ਖੂਨਦਾਨ ਕੈਂਪ ’ਚ ਇਕੱਠਾ ਕੀਤਾ 47 ਯੂਨਿਟ ਖ਼ੂਨ

10 ਸਿੱਖਿਆ ਪ੍ਰਤੀਨਿਧ, ਪੰਜਾਬੀ ਜਾਗਰਣ ਲੁਧਿਆਣਾ ਐਨਸੀਸੀ 3 ਪੰਜਾਬ (ਲੜਕੀਆਂ) ਬਟਾਲੀਅਨ, ਲੁਧਿਆਣਾ, ਐਨਸੀਸੀ ਗਰੁੱਪ ਹੈੱਡਕੁਆਰਟਰ ਲੁਧਿਆਣਾ ਦੇ ਅਧੀਨ, ਨੇ ਸਰਕਾਰੀ ਕਾਲਜ (ਲੜਕੀਆਂ), ਲੁਧਿਆਣਾ ਵਿੱਚ ਗੁਰੂ ਨਾਨਕ ਬਲੱਡ ਸੈਂਟਰ ਦੇ ਸਹਿਯੋਗ ਨਾਲ ਖੂਨ ਦਾਨ ਕੈਂਪ ਲਾਇਾ। ਐੱਨਸੀਸੀ ਦੀ ਸਮਾਜਿਕ ਸੇਵਾ ਅਤੇ ਮਨੁੱਖੀ ਕਦਰਾਂ-ਕੀਮਤਾਂ ਪ੍ਰਤੀ ਵਚਨਬੱਧਤਾ ਨੂੰ ਮੁੜ ਦਰਸਾਇਆ ਹੈ। ਕੈਂਪ ਵਿੱਚ ਕਾਲਜ ਸਮੁਦਾਇ ਦੇ ਹਰ ਵਰਗ ਨੇ ਉਤਸ਼ਾਹ ਨਾਲ ਭਾਗ ਲਿਆ। ਦਿਨ ਭਰ ਚੱਲੇ ਇਸ ਅਭਿਆਨ ਦੌਰਾਨ ਕੁੱਲ 45 ਯੂਨਿਟ ਖੂਨ ਇਕੱਠਾ ਕੀਤਾ, ਜਿਸ ’ਚ ਐੱਨਸੀਸੀਕੈਡੇਟਸ, ਕਾਲਜ ਵਿਦਿਆਰਥਣਾਂ, ਕਾਮਬੈਟੈਂਟਸ ਅਤੇ ਸਿਵਲ ਸਟਾਫ ਮੈਂਬਰਾਂ ਦਾ ਯੋਗਦਾਨ ਰਿਹਾ। ਕਮਾਂਡਿੰਗ ਅਫਸਰ ਅਤੇ ਸਟਾਫ ਨੇ ਕੈਡੇਟਸ ਦੀ ਅਨੁਸ਼ਾਸਿਤ ਸੰਗਠਨ ਯੋਗਤਾ ਤੇ ਫਰਜ਼ ਨਿਭਾਉਣ ਦੀ ਭਾਵਨਾ ਦੀ ਪ੍ਰਸ਼ੰਸਾ ਕੀਤੀ। ਖੂਨ ਦਾਨ ਕਰਨ ਵਾਲਿਆਂ ਨੂੰ ਸਰਟੀਫਿਕੇਟ ਆਫ ਐਪ੍ਰੀਸੀਏਸ਼ਨ ਦਿੱਤੇ ਗਏ, ਜੋ ਜ਼ਿੰਦਗੀਆਂ ਬਚਾਉਣ ਵਿੱਚ ਉਨ੍ਹਾਂ ਦੇ ਨਿਸ਼ਕਾਮ ਯੋਗਦਾਨ ਦਾ ਪ੍ਰਤੀਕ ਸਨ। ਸਮਾਗਮ ਹਾਲ ਐਨਸੀਸੀ ਦੇ ਮੋਟੋ “ਏਕਤਾ ਤੇ ਅਨੁਸ਼ਾਸਨ” ਨਾਲ ਗੂੰਜ ਉਠਿਆ, ਜਦੋਂ ਕੈਡਿਟਾਂ ਨੇ ਖਾਕੀ ਵਰਦੀ ਅਤੇ ਹਰੇ ਬਰੇਟ ਪਹਿਨ ਕੇ ਮੈਡੀਕਲ ਟੀਮਾਂ ਦੀ ਸਹਾਇਤਾ ਕੀਤੀ ਅਤੇ ਸਾਥੀ ਵਿਦਿਆਰਥੀਆਂ ਨੂੰ ਇਸ ਪੁੰਨ ਦੇ ਕਾਰਜ ਵਿੱਚ ਸ਼ਾਮਲ ਹੋਣ ਲਈ ਪ੍ਰੇਰਿਤ ਕੀਤਾ। ਕੈਂਪ ਦਾ ਸਮਾਪਨ ਸਾਰੇ ਦਾਤਾਵਾਂ ਅਤੇ ਸਵੈਸੇਵਕਾਂ ਪ੍ਰਤੀ ਦਿਲੋਂ ਧੰਨਵਾਦ ਨਾਲ ਹੋਇਆ, ਜੋ ਸਮਾਜਿਕ ਭਲਾਈ ਤੇ ਜਨ ਸਿਹਤ ਜਾਗਰੂਕਤਾ ਨੂੰ ਉਤਸ਼ਾਹਿਤ ਕਰਨ ਵਿੱਚ ਬਟਾਲੀਅਨ ਦੇ ਲਗਾਤਾਰ ਯਤਨਾਂ ਦਾ ਇੱਕ ਹੋਰ ਮੀਲ ਪੱਥਰ ਸਾਬਤ ਹੋਇਆ।