ਪੁਣੇ ਤੋਂ ਲੁਧਿਆਣਾ ਆਈ ਨਾਬਾਲਗ ਨਾਲ ਘਿਨਾਉਣੀ ਘਟਨਾ: ਨਸ਼ੇ ਦੀ ਲਤ ’ਚ ਫਸਾ ਕੇ ਕੀਤਾ ਜਬਰ-ਜਨਾਹ, ਮਹਾਰਾਸ਼ਟਰ ਪਹੁੰਚ ਕੇ ਖੋਲ੍ਹਿਆ ਰਾਜ਼

ਜਾਣਕਾਰੀ ਅਨੁਸਾਰ ਨਾਬਾਲਗਾ ਦੇ ਮਾਪੇ ਪਹਿਲਾਂ ਮਹਾਰਾਸ਼ਟਰ ਦੇ ਪੁਣੇ ਤੋਂ ਲੁਧਿਆਣਾ ’ਚ ਕੰਮ ਕਰਨ ਲਈ ਆਏ ਹੋਏ ਸਨ। ਉਸ ਸਮੇਂ ਲੜਕੀ ਮਹਾਰਾਸ਼ਟਰ ’ਚ ਪੜ੍ਹਾਈ ਕਰ ਰਹੀ ਸੀ। ਕੁਝ ਸਮੇਂ ਲਈ ਉਹ ਆਪਣੇ ਮਾਪਿਆਂ ਕੋਲ ਲੁਧਿਆਣਾ ਆਈ ਸੀ। ਲੁਧਿਆਣਾ ’ਚ ਲੜਕੀ ਮਾੜੀ ਸੰਗਤ ’ਚ ਫਸ ਗਈ ਅਤੇ ਨਸ਼ੇੜੀਆਂ ਨਾਲ ਮਿਲ ਕੇ ਨਸ਼ੇ ਕਰਨ ਲੱਗ ਪਈ। ਨਸ਼ੇ ਦਾ ਪਤਾ ਲੱਗਦੇ ਹੀ ਮਾਪੇ ਉਸਨੂੰ ਵਾਪਸ ਮਹਾਰਾਸ਼ਟਰ ਲੈ ਗਏ।