ਲੁਧਿਆਣਾ ’ਚ ਨਸ਼ੇੜੀ ਪਤੀ ਦੀ ਹੈਵਾਨੀਅਤ, ਨਸ਼ੇ ਲਈ 30 ਹਜ਼ਾਰ ਨਾ ਮਿਲਣ ’ਤੇ ਪਤਨੀ ਤੇ ਸੱਸ ’ਤੇ ਲੋਹੇ ਦੀ ਰੋਡ ਨਾਲ ਹਮਲਾ; ਖੌਫ਼ਨਾਕ ਘਟਨਾ CCTV 'ਚ ਕੈਦ

ਪੀੜਤ ਸੱਸ ਪਰਮਜੀਤ ਕੌਰ ਨੇ ਦੱਸਿਆ ਕਿ ਉਨ੍ਹਾਂ ਦੀ ਧੀ ਹਰਜੀਤ ਕੌਰ ਦਾ ਵਿਆਹ ਕਰੀਬ ਸੱਤ ਸਾਲ ਪਹਿਲਾਂ ਗੁਰਵਿੰਦਰ ਸਿੰਘ ਨਾਲ ਹੋਇਆ ਸੀ। ਉਨ੍ਹਾਂ ਦੀ ਧੀ ਦੀ ਛੇ ਸਾਲ ਦੀ ਬੱਚੀ ਵੀ ਹੈ। ਪਰਮਜੀਤ ਕੌਰ ਅਨੁਸਾਰ, ਗੁਰਵਿੰਦਰ ਕੁਝ ਸਾਲ ਪਹਿਲਾਂ ਇੱਕ ਔਰਤ ਦੇ ਕਤਲ ਦੇ ਮਾਮਲੇ ’ਚ ਚਾਰ ਸਾਲ ਜੇਲ੍ਹ ਵਿੱਚ ਰਿਹਾ ਸੀ। ਅਪ੍ਰੈਲ ਵਿੱਚ ਜ਼ਮਾਨਤ 'ਤੇ ਬਾਹਰ ਆਉਣ ਤੋਂ ਬਾਅਦ ਉਹ ਸਹੁਰੇ ਘਰ ਹੀ ਰਹਿਣ ਲੱਗ ਪਿਆ। ਕੁਝ ਸਮੇਂ ਬਾਅਦ ਉਸਨੇ ਨਸ਼ਾ ਕਰਨਾ ਸ਼ੁਰੂ ਕਰ ਦਿੱਤਾ।

Posted By Anuradha Bains

Publish Date: Thu, 10 Sep 2026 11:57 AM (IST)

Updated Date: Thu, 10 Sep 2026 11:59 AM (IST)

ਲੁਧਿਆਣਾ ’ਚ ਨਸ਼ੇੜੀ ਪਤੀ ਦੀ ਹੈਵਾਨੀਅਤ, ਨਸ਼ੇ ਲਈ 30 ਹਜ਼ਾਰ ਨਾ ਮਿਲਣ ’ਤੇ ਪਤਨੀ ਤੇ ਸੱਸ ’ਤੇ ਲੋਹੇ ਦੀ ਰੋਡ ਨਾਲ ਹਮਲਾ; ਖੌਫ਼ਨਾਕ ਘਟਨਾ CCTV 'ਚ ਕੈਦ

ਡਿਜੀਟਲ ਡੈਸਕ, ਲੁਧਿਆਣਾ। ਭਾਮੀਆਂ ਰੋਡ ਸਥਿਤ ਸੁਖਦੇਵ ਨਗਰ ’ਚ ਨਸ਼ੇ ਲਈ ਪੈਸੇ ਨਾ ਦੇਣ 'ਤੇ ਇੱਕ ਨੌਜਵਾਨ ਨੇ ਆਪਣੀ ਪਤਨੀ ਅਤੇ ਸੱਸ 'ਤੇ ਲੋਹੇ ਦੇ ਸਰੀਏ ਨਾਲ ਹਮਲਾ ਕਰ ਦਿੱਤਾ। ਦੋਸ਼ੀ ਨੇ ਘਰ ਦੇ ਦਰਵਾਜ਼ੇ ਤੋੜਨ ਤੋਂ ਬਾਅਦ ਦੋਵਾਂ 'ਤੇ ਹਮਲਾ ਕੀਤਾ। ਘਟਨਾ ਦੀ ਸੀ.ਸੀ.ਟੀ.ਵੀ. (CCTV) ਫੁਟੇਜ ਵੀ ਸਾਹਮਣੇ ਆਈ ਹੈ, ਜਿਸ ਵਿੱਚ ਨੌਜਵਾਨ ਹੱਥ ’ਚ ਸਰੀਆ ਲੈ ਕੇ ਪਤਨੀ 'ਤੇ ਵਾਰ ਕਰਦਾ ਦਿਖਾਈ ਦੇ ਰਿਹਾ ਹੈ। ਪਰਿਵਾਰ ਨੇ ਪੁਲਿਸ ਤੋਂ ਦੋਸ਼ੀ ਖ਼ਿਲਾਫ਼ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਹੈ।

ਹਰਜੀਤ ਕੌਰ ਮੁਤਾਬਕ, ਉਸਦਾ ਪਤੀ ਰੋਜ਼ਾਨਾ ਨਸ਼ੇ ਦੇ ਕੈਪਸੂਲ ਖ਼ਰੀਦਣ ਲਈ 500 ਰੁਪਏ ਮੰਗਦਾ ਸੀ। 10 ਅਗਸਤ ਨੂੰ ਉਸਨੇ ਨਸ਼ੇ ਲਈ 30 ਹਜ਼ਾਰ ਰੁਪਏ ਦੀ ਮੰਗ ਕੀਤੀ। ਪਰਿਵਾਰ ਨੇ ਇੰਨੀ ਵੱਡੀ ਰਕਮ ਦੇਣ ਤੋਂ ਇਨਕਾਰ ਕਰ ਦਿੱਤਾ ਤਾਂ ਉਹ ਆਪੇ ਤੋਂ ਬਾਹਰ ਹੋ ਗਿਆ ਅਤੇ ਘਰ ਵਿੱਚ ਕਲੇਸ਼ ਕਰਨ ਲੱਗਾ।

ਪਰਿਵਾਰ ਅਨੁਸਾਰ, 2 ਸਤੰਬਰ ਨੂੰ ਗੁਰਵਿੰਦਰ ਨੇ ਘਰ ਦੇ ਦਰਵਾਜ਼ੇ ਤੋੜ ਦਿੱਤੇ ਅਤੇ ਭਾਰੀ ਸਰੀਆ ਲੈ ਕੇ ਪਤਨੀ ਅਤੇ ਸੱਸ 'ਤੇ ਹਮਲਾ ਕਰ ਦਿੱਤਾ। ਹਮਲੇ ’ਚ ਹਰਜੀਤ ਕੌਰ ਦੀ ਛਾਤੀ ਅਤੇ ਬਾਂਹ 'ਤੇ ਗੰਭੀਰ ਸੱਟਾਂ ਆਈਆਂ। ਬਚਾਅ ਕਰਨ ਪਹੁੰਚੀ ਸੱਸ 'ਤੇ ਵੀ ਉਸਨੇ ਹਮਲਾ ਕੀਤਾ।

ਘਟਨਾ ਦੀ CCTV ਫੁਟੇਜ ਸਾਹਮਣੇ ਆਉਣ ਤੋਂ ਬਾਅਦ ਮਾਮਲਾ ਹੋਰ ਸਪੱਸ਼ਟ ਹੋ ਗਿਆ ਹੈ। ਫੁਟੇਜ ਵਿੱਚ ਨੌਜਵਾਨ ਕਾਰ ਵਿੱਚੋਂ ਨਿਕਲ ਕੇ ਹੱਥ ਵਿੱਚ ਸਰੀਆ ਲੈ ਕੇ ਘਰ ਵੱਲ ਜਾਂਦਾ ਦਿਖਾਈ ਦੇ ਰਿਹਾ ਹੈ। ਇਸ ਤੋਂ ਬਾਅਦ ਉਹ ਪਤਨੀ 'ਤੇ ਕਈ ਵਾਰ ਵਾਰ ਕਰਦਾ ਹੈ। ਵਿਚ-ਬਚਾਅ ਕਰਨ ਆਈ ਸੱਸ ਨਾਲ ਵੀ ਮਾਰਕੁੱਟ ਕੀਤੀ ਗਈ। ਪਰਿਵਾਰ ਨੇ ਸੀ.ਸੀ.ਟੀ.ਵੀ. ਫੁਟੇਜ ਪੁਲਿਸ ਨੂੰ ਸੌਂਪ ਕੇ ਦੋਸ਼ੀ ਖ਼ਿਲਾਫ਼ ਸਖ਼ਤ ਕਾਰਵਾਈ ਦੀ ਮੰਗ ਕੀਤੀ ਹੈ।