹਾਰਾ ਪਸ਼ੂਆਂ ਨੂੰ ਕਾਬੂ ਕਰਕੇ ਉਨ੍ਹਾਂ ਦਾ ਇਲਾਜ ਕਰਵਾਉਣ ਦੀ ਮੰਗ ਕੀਤੀ ਹੈ।