ਮਦਰਸਾ ਦਾਰ-ਏ-ਅਬੀ ਆਯੂਬ ’ਚ ਆਜ਼ਾਦੀ ਦਿਹਾੜਾ ਮਨਾਇਆ

ਐਡਵੋਕੇਟ ਨਈਮ ਖਾਨ ਤੇ ਮਜ਼ਹਰ ਆਲਮ ਮਜਾਹਰੀ ਨੇ ਸਾਂਝੇ ਤੌਰ ’ਤੇ ਕੌਮੀ ਝੰਡਾ ਲਹਿਰਾਇਆ ਮੱਲ੍ਹੀ, ਪੰਜਾਬੀ ਜਾਗਰਣ ਕਪੂਰਥਲਾ : ਮਦਰਸਾ ਦਾਰ-ਏ-ਅਬੀ ਆਯੂਬ ਕਪੂਰਥਲਾ ਵਿਚ 80ਵੇਂ ਆਜ਼ਾਦੀ ਦਿਵਸ ਦੇ ਸਬੰਧ ਵਿਚ ਮੌਲਾਨਾ ਅਮਾਨੁੱਲਾ ਮਜਾਹਰੀ ਦੀ ਦੇਖ ਰੇਖ ਹੇਠ ਇਕ ਸਮਾਗਮ ਕਰਵਾਇਆ ਗਿਆ, ਜਿਸ ਵਿਚ ਐਡਵੋਕੇਟ ਨਈਮ ਖਾਨ ਪ੍ਰਧਾਨ ਮੁਸਲਿਮ ਸੰਗਠਨ ਪੰਜਾਬ ਤੇ ਸੰਗਠਨ ਦੇ ਜਨਰਲ ਸਕੱਤਰ ਮਜ਼ਹਰ ਆਲਮ ਮਜਾਹਰੀ ਨੇ ਸਾਂਝੇ ਤੌਰ ਤੇ ਕੌਮੀ ਝੰਡਾ ਲਹਿਰਾਉਣ ਦੀ ਰਸਮ ਅਦਾ ਕੀਤੀ। ਸਮਾਗਮ ਨੂੰ ਸੰਬੋਧਨ ਕਰਦਿਆਂ ਐਡਵੋਕੇਟ ਨਈਮ ਖਾਨ ਨੇ ਕਿਹਾ ਕਿ ਅੱਜ ਦੇਸ਼ ਦੇ ਇਤਿਹਾਸ ਦਾ ਬਹੁਤ ਹੀ ਮਹੱਤਵਪੂਰਨ ਦਿਨ ਹੈ। ਉਨ੍ਹਾਂ ਕਿਹਾ ਕਿ ਆਜ਼ਾਦੀ ਦੇ ਸੰਗਰਾਮ ਵਿਚ ਯੋਗਦਾਨ ਪਾਉਣ ਵਾਲੇ ਦੇਸ਼ ਭਗਤਾਂ ਦੀਆਂ ਸ਼ਹੀਦੀਆਂ ਨੂੰ ਸਾਨੂੰ ਹਮੇਸ਼ਾ ਯਾਦ ਰੱਖਣਾ ਚਾਹੀਦਾ ਹੈ। ਉਨ੍ਹਾਂ ਕਿਹਾ ਕਿ ਸਾਨੂੰ ਹਮੇਸ਼ਾ ਏਕਤਾ, ਭਾਈਚਾਰਾ, ਪ੍ਰੇਮ ਤੇ ਸ਼ਾਂਤੀ ਦਾ ਸੰਦੇਸ਼ ਫੈਲਾਉਣਾ ਚਾਹੀਦਾ ਹੈ। ਇਹ ਹੀ ਇਕ ਮਜ਼ਬੂਤ ਸ਼ਾਂਤੀਪੂਰਨ ਵਿਕਸਤ ਭਾਰਤ ਦੀ ਪਹਿਚਾਣ ਹੈ। ਇਸ ਮੌਕੇ ਮਜ਼ਹਰ ਆਲਮ ਮਜਾਹਰੀ ਨੇ ਕਿਹਾ ਕਿ ਦੇਸ਼ ਦੀ ਆਜ਼ਾਦੀ ਦੀ ਲੜਾਈ ਵਿਚ ਹੋਰ ਭਾਈਚਾਰਿਆਂ ਦੀ ਤਰ੍ਹਾਂ ਮੁਸਲਿਮ ਭਾਈਚਾਰੇ ਨੇ ਵੀ ਕੁਰਬਾਨੀਆਂ ਦਿੱਤੀਆਂ ਤੇ ਅਫ਼ਸੋਸ ਹੈ ਕਿ ਅੱਜ ਕਈ ਮਹਾਨ ਮੁਸਲਿਮ ਸੁਤੰਤਰਤਾ ਸੈਲਾਨੀਆਂ ਦੇ ਯੋਗਦਾਨ ਨੂੰ ਭੁਲਾਇਆ ਜਾ ਰਿਹਾ ਹੈ। ਸਮਾਗਮ ਵਿਚ ਜਮੀਅਤ ਉਲਮਾ ਏ ਹਿੰਦ ਦਿੱਲੀ ਦੇ ਆਰਗੇਨਾਈਜ਼ਰ ਮੁਫ਼ਤੀ ਅਬਦੁੱਲ ਕਦੀਰ ਕਾਸਮੀ, ਮਦਨੀ ਮਦਰਸਾ ਸੰਗਰੂਰ ਦੇ ਨਾਜਿਮ ਮੁਫ਼ਤੀ ਵਸੀਮ ਅਕਰਮ, ਗੁੱਜਰ ਵੈੱਲਫੇਅਰ ਐਸੋਸੀਏਸ਼ਨ ਦੇ ਚੇਅਰਮੈਨ ਮੁਹੰਮਦ ਲਿਆਕਤ, ਮੁਸਲਿਮ ਡਿਵੈਲਪਮੈਂਟ ਬੋਰਡ ਕਪੂਰਥਲਾ ਦੇ ਚੇਅਰਮੈਨ ਯਾਕੂਬ ਅਲੀ, ਮੁਸਲਿਮ ਡਿਵੈਲਪਮੈਂਟ ਬੋਰਡ ਸੁਲਤਾਨਪੁਰ ਲੋਧੀ ਦੇ ਚੇਅਰਮੈਨ ਲਾਲ ਦੀਨ, ਸਰਫ਼ਰਾਜ਼ ਖਾਨ, ਸੈਯਦ ਯਾਸੀਨ, ਕਾਰੀ ਫੈਸਲ, ਅਹਿਮਦ ਕਾਸਮੀ, ਡਾ. ਰੋਹਾਨ, ਹਾਫ਼ਿਜ਼ ਸ਼ਾਹਬਾਜ਼, ਮੌਲਾਨਾ ਆਸਿਫ਼ ਅਲੀ, ਰਮਜਾਨ ਗੁੱਜਰ, ਕਮਾਲਦੀਨ, ਮੌਲਵੀ ਅਬਦੁਲ ਹਮੀਦ, ਹਾਫ਼ਿਜ਼ ਦਿਲਸ਼ਾਦ, ਕਾਰੀ ਆਸਿਫ਼, ਹਾਫ਼ਿਜ਼ ਸ਼ੌਕਤ, ਹਾਜੀ ਗਫਾਰ, ਹਾਜੀ ਉਮਰ, ਅਲੀ, ਰਾਜੂ, ਰਿਜਵਾਨ, ਮਹਿਬੂਬ ਅਲੀ, ਮੌਲਾਨਾ ਸੱਦਾਮ, ਹਾਜੀ ਤਨਵੀਰ, ਤਸਲੀਮ, ਅਹਿਸਾਨ ਆਦਿ ਹਾਜ਼ਰ ਸਨ।