ਮੌਲੀ ਦੀ ਸਾਦਗੀ ਤੋਂ ਡਿਜ਼ਾਈਨਰ ਬ੍ਰੇਸਲੇਟ ਤਕ ਪੁੱਜੀ ਰੱਖੜੀ

-ਕ੍ਰਿਸਟਲ ਤੇ ਕਸਟਮਾਈਜ਼ ਡਿਜ਼ਾਈਨਾਂ ਨੇ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਫੋਟੋ ਨੰਬਰ-21 ਰਾਜਕੁਮਾਰ ਸ਼ਰਮਾ, ਪੰਜਾਬੀ ਜਾਗਰਣ ਲੁਧਿਆਣਾ ਸਮੇਂ ਦੇ ਬਦਲਣ ਨਾਲ ਰੱਖੜੀ ਦਾ ਤਿਉਹਾਰ ਮਨਾਉਣ ਦੇ ਤਰੀਕਿਆਂ ਵਿੱਚ ਭਾਵੇਂ ਕਾਫ਼ੀ ਤਬਦੀਲੀ ਆਈ ਹੈ, ਪਰ ਭੈਣ-ਭਰਾ ਦੇ ਰਿਸ਼ਤੇ ਦੀ ਭਾਵਨਾ ਅੱਜ ਵੀ ਉਹੀ ਹੈ। ਕਦੇ ਸਧਾਰਨ ਮੌਲੀ ਜਾਂ ਰੰਗੀਲੇ ਧਾਗੇ ਨਾਲ ਬਣੀ ਰੱਖੜੀ ਹੀ ਭਰਾ ਦੀ ਕਲਾਈ ਦੀ ਸ਼ਾਨ ਹੁੰਦੀ ਸੀ, ਪਰ ਹੁਣ ਬਾਜ਼ਾਰ ਵਿੱਚ ਡਿਜ਼ਾਈਨਰ ਬ੍ਰੇਸਲੇਟ, ਕ੍ਰਿਸਟਲ, ਕੁੰਦਨ, ਮੋਤੀ ਅਤੇ ਕਸਟਮਾਈਜ਼ ਰੱਖੜੀਆਂ ਦੀ ਭਰਮਾਰ ਹੈ। ਲੁਧਿਆਣਾ ਦੇ ਵੱਖ-ਵੱਖ ਬਾਜ਼ਾਰਾਂ ਵਿੱਚ ਰੱਖੜੀ ਨੂੰ ਲੈ ਕੇ ਖਰੀਦਦਾਰੀ ਦਾ ਮਾਹੌਲ ਬਣਿਆ ਹੋਇਆ ਹੈ। ਦੁਕਾਨਾਂ ’ਤੇ ਰੰਗ-ਬਿਰੰਗੀਆਂ ਅਤੇ ਵੱਖ-ਵੱਖ ਡਿਜ਼ਾਈਨਾਂ ਵਾਲੀਆਂ ਰੱਖੜੀਆਂ ਸਜੀਆਂ ਹੋਈਆਂ ਹਨ। ਰਵਾਇਤੀ ਰੱਖੜੀਆਂ ਦੇ ਨਾਲ-ਨਾਲ ਨੌਜਵਾਨਾਂ ਨੂੰ ਧਿਆਨ ਵਿੱਚ ਰੱਖ ਕੇ ਬ੍ਰੇਸਲੇਟ ਸਟਾਈਲ ਰੱਖੜੀਆਂ ਵੀ ਤਿਆਰ ਕੀਤੀਆਂ ਗਈਆਂ ਹਨ। ਕ੍ਰਿਸਟਲ, ਸਟੋਨ, ਮੋਤੀ, ਕੁੰਦਨ ਅਤੇ ਆਕਰਸ਼ਕ ਧਾਗਿਆਂ ਨਾਲ ਬਣੀਆਂ ਰੱਖੜੀਆਂ ਗਾਹਕਾਂ ਦਾ ਧਿਆਨ ਖਿੱਚ ਰਹੀਆਂ ਹਨ। -ਬਾਕਸ- -ਨਾਮ ਤੇ ਤਸਵੀਰ ਵਾਲੀਆਂ ਕਸਟਮਾਈਜ਼ ਰੱਖੜੀਆਂ ਦੀ ਵਧੀ ਮੰਗ ਅੱਜ ਕੱਲ੍ਹ ਲੋਕ ਰੱਖੜੀ ਨੂੰ ਸਿਰਫ਼ ਇੱਕ ਧਾਗੇ ਵਜੋਂ ਨਹੀਂ, ਸਗੋਂ ਭਾਵਨਾਵਾਂ ਨਾਲ ਜੋੜ ਕੇ ਦੇਖ ਰਹੇ ਹਨ। ਇਸੇ ਕਾਰਨ ਕਸਟਮਾਈਜ਼ ਰੱਖੜੀਆਂ ਦੀ ਮੰਗ ਵੀ ਵਧ ਰਹੀ ਹੈ। ਕਈ ਭੈਣਾਂ ਭਰਾ ਦਾ ਨਾਮ, ਆਪਣੀ ਤਸਵੀਰ, ਦੋਵਾਂ ਦੀ ਫੋਟੋ ਜਾਂ ਕੋਈ ਖਾਸ ਸੰਦੇਸ਼ ਰੱਖੜੀ ’ਤੇ ਲਿਖਵਾ ਰਹੀਆਂ ਹਨ। ਅਜਿਹੀਆਂ ਰੱਖੜੀਆਂ ਭੈਣ-ਭਰਾ ਦੇ ਰਿਸ਼ਤੇ ਨੂੰ ਹੋਰ ਨਿੱਜੀ ਅਤੇ ਯਾਦਗਾਰ ਬਣਾਉਂਦੀਆਂ ਹਨ। -ਬਾਕਸ- ਬੱਚਿਆਂ ਲਈ ਕਾਰਟੂਨ ਤੇ ਸੁਪਰ ਹੀਰੋ ਰੱਖੜੀਆਂ ਅਹਿਮ ਬੱਚਿਆਂ ਲਈ ਵੀ ਬਾਜ਼ਾਰ ਵਿੱਚ ਰੱਖੜੀਆਂ ਦੀਆਂ ਕਈ ਕਿਸਮਾਂ ਮੌਜੂਦ ਹਨ। ਕਾਰਟੂਨ ਕਿਰਦਾਰਾਂ, ਸੁਪਰਹੀਰੋ, ਐਨੀਮੇਟਿਡ ਕਿਰਦਾਰਾਂ ਅਤੇ ਵੱਖ-ਵੱਖ ਖਿਡੌਣਾ ਆਕਾਰਾਂ ਵਾਲੀਆਂ ਰੱਖੜੀਆਂ ਬੱਚਿਆਂ ਨੂੰ ਖਾਸ ਤੌਰ ’ਤੇ ਪਸੰਦ ਆ ਰਹੀਆਂ ਹਨ। ਕੁਝ ਰੱਖੜੀਆਂ ਵਿੱਚ ਲਾਈਟਾਂ ਅਤੇ ਹੋਰ ਸਜਾਵਟੀ ਤੱਤ ਵੀ ਲਗਾਏ ਗਏ ਹਨ। ਦੂਜੇ ਪਾਸੇ ਨੌਜਵਾਨਾਂ ਵਿੱਚ ਸਧਾਰਨ, ਆਕਰਸ਼ਕ ਅਤੇ ਮਿਨੀਮਲ ਡਿਜ਼ਾਈਨ ਵਾਲੀਆਂ ਰੱਖੜੀਆਂ ਦੀ ਮੰਗ ਦੇਖਣ ਨੂੰ ਮਿਲ ਰਹੀ ਹੈ। ਕਈ ਨੌਜਵਾਨ ਰਵਾਇਤੀ ਰੱਖੜੀ ਦੀ ਬਜਾਏ ਅਜਿਹੀ ਰੱਖੜੀ ਪਸੰਦ ਕਰ ਰਹੇ ਹਨ ਜੋ ਬਾਅਦ ਵਿੱਚ ਬ੍ਰੇਸਲੇਟ ਵਜੋਂ ਵੀ ਪਹਿਨੀ ਜਾ ਸਕੇ। -ਬਾਕਸ- ਗਿਫਟ ਪੈਕਿੰਗ ਨੇ ਵੀ ਬਦਲਿਆ ਖਰੀਦਦਾਰੀ ਦਾ ਅੰਦਾਜ ਰੱਖੜੀ ਦੇ ਨਾਲ ਗਿਫਟ ਪੈਕਿੰਗ ਦਾ ਰੁਝਾਨ ਵੀ ਤੇਜ਼ੀ ਨਾਲ ਵਧਿਆ ਹੈ। ਹੁਣ ਭੈਣਾਂ ਸਿਰਫ਼ ਰੱਖੜੀ ਖਰੀਦ ਕੇ ਸੰਤੁਸ਼ਟ ਨਹੀਂ ਹੁੰਦੀਆਂ, ਸਗੋਂ ਭਰਾ ਦੀ ਪਸੰਦ ਅਤੇ ਉਮਰ ਦੇ ਅਨੁਸਾਰ ਚਾਕਲੇਟ, ਮਿਠਾਈ, ਪਰਫਿਊਮ, ਕੱਪੜੇ ਜਾਂ ਹੋਰ ਤੋਹਫ਼ੇ ਵੀ ਚੁਣ ਰਹੀਆਂ ਹਨ। ਕਈ ਦੁਕਾਨਾਂ ’ਤੇ ਰੱਖੜੀ ਅਤੇ ਗਿਫਟ ਦੇ ਕੰਬੋ ਪੈਕ ਵੀ ਗਾਹਕਾਂ ਲਈ ਤਿਆਰ ਕੀਤੇ ਗਏ ਹਨ। -ਆਨਲਾਈਨ ਖ਼ਰੀਦਦਾਰੀ ਦਾ ਵੀ ਵਧਿਆ ਰੁਝਾਨ ਰੱਖੜੀ ਦੀ ਖ਼ਰੀਦਦਾਰੀ ਵਿੱਚ ਆਨਲਾਈਨ ਬਾਜ਼ਾਰ ਦਾ ਪ੍ਰਭਾਵ ਵੀ ਦੇਖਣ ਨੂੰ ਮਿਲ ਰਿਹਾ ਹੈ। ਵਿਦੇਸ਼ਾਂ ਜਾਂ ਦੂਜੇ ਸ਼ਹਿਰਾਂ ਵਿੱਚ ਰਹਿਣ ਵਾਲੀਆਂ ਭੈਣਾਂ ਆਪਣੇ ਭਰਾਵਾਂ ਲਈ ਆਨਲਾਈਨ ਰੱਖੜੀ ਅਤੇ ਗਿਫਟ ਭੇਜ ਰਹੀਆਂ ਹਨ। ਇਸ ਕਾਰਨ ਰਵਾਇਤੀ ਬਾਜ਼ਾਰਾਂ ਦੇ ਨਾਲ-ਨਾਲ ਆਨਲਾਈਨ ਪਲੇਟਫਾਰਮਾਂ ’ਤੇ ਵੀ ਰੱਖੜੀ ਦੇ ਵੱਖ-ਵੱਖ ਡਿਜ਼ਾਈਨਾਂ ਦੀ ਮੰਗ ਵਧੀ ਹੈ। -ਰਵਾਇਤੀ ਰੱਖੜੀ ਦੀ ਆਪਣੀ ਪਛਾਣ ਕਾਇਮ ਭਾਵੇਂ ਆਧੁਨਿਕ ਡਿਜ਼ਾਈਨਾਂ ਨੇ ਬਾਜ਼ਾਰ ’ਚ ਆਪਣੀ ਥਾਂ ਬਣਾ ਲਈ ਹੈ, ਪਰ ਸਧਾਰਨ ਮੌਲੀ ਅਤੇ ਰਵਾਇਤੀ ਰੱਖੜੀ ਦੀ ਮੰਗ ਅਜੇ ਵੀ ਕਾਇਮ ਹੈ। ਬਹੁਤ ਸਾਰੇ ਪਰਿਵਾਰ ਅੱਜ ਵੀ ਸਾਦਗੀ ਨੂੰ ਤਰਜੀਹ ਦਿੰਦੇ ਹਨ ਤੇ ਮੌਲੀ ਵਾਲੀ ਰੱਖੜੀ ਨੂੰ ਹੀ ਭੈਣ-ਭਰਾ ਦੇ ਪਿਆਰ ਦਾ ਅਸਲ ਪ੍ਰਤੀਕ ਮੰਨਦੇ ਹਨ।