- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਬੱਸ ਸਟੈਂਡ ਦੀ ਸੁਰੱਖਿਆ 'ਤੇ ਸਵਾਲ: ਰੋਡਵੇਜ਼ ਬੱਸ ਚੋਰੀ ਕਰਕੇ ਫਰਾਰ ਹੋਏ ਚੋਰ, ਵੱਡੇ ਕਾਂਡ ਮਗਰੋਂ ਲਵਾਰਸ ਛੱਡੀ ਬੱਸ
ਲੁਧਿਆਣਾ 'ਚ ਚੋਰਾਂ ਨੇ ਬੱਸ ਚੋਰੀ ਦੀ ਅਜਿਹੀ ਵਾਰਦਾਤ ਨੂੰ ਅੰਜਾਮ ਦਿੱਤਾ, ਜੋ ਕਿਸੇ ਫ਼ਿਲਮੀ ਦ੍ਰਿਸ਼ ਤੋਂ ਘੱਟ ਨਹੀਂ ਹੈ। ਬੱਸ ਸਟੈਂਡ ਡਿਪੋ ਦੇ ਸਾਹਮਣੇ ਪਾਰਕਿੰਗ 'ਚ ਖੜ੍ਹੀ ਪੀਆਰਟੀਸੀ ਦੀ ਟਾਪ ਮਾਡਲ ਬੱਸ ਨੂੰ ਚੋਰ ਚੋਰੀ ਕਰਕੇ ਲੈ ਗਏ। ਅਗਲੇ ਦਿਨ ਬੱਸ ਸ਼ਹਿਰ ਤੋਂ ਕਰੀਬ 21 ਕਿਲੋਮੀਟਰ ਦੂਰ ਢੱਟ ਪਿੰਡ ਨੇੜੇ ਇੱਟਾਂ ਦੇ ਸਹਾਰੇ ਖੜ੍ਹੀ ਮਿਲੀ। ਚੋਰ ਬੱਸ ਦੇ ਟਾਇਰ, ਦੋਵੇਂ ਬੈਟਰੀਆਂ ਅਤੇ ਹੋਰ ਕੀਮਤੀ ਸਮਾਨ ਕੱਢ ਕੇ ਲੈ ਗਏ। ਪੂਰੀ ਵਾਰਦਾਤ ਸੀਸੀਟੀਵੀ ਕੈਮਰਿਆਂ 'ਚ ਕੈਦ ਹੋ ਗਈ ਹੈ। ਬੱਸ ਡਰਾਈਵਰ ਮੁਤਾਬਕ, 28 ਅਗਸਤ ਦੀ ਰਾਤ ਕਰੀਬ 12:30 ਵਜੇ ਇੱਕ ਬੋਲੇਰੋ ਪਿਕਅਪ ਪਾਰਕਿੰਗ ਨੇੜੇ ਆ ਕੇ ਰੁਕੀ। ਇਸ 'ਚ ਸੱਤ ਤੋਂ ਅੱਠ ਲੋਕ
Posted By Sunita
Publish Date: Sun, 06 Sep 2026 12:13 PM (IST)
Updated Date: Sun, 06 Sep 2026 12:18 PM (IST)
ਜਾਗਰਣ ਸੰਵਾਦਦਾਤਾ, ਲੁਧਿਆਣਾ - ਲੁਧਿਆਣਾ 'ਚ ਚੋਰਾਂ ਨੇ ਬੱਸ ਚੋਰੀ ਦੀ ਅਜਿਹੀ ਵਾਰਦਾਤ ਨੂੰ ਅੰਜਾਮ ਦਿੱਤਾ, ਜੋ ਕਿਸੇ ਫ਼ਿਲਮੀ ਦ੍ਰਿਸ਼ ਤੋਂ ਘੱਟ ਨਹੀਂ ਹੈ। ਬੱਸ ਸਟੈਂਡ ਡਿਪੋ ਦੇ ਸਾਹਮਣੇ ਪਾਰਕਿੰਗ 'ਚ ਖੜ੍ਹੀ ਪੀਆਰਟੀਸੀ ਦੀ ਟਾਪ ਮਾਡਲ ਬੱਸ ਨੂੰ ਚੋਰ ਚੋਰੀ ਕਰਕੇ ਲੈ ਗਏ। ਅਗਲੇ ਦਿਨ ਬੱਸ ਸ਼ਹਿਰ ਤੋਂ ਕਰੀਬ 21 ਕਿਲੋਮੀਟਰ ਦੂਰ ਢੱਟ ਪਿੰਡ ਨੇੜੇ ਇੱਟਾਂ ਦੇ ਸਹਾਰੇ ਖੜ੍ਹੀ ਮਿਲੀ। ਚੋਰ ਬੱਸ ਦੇ ਟਾਇਰ, ਦੋਵੇਂ ਬੈਟਰੀਆਂ ਅਤੇ ਹੋਰ ਕੀਮਤੀ ਸਮਾਨ ਕੱਢ ਕੇ ਲੈ ਗਏ। ਪੂਰੀ ਵਾਰਦਾਤ ਸੀਸੀਟੀਵੀ ਕੈਮਰਿਆਂ 'ਚ ਕੈਦ ਹੋ ਗਈ ਹੈ। ਬੱਸ ਡਰਾਈਵਰ ਮੁਤਾਬਕ, 28 ਅਗਸਤ ਦੀ ਰਾਤ ਕਰੀਬ 12:30 ਵਜੇ ਇੱਕ ਬੋਲੇਰੋ ਪਿਕਅਪ ਪਾਰਕਿੰਗ ਨੇੜੇ ਆ ਕੇ ਰੁਕੀ। ਇਸ 'ਚ ਸੱਤ ਤੋਂ ਅੱਠ ਲੋਕ ਸਵਾਰ ਸਨ। ਮੁਲਜ਼ਮ ਕਰੀਬ ਦੋ ਘੰਟਿਆਂ ਤੱਕ ਉੱਥੇ ਬੈਠੇ ਰਹੇ ਅਤੇ ਰੇਕੀ ਕਰਦੇ ਰਹੇ।
ਤਾਰਾਂ ਤੋੜ ਕੇ ਬੱਸ ਕੀਤੀ ਸਟਾਰਟ
ਇਸ ਤੋਂ ਬਾਅਦ ਉਨ੍ਹਾਂ ਨੇ ਬੱਸ ਦੇ ਸਟਾਰਟਿੰਗ ਸ'ਚ ਦੀਆਂ ਤਾਰਾਂ ਤੋੜ ਕੇ ਵਾਇਰਿੰਗ ਰਾਹੀਂ ਬੱਸ ਨੂੰ ਡਾਇਰੈਕਟ ਸਟਾਰਟ ਕੀਤਾ ਅਤੇ ਲੈ ਕੇ ਫਰਾਰ ਹੋ ਗਏ। ਡਰਾਈਵਰ ਦੇ ਅਨੁਸਾਰ, ਬੱਸ ਨੂੰ ਇਸ ਤਰ੍ਹਾਂ ਸਟਾਰਟ ਕਰਨ ਲਈ ਉਸ ਦੇ ਸਿਸਟਮ ਅਤੇ ਵਾਇਰਿੰਗ ਦੀ ਤਕਨੀਕੀ ਜਾਣਕਾਰੀ ਹੋਣਾ ਜ਼ਰੂਰੀ ਹੈ।
ਅਗਲੀ ਸਵੇਰ ਯਾਨੀ 29 ਅਗਸਤ ਨੂੰ ਕਰੀਬ 7:30 ਵਜੇ ਡਰਾਈਵਰ ਡਿਊਟੀ 'ਤੇ ਪਹੁੰਚਿਆ ਤਾਂ ਬੱਸ ਗਾਇਬ ਮਿਲੀ। ਤਲਾਸ਼ ਦੌਰਾਨ ਬੱਸ ਚੌਕੀਮਾਨ ਟੋਲ ਪਲਾਜ਼ਾ ਤੋਂ ਕਰੀਬ ਦੋ ਕਿਲੋਮੀਟਰ ਪਿੱਛੇ ਢੱਟ ਪਿੰਡ ਨੇੜੇ ਮਿਲੀ। ਚੋਰਾਂ ਨੇ ਬੱਸ ਨੂੰ ਇੱਟਾਂ 'ਤੇ ਖੜ੍ਹਾ ਕਰਕੇ ਉਸ ਦੇ ਟਾਇਰ ਅਤੇ ਬੈਟਰੀਆਂ ਕੱਢ ਲਈਆਂ ਸਨ। ਸਬੂਤ ਮਿਟਾਉਣ ਲਈ ਬੱਸ 'ਚ ਲੱਗੇ ਸੀਸੀਟੀਵੀ ਕੈਮਰੇ ਵੀ ਤੋੜ ਕੇ ਲੈ ਗਏ।
ਮਾਮਲੇ ਦੀ ਜਾਂਚ 'ਚ ਜੁਟੀ ਪੁਲਿਸ
ਵਾਰਦਾਤ ਤੋਂ ਬਾਅਦ ਪੀਆਰਟੀਸੀ ਸਟਾਫ਼ ਥਾਣਾ ਨੰਬਰ ਪੰਜ ਪਹੁੰਚਿਆ। ਪਰ ਕਿਸੇ ਨੇ ਉਨ੍ਹਾਂ ਦੀ ਸੁਣਵਾਈ ਨਹੀਂ ਕੀਤੀ। ਪੁਲਿਸ ਦਾ ਕਹਿਣਾ ਹੈ ਕਿ ਸੀਸੀਟੀਵੀ ਫੁਟੇਜ ਤੋਂ ਬੋਲੇਰੋ ਪਿਕਅਪ ਦਾ ਨੰਬਰ ਪਤਾ ਲੱਗ ਗਿਆ ਹੈ। ਮਾਮਲੇ ਦੀ ਜਾਂਚ ਜਾਰੀ ਹੈ, ਪਰ ਅਜੇ ਤੱਕ ਕਿਸੇ ਮੁਲਜ਼ਮ ਦੀ ਗ੍ਰਿਫ਼ਤਾਰੀ ਨਹੀਂ ਹੋਈ ਹੈ। ਨੁਕਸਾਨ ਕਰੀਬ ਸੱਤ ਤੋਂ ਅੱਠ ਲੱਖ ਰੁਪਏ ਦੱਸਿਆ ਜਾ ਰਿਹਾ ਹੈ।