ਹਿੰਦੂ ਕੰਨਿਆ ਕਾਲਜ ਨੇ ਮਨਾਇਆ ਸਵੱਛਤਾ ਪੱਖਵਾੜਾ

ਮੱਲ੍ਹੀ, ਪੰਜਾਬੀ ਜਾਗਰਣ ਕਪੂਰਥਲਾ : ਸਥਾਨਕ ਹਿੰਦੂ ਕੰਨਿਆ ਕਾਲਜ ਤੇ ਕਾਲਜੀਏਟ ਸਕੂਲ ਕਪੂਰਥਲਾ ਦੀਆਂ ਐੱਨਐੱਸਐੱਸ ਇਕਾਈਆਂ ਨੇ ਮੇਰਾ ਭਾਰਤ, ਕਪੂਰਥਲਾ, ਨਗਰ ਨਿਗਮ ਤੇ ਆਈਟੀਸੀ ਮਿਸ਼ਨ ਸੁਨਹਿਰਾ ਕੱਲ ਕਪੂਰਥਲਾ ਦੇ ਸਹਿਯੋਗ ਨਾਲ ਹਰ ਘਰ ਤਿਰੰਗਾ ਵਿਸ਼ੇ ਤੇ ਇਕ ਸਫ਼ਾਈ ਗਤੀਵਿਧੀ ਸਵੱਛਤਾ ਪਖਵਾੜਾ ਤੇ ਪੋਸਟਰ ਮੇਕਿੰਗ ਮੁਕਾਬਲਾ ਕਰਵਾਇਆ। ਇਨ੍ਹਾਂ ਗਤੀਵਿਧੀਆਂ ਦਾ ਉਦੇਸ਼ ਨਾਗਰਿਕਾਂ ਵਿੱਚ ਸਫ਼ਾਈ ਪ੍ਰਤੀ ਜਾਗਰੂਕਤਾ ਫੈਲਾਉਣਾ ਤੇ ਨੌਜਵਾਨ ਐੱਨਐੱਸਐੱਸ ਵਲੰਟੀਅਰਾਂ ਵਿੱਚ ਦੇਸ਼ ਭਗਤੀ ਦੇ ਜੋਸ਼ ਤੇ ਏਕਤਾ ਦੀ ਭਾਵਨਾ ਨੂੰ ਜਗਾਉਣਾ ਸੀ। ਗਗਨਦੀਪ ਕੌਰ ਜ਼ਿਲ੍ਹਾ ਯੁਵਾ ਅਧਿਕਾਰੀ, ਮੇਰਾ ਭਾਰਤ, ਕਪੂਰਥਲਾ ਨੇ ਆਪਣੀ ਟੀਮ ਦੇ ਨਾਲ ਇਸ ਸਮਾਗਮ ਵਿੱਚ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਵਿਦਿਆਰਥੀ ਵਲੰਟੀਅਰਾਂ ਨੇ ਸਵੱਛਤਾ ਪੱਖਵਾੜਾ ਮਨਾਉਣ ਲਈ ਇੱਕ ਰੈਲੀ ਵਿੱਚ ਹਿੱਸਾ ਲਿਆ। ਉਨ੍ਹਾਂ ਨੇ ਆਪਣੇ ਕਾਲਜ ਤੋਂ ਰੈਲੀ ਸ਼ੁਰੂ ਕੀਤੀ ਤੇ ਸ਼ਾਲੀਮਾਰ ਬਾਗ ਦੇ ਆਲੇ-ਦੁਆਲੇ ਦੇ ਖੇਤਰਾਂ ਨੂੰ ਕਵਰ ਕੀਤਾ ਤੇ ਸਫ਼ਾਈ ਕੀਤੀ। ਇਸ ਤੋਂ ਬਾਅਦ ਵਿਦਿਆਰਥੀਆਂ ਨੇ ਭਾਰਤੀ ਰਾਸ਼ਟਰੀ ਝੰਡੇ, ਤਿਰੰਗਾ ਪ੍ਰਤੀ ਆਪਣੀ ਸਿਰਜਣਾਤਮਕਤਾ, ਕਲਾਤਮਕਤਾ ਤੇ ਦੇਸ਼ ਭਗਤੀ ਦੇ ਸਤਿਕਾਰ ਦਾ ਪ੍ਰਦਰਸ਼ਨ ਕੀਤਾ। ਚੁਣੇ ਗਏ ਪੋਸਟਰਾਂ ਨੂੰ ਪ੍ਰਦਰਸ਼ਿਤ ਕੀਤਾ ਗਿਆ ਤਾਂਕਿ ਬਾਕੀਆਂ ਨੂੰ ਪ੍ਰੇਰਣਾ ਮਿਲ ਸਕੇ। ਗਗਨਦੀਪ ਕੌਰ ਤੇ ਸਾਰਿਕਾ ਕਾਂਡਾ, ਮੁਖੀ, ਹੋਮ ਸਾਇੰਸ ਤੇ ਫੈਸ਼ਨ ਡਿਜ਼ਾਈਨਿੰਗ ਵਿਭਾਗ ਨੇ ਮੁਕਾਬਲੇ ਦੀ ਜੱਜਮੈਂਟ ਕੀਤੀ ਤੇ ਵਿਦਿਆਰਥੀਆਂ ਦੇ ਯਤਨਾਂ ਦੀ ਸ਼ਲਾਘਾ ਕੀਤੀ। ਇਸ ਮੁਕਾਬਲੇ ਵਿੱਚ, ਬੀਕਾਮ ਤੀਜੇ ਸਮੈਸਟਰ ਦੀ ਸੰਗੀਤਾ ਪਹਿਲੇ, ਬੀਕਾਮ ਤੀਜੇ ਸਮੈਸਟਰ ਦੀ ਹਰਜੋਤ ਕੌਰ ਦੂਜੇ ਤੇ ਬੀਸੀਏ-ਤੀਜੇ ਸਮੈਸਟਰ ਦੀ ਟਵਿੰਕਲ ਤੇ 10+1 (ਮੈਡੀਕਲ) ਦੀ ਹਰਪ੍ਰੀਤ ਕੌਰ, ਦੋਵਾਂ ਨੇ ਤੀਜਾ ਸਥਾਨ ਪ੍ਰਾਪਤ ਕੀਤਾ। ਭਾਗੀਦਾਰਾਂ ਨੂੰ ਸਰਟੀਫਿਕੇਟ ਦਿੱਤੇ ਗਏ ਤੇ ਜੇਤੂਆਂ ਨੂੰ ਇਨਾਮਾਂ ਤੇ ਸਰਟੀਫਿਕੇਟਾਂ ਨਾਲ ਸਨਮਾਨਿਤ ਕੀਤਾ ਗਿਆ। ਕਾਲਜ ਪ੍ਰਿੰਸੀਪਲ ਡਾ. ਅਰਚਨਾ ਗਰਗ ਜੀ ਨੇ ਨੌਜਵਾਨ ਵਰਗ ਨੂੰ ਰਚਨਾਤਮਕ ਤੌਰ ਤੇ ਰਾਸ਼ਟਰਵਾਦੀ ਪਹੁੰਚ ਵੱਲ ਲਿਜਾਣ ਲਈ ਐੱਨਐੱਸਐੱਸ ਯੂਨਿਟਾਂ ਦੀ ਸ਼ਲਾਘਾ ਕੀਤੀ। ਇਸ ਮੌਕੇ ਪ੍ਰੋਗਰਾਮ ਅਫਸਰ, ਡਾ. ਅਮਨਜਯੋਤੀ, ਡਾ. ਸੁਵਿਤ, ਰਮਨਦੀਪ ਕੌਰ, ਦੀਪਿਕਾ ਧੀਮਾਨ ਦੇ ਨਾਲ-ਨਾਲ ਕਾਲਜੀਏਟ ਸਕੂਲ ਦੇ ਐੱਨਐੱਸਐੱਸ ਪ੍ਰੋਗਰਾਮ ਅਫਸਰ, ਮੁਕਤੀ ਤੇ ਰੀਨਾ ਸਲੋਤਾ, ਇਸ ਪ੍ਰੋਗਰਾਮ ਦੇ ਤਾਲਮੇਲ ਲਈ ਮੌਜੂਦ ਸਨ।