ਬੀਕਾਨੇਰ ਸਵੀਟ ਸ਼ਾਪ 'ਚ ਨਾਬਾਲਗ ਦੀਆਂ ਚੋਰੀ-ਛਿਪੇ ਤਸਵੀਰਾਂ ਖਿੱਚਣ ਦਾ ਦੋਸ਼, ਨੌਜਵਾਨ ਖ਼ਿਲਾਫ਼ ਕੇਸ ਦਰਜ

ਥਾਣਾ ਡਿਵੀਜ਼ਨ ਨੰਬਰ-2 ਦੀ ਪੁਲਿਸ ਨੇ ਅਮਰਪੁਰਾ ਵਾਸੀ ਇਕ ਲੜਕੀ ਦੀ ਸ਼ਿਕਾਇਤ 'ਤੇ ਕਾਮਰਾਨ ਰੋਡ ਇਲਾਕੇ ਦੇ ਰਹਿਣ ਵਾਲੇ ਪ੍ਰੀਤ ਸਿੰਘ ਖ਼ਿਲਾਫ਼ ਭਾਰਤੀ ਨਿਆਂ ਸੰਹਿਤਾ (ਬੀਐਨਐਸ) ਦੀ ਧਾਰਾ 74 ਤਹਿਤ ਮਾਮਲਾ ਦਰਜ ਕੀਤਾ ਹੈ। ਲੜਕੀ ਦੇ ਪਿਤਾ ਨੇ ਪੁਲਿਸ ਨੂੰ ਦੱਸਿਆ ਕਿ ਫੀਲਡ ਗੰਜ ਵਿੱਚ ਉਸ ਦੀ ਆਰਟੀਫ਼ਿਸ਼ਲ ਗਹਿਣਿਆਂ ਦੀ ਦੁਕਾਨ ਹੈ। ਬੀਤੇ ਦਿਨੀ ਸ਼ਾਮ ਕਰੀਬ 6:40 ਵਜੇ ਉਸ ਦੀ ਨਾਬਾਲਗ ਧੀ ਆਪਣੇ ਭਰਾ ਨਾਲ ਨੇੜਲੇ ਬੀਕਾਨੇਰ ਸਵੀਟ ਸ਼ਾਪ ਵਿੱਚ ਖਾਣਾ ਖਾਣ ਗਈ ਸੀ। ਇਸ ਦੌਰਾਨ ਦੋਸ਼ੀ ਪ੍ਰੀਤ ਸਿੰਘ ਨੇ ਉਸ ਦੀ ਮਰਜ਼ੀ ਤੋਂ ਬਿਨਾਂ ਮੋਬਾਈਲ ਫ਼ੋਨ ਨਾਲ ਉਸ ਦੀਆਂ ਤਸਵੀਰਾਂ ਖਿੱਚੀਆਂ। ਸ਼ਿਕਾਇਤ ਵਿੱਚ ਇਹ ਵੀ ਦੋਸ਼ ਲਗਾਇਆ ਗਿਆ ਹੈ ਕਿ ਉਹ ਨਾਬਾਲਗ ਵੱਲ ਅਸ਼ਲੀਲ ਢੰਗ ਨਾਲ ਦੇਖ ਰਿਹਾ ਸੀ।