ਐਸੋਸੀਏਸ਼ਨ ਨਵੀਂ ਟੀਮ ਨਾਲ ਸ਼ਹਿਰ ’ਚ ਚਲਾਏਗੀ ਸਿਹਤ ਜਾਗਰੂਕਤਾ ਮੁਹਿੰਮ

49

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਲੁਧਿਆਣਾ

ਢੰਡਾਰੀ ਖੁਰਦ ਵਿੱਚ ਮੈਡੀਕਲ ਪ੍ਰੈਕਟੀਸ਼ਨਰਜ਼ ਐਸੋਸੀਏਸ਼ਨ ਵੱਲੋਂ ਮੀਟਿੰਗ ਕੀਤੀ ਗਈ। ਇਸ ਵਿੱਚ ਲੁਧਿਆਣਾ ਦੇ ਵੱਖ-ਵੱਖ ਇਲਾਕਿਆਂ ਤੋਂ ਡਾਕਟਰਾਂ ਅਤੇ ਐਸੋਸੀਏਸ਼ਨ ਦੇ ਮੈਂਬਰਾਂ ਨੇ ਹਿੱਸਾ ਲਿਆ। ਮੀਟਿੰਗ ਦੌਰਾਨ ਸੰਗਠਨ ਨੂੰ ਮਜ਼ਬੂਤ ਕਰਨ ਦੇ ਨਾਲ ਕਈ ਨਵੇਂ ਮੈਂਬਰਾਂ ਨੂੰ ਐਸੋਸੀਏਸ਼ਨ ਵਿੱਚ ਸ਼ਾਮਲ ਕੀਤਾ। ਐਸੋਸੀਏਸ਼ਨ ਵੱਲੋਂ ਗਰਮੀ ਦੇ ਮੌਸਮ ਵਿੱਚ ਲੋਕਾਂ ਨੂੰ ਬਿਮਾਰੀਆਂ ਤੋਂ ਬਚਾਅ ਸਬੰਧੀ ਜਾਗਰੂਕ ਕਰਨ ਲਈ ਸ਼ਹਿਰ ਦੇ ਵੱਖ-ਵੱਖ ਇਲਾਕਿਆਂ ਵਿੱਚ ਸਿਹਤ ਜਾਗਰੂਕਤਾ ਮੁਹਿੰਮ ਚਲਾਉਣ ਦਾ ਫੈਸਲਾ ਕੀਤਾ ਗਿਆ। ਇਸ ਤਹਿਤ ਢੰਡਾਰੀ ਖੁਰਦ, ਕੰਗਨਵਾਲ, ਗੋਬਿੰਦਗੜ੍ਹ ਹਾਥੀ ਕਲੋਨੀ, ਪ੍ਰੇਮ ਨਗਰ, ਦੁਰਗਾ ਕਲੋਨੀ, ਨਿਊ ਦੁਰਗਾ ਕਲੋਨੀ, ਸ਼ੇਰਪੁਰ ਅਤੇ ਗਿਆਸਪੁਰਾ ਵਿੱਚ ਲੋਕਾਂ ਨੂੰ ਸਾਫ਼ ਪਾਣੀ, ਖਾਣ-ਪੀਣ, ਗਰਮੀ ਨਾਲ ਹੋਣ ਵਾਲੀਆਂ ਬਿਮਾਰੀਆਂ ਅਤੇ ਸਿਹਤ ਸਬੰਧੀ ਸਾਵਧਾਨੀਆਂ ਬਾਰੇ ਜਾਣਕਾਰੀ ਦਿੱਤੀ ਜਾਵੇਗੀ। ਇਸ ਮੁਹਿੰਮ ਵਿੱਚ ਮਾਹਿਰ ਡਾਕਟਰਾਂ ਦਾ ਸਹਿਯੋਗ ਵੀ ਲਿਆ ਜਾਵੇਗਾ। ਮੀਟਿੰਗ ਵਿੱਚ ਬਲਾਕ ਪ੍ਰਧਾਨ ਮਨਮੋਹਨ ਸਿੰਘ ਹੈਪੀ, ਅਤੁਲ ਕੁਮਾਰ, ਅਰਮਾਨ ਸਹਿਗਲ, ਐਨਕੇ ਸ਼ਰਮਾ, ਹਰੇਰਾਮ ਸ਼ਰਮਾ, ਸ਼ਿਵੇਸ਼, ਅਤੁਲ ਜੈਨ, ਕਿਰਣ, ਵਿਜੈ, ਸੋਨੀ, ਰਾਜਵੀ, ਰਾਜੂ, ਅਬਦੁਲ ਅਲੀ, ਗੁਰਚਰਨ, ਗੋਵਿੰਦ, ਸੂਰਜ, ਰਾਜਪਾਲ, ਰਾਜੇਸ਼, ਕਾਰਤਿਕ, ਹਰਦਮ ਸਿੰਘ, ਜਿਤੇਂਦਰ ਸਿੰਘ, ਅਮਨ, ਅਨਿਲ ਕੁਮਾਰ, ਮੋਹਨ, ਰਾਜ ਸਿੰਘ, ਸੋਨੂ ਮਹਾਜਨ, ਵਿਕਰਮ ਅਤੇ ਕੁਲਦੀਪ ਸਿੰਘ ਸਮੇਤ ਹੋਰ ਮੈਂਬਰ ਮੌਜੂਦ ਰਹੇ।