ਹੈੱਡਮਾਸਟਰ ਗੁਰਸੇਵਕ ਸਿੰਘ ਕਤਲ ਕਾਂਡ : ਮਹਿਲਾ ਅਧਿਆਪਕਾ 'ਤੇ ਪੁਰਾਣੀ ਰੰਜਿਸ਼ ਤਹਿਤ ਵਾਰਦਾਤ ਨੂੰ ਅੰਜਾਮ ਦੇਣ ਦਾ ਸ਼ੱਕ, ਪੁਲਿਸ ਕਰ ਰਹੀ ਹੈ ਡੂੰਘਾਈ ਨਾਲ ਜਾਂਚ

ਮੁਹਾਲੀ ਦੀ ਡੀਈਓ ਗਿੰਨੀ ਦੁੱਗਲ ਨੇ ਹੈੱਡਮਾਸਟਰ ਗੁਰਸੇਵਕ ਸਿੰਘ ਦੀ ਮੌਤ 'ਤੇ ਡੂੰਘੇ ਦੁੱਖ ਦਾ ਪ੍ਰਗਟਾਵਾ ਜਤਾਇਆ ਹੈ। ਡੀਈਓ ਗਿੰਨੀ ਦੁੱਗਲ ਨੇ ਗੁਰਸੇਵਕ ਸਿੰਘ ਨੂੰ ਇਕ ਮਿਹਨਤੀ ਅਤੇ ਜ਼ਿੰਮੇਵਾਰ ਅਧਿਕਾਰੀ ਦੱਸਦਿਆਂ ਕਿਹਾ ਕਿ ਉਹ ਕੰਮ ਦੇ ਮਾਮਲੇ ਵਿਚ ਬੇਹੱਦ ਇਮਾਨਦਾਰ ਸਨ। ਵਿਭਾਗ ਨੂੰ ਜਦੋਂ ਵੀ ਕਿਸੇ ਤਰ੍ਹਾਂ ਦੇ ਡੇਟਾ ਦੀ ਲੋੜ ਹੁੰਦੀ ਸੀ, ਤਾਂ ਉਹ ਕਈ ਵਾਰ ਪੂਰੀ ਰਾਤ ਬੈਠ ਕੇ ਕੰਮ ਮੁਕੰਮਲ ਕਰਦੇ ਸਨ ਅਤੇ ਅਗਲੇ ਦਿਨ ਦੀ ਬੈਠਕ ਤੋਂ ਪਹਿਲਾਂ ਸਾਰਾ ਡੇਟਾ ਉਨ੍ਹਾਂ ਦੀ ਟੇਬਲ 'ਤੇ ਉਪਲਬਧ ਕਰਵਾ ਦਿੰਦੇ ਸਨ। ਉਨ੍ਹਾਂ ਕਿਹਾ ਕਿ ਗੁਰਸੇਵਕ ਸਿੰਘ ਦਾ ਦੇਹਾਂਤ ਸਿੱਖਿਆ ਵਿਭਾਗ ਲਈ ਇਕ ਬਹੁਤ ਵੱਡਾ ਘਾਟਾ ਹੈ।