- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਪੰਜਾਬ 'ਚ ਅੱਜ 31 ਥਾਵਾਂ 'ਤੇ ਰਹੇਗਾ ਰੂਟ ਡਾਇਵਰਟ, PM ਮੋਦੀ ਦੇ ਦੌਰੇ ਤੋਂ ਪਹਿਲਾਂ ਬਦਲੇ ਲੁਧਿਆਣਾ-ਅੰਮ੍ਰਿਤਸਰ ਤੇ ਹੁਸ਼ਿਆਰਪੁਰ ਦੇ ਰਸਤੇ
ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਪ੍ਰਸਤਾਵਿਤ ਜਲੰਧਰ ਦੌਰੇ ਨੂੰ ਲੈ ਕੇ ਪੁਲਿਸ ਕਮਿਸ਼ਨਰੇਟ ਅਤੇ ਟ੍ਰੈਫਿਕ ਪੁਲਿਸ ਨੇ ਪੂਰੇ ਸ਼ਹਿਰ 'ਚ ਵਿਸ਼ੇਸ਼ ਟ੍ਰੈਫਿਕ ਪਲਾਨ ਲਾਗੂ ਕਰ ਦਿੱਤਾ ਹੈ। ਸੁਰੱਖਿਆ ਕਾਰਨਾਂ ਕਰਕੇ ਸ਼ਹਿਰ ਦੇ ਅੰਦਰੂਨੀ ਅਤੇ ਬਾਹਰਲੇ ਜ਼ਿਲ੍ਹਿਆਂ ਤੋਂ ਆਉਣ-ਜਾਣ ਵਾਲੇ ਵਾਹਨਾਂ ਲਈ ਵੱਡੇ ਪੱਧਰ 'ਤੇ ਰੂਟ ਡਾਇਵਰਸ਼ਨ ਕੀਤੇ ਗਏ ਹਨ। ਕਈ ਮੁੱਖ ਸੜਕਾਂ 'ਤੇ ਆਮ ਟ੍ਰੈਫਿਕ ਬੰਦ ਰਹੇਗਾ, ਜਦਕਿ ਵਾਹਨਾਂ ਨੂੰ ਬਦਲਵੇਂ ਰਸਤਿਆਂ ਰਾਹੀਂ ਭੇਜਿਆ ਜਾਵੇਗਾ। ਟ੍ਰੈਫਿਕ ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਸਫ਼ਰ 'ਤੇ ਨਿਕਲਣ ਤੋਂ ਪਹਿਲਾਂ ਆਪਣੇ ਰੂਟ ਦੀ ਜਾਣਕਾਰੀ ਜ਼ਰੂਰ ਲੈ ਲੈਣ ਅਤੇ ਪੁਲਿਸ ਦਾ ਸਹਿਯੋਗ ਕਰਨ।
Posted By Sunita
Publish Date: Fri, 17 Jul 2026 10:30 AM (IST)
Updated Date: Fri, 17 Jul 2026 10:32 AM (IST)
ਜਾਗਰਣ ਸੰਵਾਦਦਾਤਾ, ਜਲੰਧਰ : ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਪ੍ਰਸਤਾਵਿਤ ਜਲੰਧਰ ਦੌਰੇ ਨੂੰ ਲੈ ਕੇ ਪੁਲਿਸ ਕਮਿਸ਼ਨਰੇਟ ਅਤੇ ਟ੍ਰੈਫਿਕ ਪੁਲਿਸ ਨੇ ਪੂਰੇ ਸ਼ਹਿਰ 'ਚ ਵਿਸ਼ੇਸ਼ ਟ੍ਰੈਫਿਕ ਪਲਾਨ ਲਾਗੂ ਕਰ ਦਿੱਤਾ ਹੈ। ਸੁਰੱਖਿਆ ਕਾਰਨਾਂ ਕਰਕੇ ਸ਼ਹਿਰ ਦੇ ਅੰਦਰੂਨੀ ਅਤੇ ਬਾਹਰਲੇ ਜ਼ਿਲ੍ਹਿਆਂ ਤੋਂ ਆਉਣ-ਜਾਣ ਵਾਲੇ ਵਾਹਨਾਂ ਲਈ ਵੱਡੇ ਪੱਧਰ 'ਤੇ ਰੂਟ ਡਾਇਵਰਸ਼ਨ ਕੀਤੇ ਗਏ ਹਨ। ਕਈ ਮੁੱਖ ਸੜਕਾਂ 'ਤੇ ਆਮ ਟ੍ਰੈਫਿਕ ਬੰਦ ਰਹੇਗਾ, ਜਦਕਿ ਵਾਹਨਾਂ ਨੂੰ ਬਦਲਵੇਂ ਰਸਤਿਆਂ ਰਾਹੀਂ ਭੇਜਿਆ ਜਾਵੇਗਾ। ਟ੍ਰੈਫਿਕ ਪੁਲਿਸ ਨੇ ਲੋਕਾਂ ਨੂੰ ਅਪੀਲ ਕੀਤੀ ਹੈ ਕਿ ਉਹ ਸਫ਼ਰ 'ਤੇ ਨਿਕਲਣ ਤੋਂ ਪਹਿਲਾਂ ਆਪਣੇ ਰੂਟ ਦੀ ਜਾਣਕਾਰੀ ਜ਼ਰੂਰ ਲੈ ਲੈਣ ਅਤੇ ਪੁਲਿਸ ਦਾ ਸਹਿਯੋਗ ਕਰਨ।
ਸ਼ਹਿਰ ਦੇ ਅੰਦਰ ਇਨ੍ਹਾਂ ਮੁੱਖ ਰੂਟਾਂ 'ਤੇ ਰਹੇਗਾ ਡਾਇਵਰਸ਼ਨ :-
ਮੈਕਡੋਨਲਡ ਕੱਟ ਤੋਂ ਆਉਣ ਵਾਲੇ ਵਾਹਨ ਜੀ.ਐੱਨ.ਏ. ਚੌਕ, ਦੀਪ ਨਗਰ, ਦੁਸਹਿਰਾ ਗਰਾਊਂਡ ਹੁੰਦੇ ਹੋਏ ਡਿਫੈਂਸ ਕਲੋਨੀ ਵੱਲ ਜਾਣਗੇ।
ਜੀ.ਐੱਨ.ਏ. ਚੌਕ ਤੋਂ ਬੱਸ ਸਟੈਂਡ ਜਾਣ ਵਾਲੇ ਵਾਹਨ ਦੀਪ ਨਗਰ, ਦੁਸਹਿਰਾ ਗਰਾਊਂਡ ਅਤੇ ਡਿਫੈਂਸ ਕਲੋਨੀ ਹੋ ਕੇ ਜਾਣਗੇ।
ਮਹਿਕ ਰੈਸਟੋਰੈਂਟ ਵਾਲੇ ਪਾਸੇ ਤੋਂ ਆਉਣ ਵਾਲੀ ਟ੍ਰੈਫਿਕ ਜਮਸ਼ੇਰ ਵਾਲੇ ਪਾਸੇ ਡਾਇਵਰਟ ਰਹੇਗੀ।
ਥਮਈਆ ਪਾਰਕ ਕੈਂਟ ਟੀ-ਪੁਆਇੰਟ ਤੋਂ ਵਾਹਨ ਡਿਫੈਂਸ ਕਲੋਨੀ ਹੁੰਦੇ ਹੋਏ ਬੱਸ ਸਟੈਂਡ ਵੱਲ ਭੇਜੇ ਜਾਣਗੇ।
ਨੰਗਲ ਸ਼ਾਮਾ ਚੌਕ ਤੋਂ ਟ੍ਰੈਫਿਕ ਲੱਧੇਵਾਲੀ ਅਤੇ ਚੋਗਿੱਟੀ ਵੱਲ ਮੋੜਿਆ ਜਾਵੇਗਾ।
ਢਿਲਵਾਂ ਚੌਕ ਤੋਂ ਵਾਹਨ ਤਲ੍ਹਣ ਰੋਡ ਅਤੇ ਪਰਾਗਪੁਰ ਹੋ ਕੇ ਜਾਣਗੇ।
ਰਾਮਾਮੰਡੀ ਫਲਾਈਓਵਰ 'ਤੇ ਫਲਾਈਓਵਰ ਤੋਂ ਪਹਿਲਾਂ ਹੀ ਯੂ-ਟਰਨ (U-turn) ਦਾ ਪ੍ਰਬੰਧ ਰਹੇਗਾ।
ਬੀ.ਐੱਸ.ਐੱਫ. ਚੌਕ ਤੋਂ ਟ੍ਰੈਫਿਕ ਡਿਫੈਂਸ ਕਲੋਨੀ, ਦੁਸਹਿਰਾ ਗਰਾਊਂਡ ਅਤੇ ਜੀ.ਐੱਨ.ਏ. ਚੌਕ ਵੱਲ ਡਾਇਵਰਟ ਰਹੇਗਾ।
ਡਿਫੈਂਸ ਕਲੋਨੀ ਤੋਂ ਵਾਹਨ ਗੜ੍ਹਾ ਰੋਡ ਹੋ ਕੇ ਬੱਸ ਸਟੈਂਡ ਪਹੁੰਚਣਗੇ।
ਬੱਸ ਸਟੈਂਡ ਪੁਲ (ਪੁਲਿਸ ਲਾਈਨ ਸਾਈਡ) ਤੋਂ ਟ੍ਰੈਫਿਕ ਰਣਜੀਤ ਨਗਰ ਅਤੇ ਗੁਰੂ ਨਾਨਕਪੁਰਾ ਫਾਟਕ ਵੱਲ ਜਾਵੇਗਾ।
ਅਕਸ਼ਰਧਾਮ ਕੱਟ 'ਤੇ ਯੂ-ਟਰਨ ਲੈ ਕੇ ਵਾਹਨ ਲੰਮਾ ਪਿੰਡ ਚੌਕ ਵੱਲ ਭੇਜੇ ਜਾਣਗੇ।
ਚੋਗਿੱਟੀ ਅੰਡਰਬ੍ਰਿਜ ਤੋਂ ਵਾਹਨ ਗੁਰੂ ਨਾਨਕਪੁਰਾ ਫਾਟਕ, ਕ੍ਰਿਸ਼ਨਾ ਫੈਕਟਰੀ ਲਾਈਟਾਂ ਅਤੇ ਲਾਡੋਵਾਲੀ ਰੋਡ ਹੁੰਦੇ ਹੋਏ ਬੱਸ ਸਟੈਂਡ ਪਹੁੰਚਣਗੇ।
ਬੀ.ਬੀ.ਐੱਮ.ਬੀ. ਕਲੋਨੀ (ਚੋਗਿੱਟੀ) ਕੋਲ ਬਿਜਲੀ ਘਰ ਤੋਂ ਯੂ-ਟਰਨ ਲੈ ਕੇ ਟ੍ਰੈਫਿਕ ਗੁਰੂ ਨਾਨਕਪੁਰਾ ਫਾਟਕ ਅਤੇ ਲਾਡੋਵਾਲੀ ਰੋਡ ਵੱਲ ਜਾਵੇਗਾ।
ਪਠਾਨਕੋਟ ਚੌਕ ਤੋਂ ਵਾਹਨ ਮਕਸੂਦਾਂ ਚੌਕ, ਵਰਕਸ਼ਾਪ ਚੌਕ, ਕਪੂਰਥਲਾ ਚੌਕ ਅਤੇ ਨਕੋਦਰ ਚੌਕ ਵੱਲ ਭੇਜੇ ਜਾਣਗੇ।
ਟ੍ਰਾਂਸਪੋਰਟ ਨਗਰ ਨੂੰ ਭਾਰੀ ਵਾਹਨਾਂ ਦੇ ਆਰਜ਼ੀ ਸਟਾਪੇਜ ਪੁਆਇੰਟ ਵਜੋਂ ਵਰਤਿਆ ਜਾਵੇਗਾ।
ਕਿਸ਼ਨਪੁਰਾ ਚੌਕ ਤੋਂ ਟ੍ਰੈਫਿਕ ਦੋਆਬਾ ਚੌਕ ਅਤੇ ਪਠਾਨਕੋਟ ਚੌਕ ਵੱਲ ਡਾਇਵਰਟ ਰਹੇਗਾ।
ਲੰਮਾ ਪਿੰਡ ਚੌਕ ਅਤੇ ਲੰਮਾ ਪਿੰਡ ਪੁਲ ਤੋਂ ਵਾਹਨ ਮਕਸੂਦਾਂ ਅਤੇ ਸੁਭਾਨਪੁਰ ਵੱਲ ਜਾਣਗੇ।
ਨਕੋਦਰ ਚੌਕ ਤੋਂ ਟ੍ਰੈਫਿਕ ਰਵਿਦਾਸ ਚੌਕ ਅਤੇ ਵਡਾਲਾ ਚੌਕ ਵੱਲ ਮੋੜਿਆ ਜਾਵੇਗਾ।
ਕਪੂਰਥਲਾ ਚੌਕ ਤੋਂ ਵਾਹਨ ਵਰਕਸ਼ਾਪ ਚੌਕ ਜਾਂ ਕਪੂਰਥਲਾ ਰੋਡ ਦੀ ਵਰਤੋਂ ਕਰਨਗੇ।
ਵਰਕਸ਼ਾਪ ਚੌਕ ਤੋਂ ਟ੍ਰੈਫਿਕ ਮਕਸੂਦਾਂ ਸਬਜ਼ੀ ਮੰਡੀ ਵੱਲ ਭੇਜਿਆ ਜਾਵੇਗਾ।
ਮਕਸੂਦਾਂ ਚੌਕ ਤੋਂ ਵਾਹਨ ਵਿਧੀਪੁਰ ਵੱਲ ਜਾਣਗੇ।
ਵੇਰਕਾ ਮਿਲਕ ਪਲਾਂਟ ਤੋਂ ਟ੍ਰੈਫਿਕ ਕਰਤਾਰਪੁਰ ਵੱਲ ਡਾਇਵਰਟ ਰਹੇਗਾ।
ਸਮਰਾ ਚੌਕ ਅਤੇ 66 ਫੁੱਟੀ ਰੋਡ ਤੋਂ ਵਾਹਨ ਅਰਬਨ ਅਸਟੇਟ ਫੇਜ਼-2, ਜਮਸ਼ੇਰ ਵੱਲ ਜਾਣਗੇ।
ਲਿਬਰਟੀ ਚੌਕ ਤੋਂ ਟ੍ਰੈਫਿਕ ਅਰਬਨ ਅਸਟੇਟ ਫੇਜ਼-2 ਵੱਲ ਰਹੇਗਾ।
ਅਰਬਨ ਅਸਟੇਟ ਫੇਜ਼-2 ਤੋਂ ਵਾਹਨ ਤਾਜ ਟੀ-ਪੁਆਇੰਟ ਵੱਲ ਜਾਣਗੇ।
ਤਾਜ ਟੀ-ਪੁਆਇੰਟ ਤੋਂ ਟ੍ਰੈਫਿਕ ਦੁਲਹਨ ਪੈਲੇਸ ਗੋਲ ਚੱਕਰ ਵੱਲ ਰਹੇਗਾ।
ਦੁਲਹਨ ਪੈਲੇਸ ਗੋਲ ਚੱਕਰ ਤੋਂ ਵਾਹਨ ਕਿਊਰੋ ਮਾਲ ਵੱਲ ਜਾਣਗੇ।
ਵਡਾਲਾ ਚੌਕ ਤੋਂ ਟ੍ਰੈਫਿਕ ਵਡਾਲਾ ਪਿੰਡ ਅਤੇ ਕਾਲਾ ਸੰਘਿਆਂ ਰੋਡ ਵੱਲ ਮੋੜਿਆ ਜਾਵੇਗਾ।
ਦੂਜੇ ਜ਼ਿਲ੍ਹਿਆਂ ਤੋਂ ਆਉਣ ਵਾਲੇ ਭਾਰੀ ਵਾਹਨਾਂ ਲਈ ਵੱਖਰਾ ਪ੍ਰਬੰਧ:
ਕੰਟੇਨਰ, ਟਰੱਕ, ਟਿੱਪਰ ਅਤੇ ਹੋਰ ਭਾਰੀ ਵਾਹਨਾਂ ਲਈ ਵੀ ਵਿਸ਼ੇਸ਼ ਡਾਇਵਰਸ਼ਨ ਲਾਗੂ ਕੀਤੇ ਗਏ ਹਨ:
ਲੁਧਿਆਣਾ ਤੋਂ ਸ੍ਰੀ ਅੰਮ੍ਰਿਤਸਰ ਸਾਹਿਬ ਜਾਣ ਵਾਲੇ ਭਾਰੀ ਵਾਹਨ ਫਗਵਾੜਾ–ਸਤਨਾਮਪੁਰਾ–ਜੰਡਿਆਲਾ–ਨਕੋਦਰ–ਕਪੂਰਥਲਾ–ਸੁਭਾਨਪੁਰ ਹੋ ਕੇ ਜਾਣਗੇ।
ਲੁਧਿਆਣਾ ਤੋਂ ਹੁਸ਼ਿਆਰਪੁਰ ਅਤੇ ਪਠਾਨਕੋਟ ਜਾਣ ਵਾਲੇ ਵਾਹਨ ਚੰਡੀਗੜ੍ਹ ਬਾਈਪਾਸ (ਕੋਨਿਕਾ ਰਿਜ਼ਾਰਟ)–ਮੇਹਟੀਆਨਾ–ਹੁਸ਼ਿਆਰਪੁਰ–ਦਸੂਹਾ ਹੋ ਕੇ ਭੇਜੇ ਜਾਣਗੇ।
ਮੋਗਾ ਤੋਂ ਪਠਾਨਕੋਟ ਜਾਣ ਵਾਲੇ ਭਾਰੀ ਵਾਹਨ ਨਕੋਦਰ–ਕਪੂਰਥਲਾ–ਸੁਭਾਨਪੁਰ–ਨਡਾਲਾ–ਟਾਂਡਾ ਮਾਰਗ ਦੀ ਵਰਤੋਂ ਕਰਨਗੇ।
ਬੱਸਾਂ ਦੇ ਰੂਟ ਵੀ ਬਦਲੇ:
ਅੰਮ੍ਰਿਤਸਰ ਜਾਣ ਵਾਲੀਆਂ ਬੱਸਾਂ ਹੁਣ ਕਪੂਰਥਲਾ ਅਤੇ ਸੁਭਾਨਪੁਰ ਹੋ ਕੇ ਜਾਣਗੀਆਂ।
ਹੁਸ਼ਿਆਰਪੁਰ ਜਾਣ ਵਾਲੀਆਂ ਬੱਸਾਂ ਨਕੋਦਰ ਚੌਕ, ਕਪੂਰਥਲਾ ਚੌਕ, ਵੇਰਕਾ ਮਿਲਕ ਪਲਾਂਟ, ਪਠਾਨਕੋਟ ਚੌਕ, ਕਿਸ਼ਨਗੜ੍ਹ ਅਤੇ ਆਦਮਪੁਰ ਹੋ ਕੇ ਚੱਲਣਗੀਆਂ।
ਲੁਧਿਆਣਾ ਜਾਣ ਵਾਲੀਆਂ ਬੱਸਾਂ ਸਮਰਾ ਚੌਕ, 66 ਫੁੱਟੀ ਰੋਡ, ਜਮਸ਼ੇਰ, ਜੀ.ਐੱਨ.ਏ. ਚੌਕ ਅਤੇ ਹਵੇਲੀ (ਫਗਵਾੜਾ) ਮਾਰਗ ਰਾਹੀਂ ਜਾਣਗੀਆਂ।
ਪਠਾਨਕੋਟ ਤੋਂ ਜਲੰਧਰ ਆਉਣ ਵਾਲੀਆਂ ਬੱਸਾਂ ਪਠਾਨਕੋਟ ਚੌਕ, ਮਕਸੂਦਾਂ ਚੌਕ, ਵਰਕਸ਼ਾਪ ਚੌਕ, ਕਪੂਰਥਲਾ ਚੌਕ ਅਤੇ ਨਕੋਦਰ ਚੌਕ ਹੁੰਦੇ ਹੋਏ ਬੱਸ ਸਟੈਂਡ ਪਹੁੰਚਣਗੀਆਂ।
ਸਫ਼ਰ ਤੋਂ ਪਹਿਲਾਂ ਰੱਖੋ ਇਨ੍ਹਾਂ ਗੱਲਾਂ ਦਾ ਧਿਆਨ:
ਟ੍ਰੈਫਿਕ ਏ.ਡੀ.ਸੀ.ਪੀ. ਗੁਰਬਾਜ਼ ਸਿੰਘ ਨੇ ਸ਼ਹਿਰ ਵਾਸੀਆਂ ਨੂੰ ਅਪੀਲ ਕੀਤੀ ਹੈ ਕਿ ਪ੍ਰਧਾਨ ਮੰਤਰੀ ਦੇ ਦੌਰੇ ਦੌਰਾਨ ਬਿਨਾਂ ਵਜ੍ਹਾ ਵੀ.ਵੀ.ਆਈ.ਪੀ. (VVIP) ਰੂਟਾਂ ਵੱਲ ਜਾਣ ਤੋਂ ਬਚਿਆ ਜਾਵੇ। ਸਮੇਂ ਤੋਂ ਪਹਿਲਾਂ ਘਰੋਂ ਨਿਕਲੋ, ਬਦਲਵੇਂ ਰਸਤਿਆਂ ਦੀ ਵਰਤੋਂ ਕਰੋ ਅਤੇ ਟ੍ਰੈਫਿਕ ਪੁਲਿਸ ਦੇ ਨਿਰਦੇਸ਼ਾਂ ਦੀ ਪਾਲਣਾ ਕਰੋ।