- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸ਼ਹਿਰ ਨੂੰ ਮਿਲੀ ਨਵੀਂ ਸੌਗਾਤ, ਹੁਣ ਭਗਵਾਨ ਪਰਸ਼ੂਰਾਮ ਚੌਕ ਦੇ ਨਾਂ ਨਾਲ ਜਾਣਿਆ ਜਾਵੇਗਾ ਬੱਸ ਸਟੈਂਡ ਦਾ ਸਤਲੁਜ ਚੌਕ
ਨਗਰ ਨਿਗਮ ਪ੍ਰਸ਼ਾਸਨ ਵੱਲੋਂ ਸ਼ਹਿਰ ਦੇ ਲੋਕਾਂ ਨੂੰ ਸ਼ਨੀਵਾਰ ਨੂੰ ਇੱਕ ਸੌਗਾਤ ਦਿੱਤੀ ਗਈ ਹੈ। ਹੁਣ ਬੱਸ ਸਟੈਂਡ ਦੇ ਬਾਹਰ 'ਸਤਲੁਜ ਚੌਕ' ਦੇ ਨਾਂ ਨਾਲ ਜਾਣਿਆ ਜਾਣ ਵਾਲਾ ਚੌਕ 'ਭਗਵਾਨ ਪਰਸ਼ੂਰਾਮ ਚੌਕ' ਕਹਾਏਗਾ। ਇਹ ਚੌਕ ਜਲੰਧਰ ਨੋਰਥ (ਉੱਤਰੀ) ਅਤੇ ਕੈਂਟ ਹਲਕੇ ਦਾ ਜੰਕਸ਼ਨ ਪੁਆਇੰਟ ਹੈ, ਜੋ ਸ਼ਹਿਰ ਦੇ ਭੀੜਭੜੱਕੇ ਵਾਲੇ ਚੌਕਾਂ ਵਿੱਚੋਂ ਇੱਕ ਹੈ। ਚੌਕ 'ਤੇ ਪਹਿਲਾਂ ਹੀ ਟ੍ਰੈਫਿਕ ਲਾਈਟਾਂ ਲੱਗੀਆਂ ਹੋਈਆਂ ਹਨ।
Posted By Anuradha Bains
Publish Date: Sat, 13 Jun 2026 03:14 PM (IST)
Updated Date: Sat, 13 Jun 2026 03:16 PM (IST)
ਜਾਗਰਣ ਸੰਵਾਦਦਾਤਾ, ਜਲੰਧਰ। ਨਗਰ ਨਿਗਮ ਪ੍ਰਸ਼ਾਸਨ ਵੱਲੋਂ ਸ਼ਹਿਰ ਦੇ ਲੋਕਾਂ ਨੂੰ ਸ਼ਨੀਵਾਰ ਨੂੰ ਇੱਕ ਸੌਗਾਤ ਦਿੱਤੀ ਗਈ ਹੈ। ਹੁਣ ਬੱਸ ਸਟੈਂਡ ਦੇ ਬਾਹਰ 'ਸਤਲੁਜ ਚੌਕ' ਦੇ ਨਾਂ ਨਾਲ ਜਾਣਿਆ ਜਾਣ ਵਾਲਾ ਚੌਕ 'ਭਗਵਾਨ ਪਰਸ਼ੂਰਾਮ ਚੌਕ' ਕਹਾਏਗਾ।
ਇਹ ਚੌਕ ਜਲੰਧਰ ਨੋਰਥ (ਉੱਤਰੀ) ਅਤੇ ਕੈਂਟ ਹਲਕੇ ਦਾ ਜੰਕਸ਼ਨ ਪੁਆਇੰਟ ਹੈ, ਜੋ ਸ਼ਹਿਰ ਦੇ ਭੀੜਭੜੱਕੇ ਵਾਲੇ ਚੌਕਾਂ ਵਿੱਚੋਂ ਇੱਕ ਹੈ। ਚੌਕ 'ਤੇ ਪਹਿਲਾਂ ਹੀ ਟ੍ਰੈਫਿਕ ਲਾਈਟਾਂ ਲੱਗੀਆਂ ਹੋਈਆਂ ਹਨ।
ਦੁਪਹਿਰ ਤੋਂ ਬਾਅਦ ਸਨਾਤਨ ਸੇਵਾ ਸਮਿਤੀ, ਪੰਜਾਬ ਦੇ ਰਾਸ਼ਟਰੀ ਪ੍ਰਧਾਨ ਵਿਜੇ ਸ਼ਰਮਾ ਅਤੇ ਮੰਤਰੀ ਮਹਿੰਦਰ ਭਗਤ ਨੇ ਚੌਕ ਦੇ ਨਿਰਮਾਣ ਦਾ ਨੀਂਹ ਪੱਥਰ ਰੱਖਿਆ। ਇਸ ਮੌਕੇ ਪੰਜਾਬ ਸਰਕਾਰ ਦੇ ਕਲਚਰ ਐਂਡ ਟੂਰਿਜ਼ਮਸਲਾਹਕਾਰ ਦੀਪਕ ਬਾਲੀ, ਮੇਅਰ ਵਿਨੀਤ ਧੀਰ, ਕੈਂਟ ਹਲਕੇ ਦੀ 'ਆਪ' ਇੰਚਾਰਜ ਰਾਜਵਿੰਦਰ ਕੌਰ ਥਿਆੜਾ, ਸੈਂਟਰਲ ਹਲਕਾ ਇੰਚਾਰਜ ਨਿਤਿਨ ਕੋਹਲੀ, ਨੋਰਥ ਹਲਕਾ ਇੰਚਾਰਜ ਦਿਨੇਸ਼ ਢੱਲ ਆਦਿ ਮੌਜੂਦ ਸਨ।
ਇਸ ਮੌਕੇ ਦੀਪਕ ਬਾਲੀ ਨੇ ਕਿਹਾ ਕਿ ਜਲੰਧਰ ਦੀਆਂ ਧਾਰਮਿਕ ਅਤੇ ਬ੍ਰਾਹਮਣ ਜਥੇਬੰਦੀਆਂ ਦੀ ਲੰਬੇ ਸਮੇਂ ਤੋਂ ਭਗਵਾਨ ਪਰਸ਼ੂਰਾਮ ਦੇ ਨਾਂ 'ਤੇ ਚੌਕ ਬਣਾਉਣ ਦੀ ਮੰਗ ਸੀ, ਜਿਸ ਨੂੰ ਅੱਜ 'ਆਪ' ਸਰਕਾਰ ਨੇ ਪੂਰਾ ਕਰ ਦਿੱਤਾ ਹੈ।
ਇਸ ਤੋਂ ਪਹਿਲਾਂ ਅਕਾਲੀ-ਭਾਜਪਾ ਅਤੇ ਕਾਂਗਰਸ ਸਰਕਾਰ ਨੂੰ ਇਸ ਮੰਗ ਨੂੰ ਲੈ ਕੇ ਮੰਗ ਪੱਤਰ ਦਿੱਤੇ ਜਾ ਚੁੱਕੇ ਹਨ। ਮੇਅਰ ਵਿਨੀਤ ਧੀਰ ਨੇ ਕਿਹਾ ਕਿ ਜਲਦੀ ਹੀ ਚੌਕ ਦਾ ਡਿਜ਼ਾਈਨ ਫਾਈਨਲ ਕਰਕੇ ਸ਼ਹਿਰ ਦੇ ਕਿਸੇ ਕਾਰੋਬਾਰੀ ਘਰਾਣੇ ਨੂੰ ਨਿਰਮਾਣ ਦੀ ਜ਼ਿੰਮੇਵਾਰੀ ਸੌਂਪੀ ਜਾਵੇਗੀ।