ਸਵੱਛਤਾ ਅਭਿਆਨ ਸੋਸਾਇਟੀ ਨੇ ਵਾਤਾਵਰਣ ਸੰਭਾਲ ਦਾ ਲਿਆ ਸੰਕਲਪ

ਕੈਪਸ਼ਨ-05ਪੀਐਚਜੀ17,05ਪੀਐਚਜੀ18 ਸਵੱਛਤਾ ਅਭਿਆਨ ਸੁਸਾਇਟੀ ਵਲੋਂ ਕਰਵਾਏ ਸਮਾਗਮ ਦੀਆਂ ਵੱਖ ਵੱਖ ਤਸਵੀਰਾਂ। ਆਸ਼ੀਸ਼ ਸ਼ਰਮਾ, ਪੰਜਾਬੀ ਜਾਗਰਣ ਫਗਵਾੜਾ : ਸਵੱਛਤਾ ਅਭਿਆਨ ਸੁਸਾਇਟੀ ਰਜਿ. ਫਗਵਾੜਾ ਵੱਲੋਂ ਸਥਾਨਕ ਬੱਸ ਸਟੈਂਡ ਕੰਪਲੈਕਸ ਵਿੱਚ ਵਾਤਾਵਰਣ ਸੰਭਾਲ ਅਤੇ ਸਫ਼ਾਈ ਪ੍ਰਤੀ ਲੋਕਾਂ ਨੂੰ ਜਾਗਰੂਕ ਕਰਨ ਦੇ ਉਦੇਸ਼ ਨਾਲ ਹਵਨ-ਯੱਗ, ਰੁੱਖ ਲਗਾਉਣ ਅਤੇ ਪੰਛੀਆਂ ਦੀ ਸੰਭਾਲ ਲਈ ਵਿਸ਼ੇਸ਼ ਪ੍ਰੋਗਰਾਮ ਕਰਵਾਇਆ ਗਿਆ। ਪ੍ਰੋਗਰਾਮ ਦੀ ਸ਼ੁਰੂਆਤ ਵੈਦਿਕ ਮੰਤਰ ਉਚਾਰਣ ਨਾਲ ਹਵਨ-ਯੱਗ ਕਰਵਾ ਕੇ ਕੀਤੀ ਗਈ। ਆਰਿਆ ਸਮਾਜ, ਬੰਗਾ ਰੋਡ, ਫਗਵਾੜਾ ਤੋਂ ਪਹੁੰਚੇ ਯੋਗੇਸ਼ ਪ੍ਰਭਾਕਰ ਅਤੇ ਸ਼ਿਆਮ ਇੰਦੂ ਨੇ ਵਿਧੀਵਤ ਮੰਤਰ ਉਚਾਰਣ ਕਰਦਿਆਂ ਹਵਨ ਸੰਪੰਨ ਕਰਵਾਇਆ। ਹਵਨ-ਯੱਗ ਵਿੱਚ ਮੁੱਖ ਯਜਮਾਨ ਵਜੋਂ ਫਗਵਾੜਾ ਦੇ ਪ੍ਰਸਿੱਧ ਉਦਯੋਗਪਤੀ ਅਤੇ ਸਮਾਜਸੇਵੀ ਮਹਿੰਦਰ ਸੇਠੀ ਅਤੇ ਉਨ੍ਹਾਂ ਦੀ ਧਰਮਪਤਨੀ ਤ੍ਰਿਪਤਾ ਸੇਠੀ, ਰਮਨ ਨੇਹਰਾ ਅਤੇ ਉਨ੍ਹਾਂ ਦੀ ਧਰਮਪਤਨੀ ਸ਼ਸ਼ੀ ਨੇਹਰਾ, ਅਰੁਣ ਸ਼ਰਮਾ ਅਤੇ ਉਨ੍ਹਾਂ ਦੀ ਧਰਮਪਤਨੀ ਆਂਚਲ ਸ਼ਰਮਾ, ਕਮਲ ਕੌਸ਼ਲ ਅਤੇ ਉਨ੍ਹਾਂ ਦੀ ਧਰਮਪਤਨੀ ਰਿੱਧੀ ਕੌਸ਼ਲ, ਸ਼ਿਆਮ ਸੁੰਦਰ ਬਿੱਲਾ ਸਮੇਤ ਹੋਰ ਕਈ ਪਤਵੰਤੇ ਸੱਜਣਾਂ ਨੇ ਆਹੁਤੀਆਂ ਪਾ ਕੇ ਸਮਾਜ ਅਤੇ ਵਾਤਾਵਰਣ ਦੀ ਖੁਸ਼ਹਾਲੀ ਲਈ ਅਰਦਾਸ ਕੀਤੀ। ਹਵਨ ਤੋਂ ਬਾਅਦ ਬੱਸ ਸਟੈਂਡ ਪਰਿਸਰ ਵਿੱਚ ਲਗਭਗ 20 ਪੌਦੇ ਲਗਾਏ ਗਏ। ਇਸ ਦੇ ਨਾਲ ਹੀ ਪੰਛੀਆਂ ਦੀ ਸੰਭਾਲ ਅਤੇ ਉਨ੍ਹਾਂ ਲਈ ਪੀਣ ਵਾਲੇ ਪਾਣੀ ਅਤੇ ਦਾਣੇ ਦੀ ਵਿਵਸਥਾ ਨੂੰ ਯਕੀਨੀ ਬਣਾਉਣ ਲਈ ਕਈ ਵਾਟਰ ਪਾਟ ਅਤੇ ਫੀਡ ਬਾਕਸ ਵੀ ਸਥਾਪਿਤ ਕੀਤੇ ਗਏ। ਪ੍ਰੋਗਰਾਮ ਦਾ ਸੰਚਾਲਨ ਅਨਮੋਲਦੀਪ ਕੌਰ ਅਤੇ ਖੁਸ਼ਬੂ ਨੇ ਬਹੁਤ ਹੀ ਪ੍ਰਭਾਵਸ਼ਾਲੀ ਢੰਗ ਨਾਲ ਕੀਤਾ। ਇਸ ਮੌਕੇ ਵਿਦਿਆਰਥਣਾਂ ਜਸਮੀਤ, ਤਨਰੂਪ, ਕਾਜਲ, ਨੰਦਿਨੀ, ਸਿਮਰਨ ਅਤੇ ਅਲੀਸ਼ਾ ਨੇ ਰੁੱਖਾਂ ਦੀ ਮਹੱਤਤਾ, ਪੰਛੀਆਂ ਲਈ ਵਾਟਰ ਪਾਟ ਅਤੇ ਫੀਡ ਬਾਕਸ ਲਗਾਉਣ ਦੀ ਲੋੜ ਅਤੇ ਵੱਧ ਰਹੇ ਪ੍ਰਦੂਸ਼ਣ ਨੂੰ ਰੋਕਣ ਲਈ ਵਾਤਾਵਰਣ ਸੰਭਾਲ ਦੀ ਅਹਿਮ ਭੂਮਿਕਾ ਬਾਰੇ ਆਪਣੇ ਵਿਚਾਰ ਸਾਂਝੇ ਕੀਤੇ। ਉਨ੍ਹਾਂ ਨੇ ਸਮੂਹ ਨਾਗਰਿਕਾਂ ਨੂੰ ਵੱਧ ਤੋਂ ਵੱਧ ਰੁੱਖ ਲਗਾਉਣ ਅਤੇ ਕੁਦਰਤ ਦੀ ਸੰਭਾਲ ਵਿੱਚ ਆਪਣਾ ਯੋਗਦਾਨ ਪਾਉਣ ਦੀ ਅਪੀਲ ਕੀਤੀ। ਇਸ ਮੌਕੇ ਸੁਸਾਇਟੀ ਦੇ ਪ੍ਰਧਾਨ ਆਸ਼ੀਸ਼ ਗਾਂਧੀ, ਚੇਅਰਮੈਨ ਮਦਨ ਮੋਹਨ ਖੱਟਰ, ਰਮਨ ਨੇਹਰਾ, ਬਲਵੰਤ ਬਿੱਲੂ, ਨੀਰਜ ਕੁਮਾਰ, ਮੋਨਿਕਾ ਚੋਪੜਾ, ਸੀਮਾ ਰਾਣੀ, ਖੁਸ਼ਬੂ, ਅਮਰਜੀਤ ਡਾਂਗ, ਵਿਪਿਨ ਖੁਰਾਣਾ, ਵਿਨੀਤ ਗਾਬਾ, ਸਿਮਰਨ, ਕੁਲਵਿੰਦਰ ਸਿੰਘ ਨੰਨੂ, ਮਨਵੀਰ ਸ਼ਰਮਾ, ਓਮ ਦੱਤ, ਰਾਜਨ ਚੋਪੜਾ, ਉਮੇਸ਼, ਜਸਵਿੰਦਰ ਸਿੰਘ, ਕਸ਼ਮੀਰੀ ਲਾਲ ਸਮੇਤ ਸੁਸਾਇਟੀ ਦੇ ਕਈ ਮੈਂਬਰ ਅਤੇ ਪਤਵੰਤੇ ਸੱਜਣ ਹਾਜ਼ਰ ਸਨ। ਮੁੱਖ ਮਹਿਮਾਨ ਮਹਿੰਦਰ ਸੇਠੀ ਅਤੇ ਤ੍ਰਿਪਤਾ ਸੇਠੀ ਨੇ ਆਪਣੇ ਸੰਬੋਧਨ ਵਿੱਚ ਕਿਹਾ ਕਿ ਸਵੱਛਤਾ ਅਭਿਆਨ ਸੁਸਾਇਟੀ ਵੱਲੋਂ ਵਾਤਾਵਰਣ ਸੰਭਾਲ, ਸਫ਼ਾਈ ਅਤੇ ਸਮਾਜਿਕ ਜਾਗਰੂਕਤਾ ਦੇ ਖੇਤਰ ਵਿੱਚ ਕੀਤੇ ਜਾ ਰਹੇ ਉਪਰਾਲੇ ਬੇਹੱਦ ਸ਼ਲਾਘਾਯੋਗ ਹਨ। ਉਨ੍ਹਾਂ ਕਿਹਾ ਕਿ ਸੁਸਾਇਟੀ ਦਾ ਇਹ ਯੋਗਦਾਨ ਸਮਾਜ ਲਈ ਪ੍ਰੇਰਣਾਦਾਇਕ ਹੈ ਅਤੇ ਵਾਤਾਵਰਣ ਸੰਭਾਲ ਦੇ ਖੇਤਰ ਵਿੱਚ ਇਸ ਦੇ ਯਤਨਾਂ ਨੂੰ ਹਮੇਸ਼ਾ ਸੁਨਹਿਰੀ ਅੱਖਰਾਂ ਵਿੱਚ ਯਾਦ ਰੱਖਿਆ ਜਾਵੇਗਾ। ਉਨ੍ਹਾਂ ਨੇ ਅਰਦਾਸ ਕੀਤੀ ਕਿ ਸੁਸਾਇਟੀ ਭਵਿੱਖ ਵਿੱਚ ਵੀ ਇਸੇ ਸਮਰਪਣ ਅਤੇ ਸੇਵਾ ਭਾਵਨਾ ਨਾਲ ਸਮਾਜ ਭਲਾਈ ਦੇ ਕਾਰਜ ਕਰਦੀ ਰਹੇ।