ਮਿਆਦ ਪੁੱਗੀਆਂ ਕੋਲਡ ਡ੍ਰਿੰਕਾਂ ਨੂੰ ਲੈ ਕੇ ਹੰਗਾਮਾ

ਰਾਕੇਸ਼ ਗਾਂਧੀ, ਪੰਜਾਬੀ ਜਾਗਰਣ, ਜਲੰਧਰ : ਸਥਾਨਕ ਬੱਸ ਸਟੈਂਡ ਤੇ ਦੁਕਾਨਦਾਰਾਂ ਵੱਲੋਂ ਗਾਹਕਾਂ ਨੂੰ ਮਿਆਦ ਪੁੱਗੀਆਂ ਕੋਲਡ ਡਰਿੰਕਸ ਦੀਆਂ ਬੋਤਲਾਂ ਦਿੱਤੀਆਂ ਗਈਆਂ। ਸਥਿਤੀ ਉਦੋਂ ਹੋਰ ਵੀ ਵਿਗੜ ਗਈ ਜਦੋਂ ਗਾਹਕਾਂ ਨੇ ਰੌਲਾ ਪਾਉਣਾ ਸ਼ੁਰੂ ਕਰ ਦਿੱਤਾ। ਜਾਂਚ ਕਰਨ ਤੇ ਪਤਾ ਲੱਗਾ ਕਿ ਡਿਸਟ੍ਰੀਬਿਊਟਰ ਰੋਹਿਤ ਬਜਾਜ ਵਲੋਂ ਸਪਲਾਈ ਕੀਤੀ ਗਈ ਲਿਮਕਾ ਦੀਆਂ ਕਈ ਬੋਤਲਾਂ ਪਹਿਲਾਂ ਹੀ ਮਿਆਦ ਪੁੱਗਣ ਵਾਲੀਆਂ ਸਨ। ਗੰਭੀਰ ਦੋਸ਼ ਲਗਾਉਂਦੇ ਹੋਏ ਦੁਕਾਨਦਾਰ ਤੇਜਿੰਦਰ ਨੇ ਕਿਹਾ ਕਿ ਡਿਸਟ੍ਰੀਬਿਊਟਰ ਰੋਹਿਤ ਬਜਾਜ ਮਿਆਦ ਪੁੱਗਣ ਵਾਲੇ ਸਾਮਾਨ ਦੀ ਸਪਲਾਈ ਕਰ ਰਿਹਾ ਹੈ। ਡਿਸਟ੍ਰੀਬਿਊਟਰ ਨੇ ਬੋਤਲਾਂ ਤੇ ₹30 ਦੀ ਕੀਮਤ ਦਰਜ ਕੀਤੀ ਹੈ ਜਿਨ੍ਹਾਂ ਦੀ ਅਸਲ ’ਚ ₹25 ਹੈ। ਹੈਰਾਨੀ ਦੀ ਗੱਲ ਹੈ ਕਿ ਵਾਰ-ਵਾਰ ਬੇਨਤੀਆਂ ਕਰਨ ਦੇ ਬਾਵਜੂਦ ਡਿਸਟ੍ਰੀਬਿਊਟਰ ਸਾਮਾਨ ਲਈ ਸਹੀ ਬਿੱਲ ਨਹੀਂ ਦਿੰਦਾ। ਦੁਕਾਨਦਾਰਾਂ ਨੇ ਕਿਹਾ ਕਿ ਜਦੋਂ ਉਨ੍ਹਾਂ ਨੇ ਮਿਆਦ ਪੁੱਗ ਚੁੱਕੀਆਂ ਚੀਜ਼ਾਂ ਤੇ ਵੱਧ ਕੀਮਤਾਂ ਦਾ ਵਿਰੋਧ ਕੀਤਾ ਤਾਂ ਡਿਸਟ੍ਰੀਬਿਊਟਰ ਧਮਕੀਆਂ ਦੇਣ ਲੱਗ ਪਿਆ। ਇਸ ਬਾਰੇ ਇਕ ਲਿਖਤੀ ਸ਼ਿਕਾਇਤ ਹੁਣ ਸਿਹਤ ਵਿਭਾਗ ਅਤੇ ਖੁਰਾਕ ਸੁਰੱਖਿਆ ਵਿਭਾਗ ਨੂੰ ਸੌਂਪੀ ਜਾਵੇਗੀ।