ਵਿਦਿਆਰਥੀਆਂ ਨੇ ਖੇਡ ਕਬੱਡੀ 'ਚ ਸੋਨ ਤਗਮਾ ਜਿੱਤਿਆ

ਰਾਜ ਕੁਮਾਰ ਨੰਗਲ, ਫਿਲੌਰ : ਡੀਆਰਵੀ ਡੀਏਵੀ ਸ਼ਤਾਬਦੀ ਕਾਲਜ ਦੇ ਵਿਦਿਆਰਥੀਆਂ ਵੱਲੋਂ ਖੇਡ ਕਬੱਡੀ 'ਚ ਸੋਨ ਤਗਮਾ ਹਾਸਲ ਕੀਤਾ। ਦੂਜਾ ਪੰਜਾਬੀ ਲੋਕ ਖੇਡ ਮੇਲਾ ਪਿੰਡ ਅੱਟੇ ਦੀ ਗਰਾਊਂਡ 'ਚ ਕਰਵਾਇਆ ਗਿਆ, ਜਿਸ 'ਚ ਡੀਆਰਵੀ ਡੀਏਵੀ ਸ਼ਤਾਬਦੀ ਕਾਲਜ ਦੇ ਵਿਦਿਆਰਥੀਆਂ ਨੇ ਮੱਲ੍ਹਾਂ ਮਾਰੀਆਂ। ਇਸ 'ਚ ਵੱਖ-ਵੱਖ ਸਕੂਲਾਂ ਨੇ ਭਾਗ ਲਿਆ, ਜਿਸ 'ਚ ਅੱਟਾ ਸਕੂਲ, ਡੱਲੇਵਾਲ ਸਕੂਲ ਆਦਿ ਸ਼ਾਮਲ ਹੋਏ। ਵਿਦਿਆਰਥੀਆਂ ਨੇ ਡੱਲੇਵਾਲ ਦੀ ਟੀਮ ਨੂੰ ਹਰਾ ਕੇ ਸੋਨ ਤਗਮਾ ਹਾਸਲ ਕੀਤਾ ਇਹ ਜਿੱਤ ਕਾਲਜ ਲਈ ਬੜੇ ਮਾਣ ਵਾਲੀ ਗੱਲ ਹੈ। ਪਿੰ੍ਸੀਪਲ ਐੱਸਕੇ ਮਿੱਢਾ ਤੇ ਸਮੂਹ ਸਟਾਫ ਵੱਲੋਂ ਜੇਤੂਆਂ ਨੂੰ ਵਧਾਈ ਦਿੱਤੀ। ਪਿੰ੍ਸੀਪਲ ਨੇ ਕਿਹਾ ਕਿ ਬੜੀ ਮਾਣ ਵਾਲੀ ਗੱਲ ਹੈ ਕਿ ਵਿਦਿਆਰਥੀ ਪੜ੍ਹਾਈ ਦੇ ਨਾਲ-ਨਾਲ ਖੇਡਾਂ 'ਚ ਵੀ ਮੱਲਾਂ ਮਾਰ ਰਹੇ ਹਨ। ਉਨ੍ਹਾਂ ਨੇ ਸਮੂਹ ਟੀਮ ਦੇ ਪਰਿਵਾਰਕ ਮੈਂਬਰਾਂ ਨੂੰ ਵੀ ਵਧਾਈ ਦਿੱਤੀ ਟੀਮ ਦੇ ਵਿਦਿਆਰਥੀਆਂ 'ਚ ਕੁਨਾਲ, ਅਮਨ, ਰਿਆਨ, ਬੋਬੀ, ਹਰਿਤ, ਯੁਗੇਸ਼, ਜਸ਼ਨ, ਗੁਰਜਾਪ ਯੁਵਰਾਜ, ਹੈਰੀ, ਸਚਿਨ ਤੇ ਸੁਨੀਲ ਸ਼ਾਮਲ ਸਨ।