ਆਨਲਾਈਨ ਖਰੀਦਦਾਰੀ ਦਾ ਰੁਝਾਨ ਨੁਕਸਾਨਦੇਹ : ਟੋਨੀ

ਵਿਜੇ ਸੋਨੀ, ਪੰਜਾਬੀ ਜਾਗਰਣ, ਫਗਵਾੜਾ ਆਨਲਾਈਨ ਖਰੀਦਦਾਰੀ ਦੇ ਵਧ ਰਹੇ ਰੁਝਾਨ ਦੇ ਕਾਰਨ ਸਥਾਨਕ ਕਾਰੋਬਾਰ, ਸਮਾਜ ਅਤੇ ਦੇਸ਼ ਤੇ ਪੈ ਰਹੇ ਘਾਤਕ ਪ੍ਰਭਾਵ ਤੇ ਚਿੰਤਾ ਪ੍ਰਗਟ ਕਰਦਿਆਂਨਸ਼੍ਰੋਮਣੀ ਅਕਾਲੀ ਦਲ ਉਦਯੋਗ ਵਿੰਗ ਦੇ ਸੂਬਾ ਜਨਰਲ ਸਕੱਤਰ ਧਰਮਿੰਦਰ ਕੁਮਾਰ ਟੋਨੀ ਨੇ ਚਿੰਤਾ ਪ੍ਰਗਟ ਕੀਤੀ ਕਿ ਅੱਜ ਲੋਕ ਆਕਰਸ਼ਕ ਪੇਸ਼ਕਸ਼ਾਂ ਅਤੇ ਸਹੂਲਤ ਦੇ ਨਾਮ ਤੇ ਸਮਾਜ ਦੇ ਲੋਕ ਔਨਲਾਈਨ ਖਰੀਦਦਾਰੀ ਵੱਲ ਭੱਜ ਰਹੇ ਹਨ।ਪਰ ਇਸਦੇ ਲੰਬੇ ਸਮੇਂ ਦੇ ਨਤੀਜੇ ਬਹੁਤ ਖ਼ਤਰਨਾਕ ਹਨ। ਟੋਨੀ ਨੇ ਕਿਹਾ ਕਿ ਔਨਲਾਈਨ ਖਰੀਦਦਾਰੀ ਵਿੱਚ ਨਾ ਤਾਂ ਸਾਮਾਨ ਦੀ ਗੁਣਵੱਤਾ ਦੀ ਗਰੰਟੀ ਹੈ ਅਤੇ ਨਾ ਹੀ ਵਿਕਰੀ ਤੋਂ ਬਾਅਦ ਦੀ ਸੇਵਾ,ਸਾਈਨ,ਰੰਗ ਵਿੱਚ ਧੋਖਾਧੜੀ,ਨਕਲੀ ਉਤਪਾਦ ਅਤੇ ਐਕਸਚੇਂਜ ਜਾਂ ਵਾਪਸੀ ਦੀਆਂ ਸਮੱਸਿਆਵਾਂ ਆਮ ਹਨ। ਉਨ੍ਹਾਂ ਕਿਹਾ ਕਿ ਤੁਹਾਡਾ ਸਥਾਨਕ ਦੁਕਾਨਦਾਰ ਖੁਸ਼ੀ ਤੇ ਦੁੱਖ ’ਚ ਤੁਹਾਡਾ ਸਾਥੀ ਹੈ। ਭਾਵੇਂ ਇਹ ਜਾਗਰਣ ਹੋਵੇ, ਭੰਡਾਰਾ ਹੋਵੇ, ਮੰਦਰ ਦੀ ਉਸਾਰੀ ਹੋਵੇ ਜਾਂ ਤੁਹਾਡੀ ਗਲੀ, ਮੁਹੱਲੇ, ਸ਼ਹਿਰ ਜਾਂ ਬਾਜ਼ਾਰ ’ਚ ਕਿਸੇ ਗਰੀਬ ਵਿਅਕਤੀ ਦੀ ਮਦਦ ਹੋਵੇ, ਇਹ ਤੁਹਾਡਾ ਬਾਜ਼ਾਰ ਦਾ ਦੁਕਾਨਦਾਰ ਹੀ ਹੈ, ਜੋ ਸਭ ਤੋਂ ਪਹਿਲਾਂ ਦਾਨ ਤੇ ਸਹਾਇਤਾ ਦਿੰਦਾ ਹੈ। ਆਨਲਾਈਨ ਕੰਪਨੀਆਂ ਤੁਹਾਡੇ ਸਮਾਜਿਕ ਤੇ ਧਾਰਮਿਕ ਕੰਮਾਂ ’ਚ ਕਦੇ ਵੀ ਤੁਹਾਡੇ ਨਾਲ ਨਹੀਂ ਖੜ੍ਹੀਆਂ ਹੋਣਗੀਆਂ। ਟੋਨੀ ਨੇ ਕਿਹਾ ਕਿ ਆਨਲਾਈਨ ਖਰੀਦਦਾਰੀ ਦਾ ਪੈਸਾ ਵਿਦੇਸ਼ੀ ਕੰਪਨੀਆਂ ਕੋਲ ਜਾ ਰਿਹਾ ਹੈ। ਇਸ ਕਾਰਨ ਦੇਸ਼ ਦਾ ਪੈਸਾ ਬਾਹਰ ਜਾ ਰਿਹਾ ਹੈ। ਜੀਐੱਸਟੀ ਜਾ ਰਿਹਾ ਹੈ ਤੇ ਸਥਾਨਕ ਨੌਜਵਾਨਾਂ ਦਾ ਰੁਜ਼ਗਾਰ ਖਤਮ ਹੋ ਰਿਹਾ ਹੈ, ਜੇਕਰ ਬਾਜ਼ਾਰ ਬਰਬਾਦ ਹੋ ਗਿਆ ਤਾਂ ਪੂਰਾ ਸ਼ਹਿਰ ਬਰਬਾਦ ਹੋ ਜਾਵੇਗਾ। ਟੋਨੀ ਨੇ ਅਪੀਲ ਕੀਤੀ ਅਤੇ ਕਿਹਾ ਕਿ ਉਨ੍ਹਾਂ ਨੂੰ ਬਾਜ਼ਾਰ ਨਾਲ ਰਿਸ਼ਤਾ ਬਣਾਉਣਾ ਚਾਹੀਦਾ ਹੈ ਤੇ ਆਨਲਾਈਨ ਨਾਲੋਂ ਨਾਤਾ ਤੋੜਨਾ ਚਾਹੀਦਾ ਹੈ। ਤਿਉਹਾਰਾਂ ਦਾ ਮੌਸਮ ਨੇੜੇ ਹੈ। ਕਿਰਪਾ ਕਰ ਕੇ ਸਿਰਫ਼ ਸਥਾਨਕ ਦੁਕਾਨਦਾਰਾਂ ਤੋਂ ਹੀ ਖਰੀਦਦਾਰੀ ਕਰੋ। ਥੋੜ੍ਹਾ ਜ਼ਿਆਦਾ ਜਾਂ ਘੱਟ ਠੀਕ ਹੈ ਪਰ ਤੁਹਾਡਾ ਪੈਸਾ ਤੁਹਾਡੇ ਸ਼ਹਿਰ ’ਚ ਹੀ ਰਹੇਗਾ ਤੇ ਤੁਹਾਡੇ ਭਾਈਚਾਰੇ ਦੀ ਮਦਦ ਕਰੇਗਾ। ਹਰ ਘਰ ’ਚ ਇੱਕ ਵਪਾਰੀ ਜਾਂ ਵਪਾਰਕ ਭਾਈਚਾਰੇ ਦਾ ਕੋਈ ਰਿਸ਼ਤੇਦਾਰ ਹੁੰਦਾ ਹੈ। ਇਸ ਲਈ ਖਰੀਦਦਾਰੀ ਕਰਨ ਆਓ ਤੇ ਬਾਜ਼ਾਰਾਂ ਨੂੰ ਦੁਬਾਰਾ ਰੌਸ਼ਨ ਕਰੋ।