ਜੁੱਤੀਆਂ ਦੀ ਦੁਕਾਨ ਬਣੀ ਜਾਸੂਸੀ ਦਾ ਟਿਕਾਣਾ! ਫ਼ੌਜੀ ਵਾਹਨਾਂ 'ਤੇ ਨਜ਼ਰ ਰੱਖਣ ਵਾਲੇ ਨੈੱਟਵਰਕ ਦੇ ਦੋ ਹੋਰ ਜਾਸੂਸ ਗ੍ਰਿਫ਼ਤਾਰ,  ਕੈਮਰੇ ਦੀ ਲਾਈਵ ਫ਼ੀਡ ਬੰਦ ਹੁੰਦਿਆਂ ਹੀ ਪੁਲਿਸ ਦੇ ਜਾਲ ’ਚ ਫਸੇ

ਜਾਂਚ ਵਿੱਚ ਸਾਹਮਣੇ ਆਇਆ ਕਿ ਰਛਪਾਲ ਨੇ ਲੁਧਿਆਣਾ-ਫ਼ਿਰੋਜ਼ਪੁਰ ਰੋਡ 'ਤੇ ਦੁਕਾਨ ਕਿਰਾਏ 'ਤੇ ਲੈ ਕੇ ਜੁੱਤੀਆਂ ਦਾ ਕਾਰੋਬਾਰ ਸ਼ੁਰੂ ਕੀਤਾ ਸੀ। ਪੁਲਿਸ ਮੁਤਾਬਕ, ਇਹ ਦੁਕਾਨ ਕਥਿਤ ਤੌਰ 'ਤੇ ਜਾਸੂਸੀ ਨੈੱਟਵਰਕ ਲਈ ਫ੍ਰੰਟ ਦਾ ਕੰਮ ਕਰ ਰਹੀ ਸੀ। ਰਛਪਾਲ ਨੇ ਦੁਕਾਨ ਦੇ ਬਾਹਰ ਅਜਿਹੇ ਐਪ ਆਧਾਰਿਤ ਗ਼ੈਰ-ਕਾਨੂੰਨੀ ਕੈਮਰੇ ਲਗਾਏ ਸਨ, ਜਿਨ੍ਹਾਂ ਦਾ ਰੁਖ਼ ਸੜਕ ਵੱਲ ਸੀ। ਇਨ੍ਹਾਂ ਕੈਮਰਿਆਂ ਰਾਹੀਂ ਫ਼ੌਜੀ ਟਿਕਾਣਿਆਂ ਅਤੇ ਪੁਲਾਂ ਦੀਆਂ ਤਸਵੀਰਾਂ ਪਾਕਿਸਤਾਨ ਸਥਿਤ ਹੈਂਡਲਰਾਂ ਨੂੰ ਭੇਜੇ ਜਾਣ ਦਾ ਵੀ ਦੋਸ਼ ਹੈ।