ਮਹੀਨੇ 'ਚ ਕਰੰਟ ਲੱਗਣ ਨਾਲ ਵਿਦਿਆਰਥਣ ਸਮੇਤ ਦੋ ਲੋਕਾਂ ਦੀ ਮੌਤ, ਖੁੱਲ੍ਹੀਆਂ ਤਾਰਾਂ ਤੇ ਟੁੱਟੇ ਮੀਟਰ ਬਾਕਸ ਦੇ ਰਹੇ ਹਾਦਸਿਆਂ ਨੂੰ ਸੱਦਾ

ਅੰਮ੍ਰਿਤਸਰ, ਮੁਕਤਸਰ, ਗੁਰਦਾਸਪੁਰ, ਹੁਸ਼ਿਆਰਪੁਰ ਅਤੇ ਫਿਰੋਜ਼ਪੁਰ ਸਮੇਤ ਕਈ ਜ਼ਿਲ੍ਹਿਆਂ 'ਚ ਥਾਂ-ਥਾਂ ਬਿਜਲੀ ਦੀਆਂ ਲਟਕਦੀਆਂ ਤਾਰਾਂ ਅਤੇ ਖੁੱਲ੍ਹੇ ਉਪਕਰਣ ਲੋਕਾਂ ਲਈ ਖ਼ਤਰਾ ਬਣੇ ਹੋਏ ਹਨ। ਭੀੜ-ਭੜੱਕੇ ਵਾਲੇ ਬਾਜ਼ਾਰਾਂ 'ਚ ਦੁਕਾਨਾਂ ਦੇ ਸਾਹਮਣੇ ਅਤੇ ਗਲੀਆਂ 'ਚ ਬਿਜਲੀ ਦੇ ਖੰਭਿਆਂ ਤੋਂ ਨਿਕਲੇ ਤਾਰਾਂ ਦੇ ਜਾਲ ਹਾਦਸੇ ਦਾ ਖ਼ਤਰਾ ਵਧਾ ਰਹੇ ਹਨ। ਮੁਕਤਸਰ ਸਾਹਿਬ 'ਚ ਕਈ ਥਾਵਾਂ 'ਤੇ ਨੰਗੀਆਂ ਤਾਰਾਂ ਖੰਭਿਆਂ ਤੋਂ ਲਟਕ ਰਹੀਆਂ ਹਨ। ਖੁੱਲ੍ਹੇ ਮੀਟਰ ਬਾਕਸ ਅਤੇ ਅਸੁਰੱਖਿਅਤ ਟ੍ਰਾਂਸਫਾਰਮਰ ਵੀ ਖ਼ਤਰੇ ਨੂੰ ਵਧਾ ਰਹੇ ਹਨ। ਤਾਰਾਂ ਇੰਨੀਆਂ ਨੀਵੀਆਂ ਹਨ ਕਿ ਲੰਘਣ ਵਾਲੇ ਰਾਹਗੀਰ ਅਤੇ ਪਸ਼ੂ ਵੀ ਇਨ੍ਹਾਂ ਦੇ ਸੰਪਰਕ 'ਚ ਆ ਸਕਦੇ ਹਨ।