ਵੇਦ ਪ੍ਰਚਾਰ ਮੰਡਲ ਨੇ ਕਰਵਾਇਆ ਅੰਤਰ-ਸਕੂਲ ਵੈਦਿਕ ਭਾਸ਼ਣ ਮੁਕਾਬਲਾ

ਪ੍ਰਸ਼ਾਂਤ, ਅਜੈ ਬੱਤਰਾ, ਡਾ. ਸਰੋਜ ਅਗਰਵਾਲ ਤੇ ਪ੍ਰਿੰਸੀਪਲ ਪੂਨਮ ਸ਼ਰਮਾ ਨੇ ਦੀਪ ਜਗਾ ਕੇ ਕੀਤਾ ਉਦਘਾਟਨ ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਲੁਧਿਆਣਾ ਵੇਦ ਪ੍ਰਚਾਰ ਮੰਡਲ ਪੰਜਾਬ ਵੱਲੋਂ ਪ੍ਰਿੰਸੀਪਲ ਸ਼ੁਭਲਤਾ ਅਤੇ ਡਾ. ਨਿਰੋਤਮ ਮੌਦਗਿਲ ਦੀ ਅਗਵਾਈ ਹੇਠ ਆਰਐਸ ਮਾਡਲ ਸੀਨੀਅਰ ਸੈਕੰਡਰੀ ਸਕੂਲ ਸ਼ਾਸਤਰੀ ਨਗਰ ਵਿਖੇ ਅੰਤਰ-ਸਕੂਲ ਵੈਦਿਕ ਭਾਸ਼ਣ ਮੁਕਾਬਲਾ ਕਰਵਾਇਆ। ਇਸ ਸਮਾਗਮ ਦੀ ਪ੍ਰਧਾਨਗੀ ਡਾ. ਹਰਪ੍ਰੀਤ ਸਿੰਘ ਪ੍ਰਿੰਸੀਪਲ ਜੀਜੀਐਨ. ਖਾਲਸਾ ਇੰਸਟੀਚਿਊਟ ਆਫ਼ ਮੈਨੇਜਮੈਂਟ ਐਂਡ ਟੈਕਨਾਲੋਜੀ ਨੇ ਕੀਤੀ। ਸਮਾਗਮ ਦਾ ਉਦਘਾਟਨ ਮੁੱਖ ਮਹਿਮਾਨ ਪ੍ਰਸ਼ਾਂਤ ਵਰਧਨ ਮੰਡਲ ਮੁਖੀ ਪੰਜਾਬ ਨੈਸ਼ਨਲ ਬੈਂਕ, ਅਜੈ ਬੱਤਰਾ (ਮੈਸਰਜ਼ ਬੱਤਰਾ ਐਂਡ ਕੰਪਨੀ), ਡਾ. ਸਰੋਜ ਅਗਰਵਾਲ (ਅਗਰਵਾਲ ਨਰਸਿੰਗ ਹੋਮ) ਅਤੇ ਪ੍ਰਿੰਸੀਪਲ ਪੂਨਮ ਸ਼ਰਮਾ ਸ੍ਰੀ ਹਰਕ੍ਰਿਸ਼ਨ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ ਡਾਬਾ ਨੇ ਦੀਪ ਜਗਾ ਕੇ ਕੀਤਾ। ਜੇਸੀ. ਕਪੂਰ ਅਤੇ ਅਸ਼ੋਕ ਅਵਸਥੀ ਨੇ ਡਰਾਅ ਕੱਢ ਕੇ ਅਤੇ ਭਾਗੀਦਾਰਾਂ ਨੂੰ ਬੈਜ ਦੇ ਕੇ ਮੁਕਾਬਲੇ ਦਾ ਬਕਾਇਦਾ ਆਗਾਜ਼ ਕਰਵਾਇਆ। ਮਹਿਮਾਨਾਂ ਦਾ ਸਵਾਗਤ ਰੋਸ਼ਨ ਲਾਲ ਆਰੀਆ, ਰਾਜੀਵ ਅੱਗਰਵਾਲ, ਸਤੀਸ਼ ਸ਼ਰਮਾ, ਬੌਬੀ ਮਲਹੋਤਰਾ, ਅਰੁਣ ਭਾਰਦਵਾਜ, ਰੇਣੂ ਵਧਵਾ, ਰਾਜਿੰਦਰ ਬੱਤਰਾ ਅਤੇ ਹੋਰ ਮੰਡਲ ਅਧਿਕਾਰੀਆਂ ਨੇ ਕੀਤਾ। ਸਕੂਲ ਪ੍ਰਿੰਸੀਪਲ ਸ਼ੁਭਲਤਾ ਨੇ ਆਪਣੇ ਭਾਸ਼ਣ ਵਿੱਚ ਸਾਰਿਆਂ ਦਾ ਸਵਾਗਤ ਕਰਦਿਆਂ ਕਿਹਾ ਕਿ ਵੇਦ ਪ੍ਰਚਾਰ ਮੰਡਲ ਨੌਜਵਾਨਾਂ, ਖਾਸ ਕਰਕੇ ਵਿਦਿਆਰਥੀਆਂ ਵਿੱਚ ਕਦਰਾਂ-ਕੀਮਤਾਂ ਪੈਦਾ ਕਰਨ ਲਈ ਯਤਨਸ਼ੀਲ ਹੈ। ਉਨ੍ਹਾਂ ਦੱਸਿਆ ਕਿ ਅਜਿਹੇ ਮੁਕਾਬਲੇ ਅੱਜ ਸਮੇਂ ਦੀ ਲੋੜ ਹਨ ਅਤੇ ਇਨ੍ਹਾਂ ਨੂੰ ਵੱਧ ਤੋਂ ਵੱਧ ਕੀਤਾ ਜਾਣਾ ਚਾਹੀਦਾ ਹੈ। ਇਸ ਮੁਕਾਬਲੇ ਵਿੱਚ 29 ਸਕੂਲਾਂ ਦੇ ਭਾਗੀਦਾਰਾਂ ਨੇ ਪੇਸ਼ਕਾਰੀ ਕੀਤੀ। ਵੈਦਿਕ ਸੱਭਿਆਚਾਰ ਤੋਂ ਇਲਾਵਾ, ਵਿਦਿਆਰਥੀਆਂ ਨੇ ਵੱਖ-ਵੱਖ ਮੌਜੂਦਾ ਮੁੱਦਿਆਂ ਨਾਲ ਸਬੰਧਤ ਵਿਸ਼ਿਆਂ ਤੇ ਗੱਲ ਕੀਤੀ। ਡਾ. ਨਰਿੰਦਰ ਸੰਧੂ, ਪ੍ਰੋ. ਸਰੋਜਨੀ ਸੈਦਾ ਅਤੇ ਪ੍ਰੋ. ਅਮਰਜੀਤ ਨੇ ਜੱਜ ਵਜੋਂ ਸੇਵਾ ਨਿਭਾਈ। ਮੁੱਖ ਮਹਿਮਾਨ ਪ੍ਰਸ਼ਾਂਤ ਵਰਧਨ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਮੰਡਲ ਵੱਲੋਂ ਵਿਸ਼ਿਆਂ ਦੀ ਚੋਣ ਸ਼ਲਾਘਾਯੋਗ ਸੀ ਅਤੇ ਵਿਦਿਆਰਥੀਆਂ ਨੇ ਸ਼ਾਨਦਾਰ ਪੇਸ਼ਕਾਰੀਆਂ ਦੇਣ ਲਈ ਸਖ਼ਤ ਮਿਹਨਤ ਕੀਤੀ ਹੈ। ਡਾ. ਹਰਪ੍ਰੀਤ ਸਿੰਘ ਨੇ ਆਪਣੇ ਪ੍ਰਧਾਨਗੀ ਭਾਸ਼ਣ ਵਿੱਚ ਕਿਹਾ ਕਿ ਵਿਦਿਆਰਥੀਆਂ ਤੱਕ ਵੇਦਾਂ ਦਾ ਸੰਦੇਸ਼ ਪਹੁੰਚਾਉਣਾ ਇੱਕ ਪੁੰਨ ਦਾ ਕੰਮ ਹੈ ਅਤੇ ਬੱਚਿਆਂ ਵਿੱਚ ਕਦਰਾਂ-ਕੀਮਤਾਂ ਪੈਦਾ ਕਰੇਗਾ। ਸਾਨੂੰ ਭਾਗੀਦਾਰਾਂ ਦੇ ਭਾਸ਼ਣਾਂ ਵਿੱਚ ਮੌਜੂਦ ਸੰਦੇਸ਼ ਨੂੰ ਆਪਣੇ ਜੀਵਨ ਵਿੱਚ ਅਪਣਾਉਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਵੇਦਾਂ ਵਿੱਚ ਦਰਸਾਏ ਮਾਰਗ ਤੇ ਚੱਲ ਕੇ ਅਸੀਂ ਮਨੁੱਖੀ ਜੀਵਨ ਦਾ ਟੀਚਾ, ਭਾਵ ਅਤੇ ਪਰਮਾਤਮਾ ਪ੍ਰਾਪਤ ਕਰ ਸਕਦੇ ਹਾਂ। ਸ਼ੁਭ ਲਤਾ, ਡਾ. ਨਿਰੋਤਮ, ਅਤੇ ਰੋਸ਼ਨ ਲਾਲ ਆਰੀਆ ਨੇ ਸਾਰੇ ਮਹਿਮਾਨਾਂ ਨੂੰ ਸਤਿਆਰਥ ਪ੍ਰਕਾਸ਼ ਭੇਟ ਕਰਕੇ ਸਨਮਾਨਿਤ ਕੀਤਾ। ਸਮਾਰੋਹ ਦੇ ਵਿਸ਼ੇਸ਼ ਮਹਿਮਾਨ ਅਮਰਜੀਤ ਕੰਬੋਜ ਨੇ ਜੇਤੂਆਂ ਨੂੰ ਇਨਾਮ ਅਤੇ ਸਰਟੀਫਿਕੇਟ ਭੇਟ ਕੀਤੇ। ਬਾਕਸ-- ਇਸ ਤਰ੍ਹਾਂ ਰਹੇ ਮੁਕਾਬਲੇ ਦੇ ਨਤੀਜੇ ਪਹਿਲਾ ਇਨਾਮ-ਆਰਾਧਿਆ ਮਿਸ਼ਰਾ (ਖਾਲਸਾ ਗਰਲਜ਼ ਸੀਨੀਅਰ ਸੈਕੰਡਰੀ ਸਕੂਲ) ਦੂਜਾ ਇਨਾਮ-ਵੰਸ਼ (ਰਾਸ਼ਟਰੀ ਬਾਲ ਵਿਦਿਆ ਮੰਦਰ) ਤੀਜਾ ਇਨਾਮ-ਭਾਵਨਾ (ਭਾਰਤੀ ਵਿਦਿਆ ਮੰਦਰ ਸੀਨੀਅਰ ਸੈਕੰਡਰੀ ਸਕੂਲ) ਪ੍ਰਸ਼ੰਸਾ ਪੁਰਸਕਾਰ-ਸਵਾਤੀ (ਹਰਬੰਸ ਵਿੱਦਿਆ ਮੰਦਰ ਸਕੂਲ) ਅਨੀਸ਼ਾ (ਸਰਗੋਧਾ ਪਬਲਿਕ ਸੀਨੀਅਰ ਸੈਕੰਡਰੀ ਸਕੂਲ) ਖੁਸ਼ੀ (ਐੱਸਵੀਐੱਨਸੀ. ਸਕੂਲ)