ਰਿਸ਼ਤਾ ਤੋੜਨ ’ਤੇ ਵਿਦਿਆਰਥਣ ਨਾਲ ਬਲੈਕਮੇਲਿੰਗ: ਅਸ਼ਲੀਲ ਫੋਟੋਆਂ ਵਾਇਰਲ ਕਰਨ ਦੀ ਦਿੱਤੀ ਧਮਕੀ, ਕਾਲਜ ਦੇ ਬਾਹਰ ਕੀਤਾ ਡਰਾਮਾ

ਸੁਸ਼ੀਲ ਕੁਮਾਰ ਸ਼ਸ਼ੀ, ਪੰਜਾਬੀ ਜਾਗਰਣ, ਲੁਧਿਆਣਾ। ਇੱਕ ਸਾਲ ਤੱਕ ਰਿਸ਼ਤੇ ’ਚ ਰਹਿਣ ਤੋਂ ਬਾਅਦ ਲੜਕੇ ਨੇ ਵਿਦਿਆਰਥਣ ਨੂੰ ਬਲੈਕਮੇਲ ਕਰਨਾ ਸ਼ੁਰੂ ਕਰ ਦਿੱਤਾ। ਇਨਾਂ ਹੀ ਨਹੀਂ ਮੁਲਜ਼ਮ ਨੇ ਉਸਦੀਆਂ ਅਸ਼ਲੀਲ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਅਪਲੋਡ ਕਰਨ ਦੀ ਧਮਕੀ ਦਿੱਤੀ। ਉਸਦੇ ਕਾਲਜ ਦੇ ਬਾਹਰ ਆ ਕੇ ਤਸਵੀਰਾਂ ਦਿਖਾਈਆਂ ਅਤੇ ਡਰਾਮਾ ਕਰ ਦਿੱਤਾ। ਮੁਲਜ਼ਮ ਨਾਲ ਲੜਕੀ ਦੀ ਜਾਣ ਪਛਾਣ ਸੋਸ਼ਲ ਮੀਡੀਆ ’ਤੇ ਹੋਈ ਦੋਸਤੀ ਤੋਂ ਬਾਅਦ ਸ਼ੁਰੂ ਹੋਈ ਸੀ। ਪੀੜਿਤ ਲੜਕੀ ਨੇ ਕਾਲਜ ਦੇ ਬਾਹਰ ਮੁਲਜ਼ਮ ਵੱਲੋਂ ਉਸਦਾ ਮੋਬਾਇਲ ਫੋਨ ਖੋਹਣ ਦੇ ਵੀ ਦੋਸ਼ ਲਗਾਏ ਹਨ।