ਕੌਂਸਲਰ ਦੇ ਘਰ ਬਾਹਰ ਦੇਰ ਰਾਤ ਵੱਡਾ ਹਾਦਸਾ! ਬੇਕਾਬੂ ਟਾਟਾ-407 ਨੇ ਮਾਰੀ ਜ਼ਬਰਦਸਤ ਟੱਕਰ, ਸੁਰੱਖਿਆ ਕੈਬਿਨ ਤਬਾਹ

ਪੁਲਿਸ ਨੂੰ ਦਿੱਤੀ ਸ਼ਿਕਾਇਤ ਵਿੱਚ ਸੈਕਟਰ-39, ਲੁਧਿਆਣਾ ਦੇ ਰਹਿਣ ਵਾਲੇ ਅਭਿਸ਼ੇਕ ਗੁਪਤਾ ਨੇ ਦੱਸਿਆ ਕਿ ਉਹਨਾਂ ਦੀ ਪਤਨੀ ਨਿਧੀ ਗੁਪਤਾ 19 ਨੰਬਰ ਵਾਰਡ ਤੋਂ ਮੌਜੂਦਾ ਕੌਂਸਲਰ ਹੈ। ਰਾਤ ਕਰੀਬ 9:30 ਵਜੇ ਉਹ ਅਤੇ ਉਨ੍ਹਾਂ ਦੀ ਪਤਨੀ ਆਪਣੀ ਕਾਰ ਵਿੱਚੋਂ ਉਤਰ ਕੇ ਘਰ ਅੰਦਰ ਜਾ ਰਹੇ ਸਨ। ਇਸੇ ਦੌਰਾਨ ਟਾਟਾ-407 ਦੇ ਚਾਲਕ ਨੇ ਕਥਿਤ ਤੌਰ 'ਤੇ ਤੇਜ਼ ਰਫ਼ਤਾਰ ਅਤੇ ਲਾਪਰਵਾਹੀ ਨਾਲ ਵਾਹਨ ਚਲਾਉਂਦਿਆਂ ਉਨ੍ਹਾਂ ਦੀ ਕਾਰ ਨੂੰ ਜ਼ੋਰਦਾਰ ਟੱਕਰ ਮਾਰ ਦਿੱਤੀ। ਟੱਕਰ ਤੋਂ ਬਾਅਦ ਟਾਟਾ-407 ਬੇਕਾਬੂ ਹੋ ਗਿਆ ਅਤੇ ਘਰ ਦੇ ਬਾਹਰ ਬਣੇ ਸੁਰੱਖਿਆ ਗਾਰਡ ਦੇ ਕੈਬਿਨ ਅਤੇ ਲੋਹੇ ਦੀ ਗਰਿੱਲ ਨੂੰ ਤੋੜਦਾ ਹੋਇਆ ਨੇੜਲੇ ਪਾਰਕ ਵਿੱਚ ਜਾ ਵੜਿਆ।