ਸਕੂਲ 'ਚ ਖ਼ੌਫ਼ਨਾਕ ਵਾਰਦਾਤ: BVM ਸਕੂਲ 'ਚ ਵਿਦਿਆਰਥਣ ਨੇ ਸਹਿਪਾਠੀ 'ਤੇ ਬਲੇਡ ਨਾਲ ਕੀਤਾ ਜਾਨਲੇਵਾ ਹਮਲਾ, ਲੱਗੇ 23 ਟਾਂਕੇ

ਅਯਾਨ ਦੇ ਪਿਤਾ ਵਿਕਾਸ ਸੂਦ ਨੇ ਦੱਸਿਆ ਕਿ ਉਹ ਸੈਨੇਟਰੀ ਦਾ ਕਾਰੋਬਾਰ ਕਰਦੇ ਹਨ ਅਤੇ ਉਨ੍ਹਾਂ ਦਾ ਪੁੱਤਰ ਬੀਵੀਐੱਮ ਸਕੂਲ ਵਿਚ ਪੜ੍ਹਦਾ ਹੈ। ਮੰਗਲਵਾਰ ਨੂੰ ਦੁਪਹਿਰ 2 ਵਜੇ ਸਕੂਲ ਦੀ ਛੁੱਟੀ ਹੋਣ ਦੇ ਬਾਅਦ, ਉਹ ਸਕੂਲ ਦੇ ਅੰਦਰ ਖੜ੍ਹਾ ਸੀ। ਇਸ ਦੌਰਾਨ, ਉਸ ਦੀ ਕਲਾਸ ਦੀ ਇਕ ਹੋਰ ਵਿਦਿਆਰਥਣ ਉੱਥੇ ਆਈ ਅਤੇ ਉਸ ਨੂੰ ਸਕੂਲ ਦੇ ਗੇਟ ਤੋਂ ਬਾਹਰ ਲੈ ਗਈ। ਬਾਹਰ ਆਉਣ 'ਤੇ, ਉਨ੍ਹਾਂ ਵਿਚ ਕਿਸੇ ਗੱਲ 'ਤੇ ਸ਼ਬਦੀ ਜੰਗ ਹੋਣ ਲੱਗੀ ਅਤੇ ਉਸ ਕੁੜੀ ਨੇ ਹੱਥ ਵਿਚ ਰੱਖੇ ਬਲੇਡ ਨਾਲ ਅਯਾਨ ਦੇ ਚਿਹਰੇ 'ਤੇ ਵਾਰ ਕਰ ਦਿੱਤਾ, ਜਿਸ ਨਾਲ ਉਹ ਖੂਨ ਨਾਲ ਲਥਪਥ ਹੋ ਗਿਆ। ਲੋਕਾਂ ਦੇ ਅਨੁਸਾਰ, ਇਸ ਦੌਰਾਨ ਕੁੜੀ ਦੀ ਉਂਗਲੀ ਵੀ ਜ਼ਖਮੀ ਹੋ ਗਈ। ਅਯਾਨ ਨੂੰ ਡੀਐਮਸੀ ਹਸਪਤਾਲ ਭੇਜਿਆ ਗਿਆ, ਜਿੱਥੇ ਉਸ ਦੇ ਚਿਹਰੇ 'ਤੇ 23 ਦੇ ਕਰੀਬ ਟਾਂਕੇ ਲੱਗੇ ਹਨ। ਪਰਿਵਾਰ ਨੇ ਆਪਣੇ ਪੁੱਤਰ ਨੂੰ ਇਨਸਾਫ ਦਿਲਵਾਉਣ ਦੀ ਮੰਗ ਕੀਤੀ ਹੈ।