- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਪੰਜਾਬ ਦੇ ਰੇਲ ਯਾਤਰੀ ਧਿਆਨ ਦੇਣ! ਕੱਲ੍ਹ 15 ਰੇਲਗੱਡੀਆਂ ਪ੍ਰਭਾਵਿਤ, PM ਮੋਦੀ ਦੇ ਦੌਰੇ ਕਾਰਨ ਰੂਟਾਂ ’ਚ ਬਦਲਾਅ
ਸ਼ੁੱਕਰਵਾਰ ਨੂੰ ਕੈਂਟ ਸਟੇਸ਼ਨ 'ਤੇ ਪਹੁੰਚ ਰਹੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਸਿਹਤ ਸੁਰੱਖਿਆ ਲਈ ਪੁਖ਼ਤਾ ਇੰਤਜ਼ਾਮ ਕੀਤੇ ਗਏ ਹਨ। ਸਿਹਤ ਵਿਭਾਗ ਵੱਲੋਂ ਚਾਰ ਵੀ.ਵੀ.ਆਈ.ਪੀ. (VVIP) ਟੀਮਾਂ ਗਠਿਤ ਕੀਤੀਆਂ ਗਈਆਂ ਹਨ। ਹਰੇਕ ਟੀਮ ਵਿੱਚ ਮੈਡੀਕਲ ਸਪੈਸ਼ਲਿਸਟ, ਆਰਥੋਪੈਡਿਕਸ ਜਾਂ ਜਨਰਲ ਸਰਜਨ, ਐਨਸਥੀਸੀਆ ਦਾ ਡਾਕਟਰ, ਪੈਥੋਲਾਜਿਸਟ ਅਤੇ ਫਾਰਮਾਸਿਸਟ ਨੂੰ ਸ਼ਾਮਲ ਕੀਤਾ ਗਿਆ ਹੈ।
Posted By Anuradha Bains
Publish Date: Thu, 16 Jul 2026 11:40 AM (IST)
Updated Date: Thu, 16 Jul 2026 11:43 AM (IST)
ਜਾਗਰਣ ਸੰਵਾਦਦਾਤਾ, ਜਲੰਧਰ। ਸ਼ੁੱਕਰਵਾਰ ਨੂੰ ਕੈਂਟ ਸਟੇਸ਼ਨ 'ਤੇ ਪਹੁੰਚ ਰਹੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਸਿਹਤ ਸੁਰੱਖਿਆ ਲਈ ਪੁਖ਼ਤਾ ਇੰਤਜ਼ਾਮ ਕੀਤੇ ਗਏ ਹਨ। ਸਿਹਤ ਵਿਭਾਗ ਵੱਲੋਂ ਚਾਰ ਵੀ.ਵੀ.ਆਈ.ਪੀ. (VVIP) ਟੀਮਾਂ ਗਠਿਤ ਕੀਤੀਆਂ ਗਈਆਂ ਹਨ। ਹਰੇਕ ਟੀਮ ਵਿੱਚ ਮੈਡੀਕਲ ਸਪੈਸ਼ਲਿਸਟ, ਆਰਥੋਪੈਡਿਕਸ ਜਾਂ ਜਨਰਲ ਸਰਜਨ, ਐਨਸਥੀਸੀਆ ਦਾ ਡਾਕਟਰ, ਪੈਥੋਲਾਜਿਸਟ ਅਤੇ ਫਾਰਮਾਸਿਸਟ ਨੂੰ ਸ਼ਾਮਲ ਕੀਤਾ ਗਿਆ ਹੈ।
ਇਹ ਟੀਮ ਐਡਵਾਂਸ ਲਾਈਫ਼ ਸਪੋਰਟ ਐਂਬੂਲੈਂਸ, ਐਮਰਜੈਂਸੀ ਦਵਾਈਆਂ, ਪ੍ਰਧਾਨ ਮੰਤਰੀ ਦੇ ਬਲੱਡ ਗਰੁੱਪ ਦੇ ਚਾਰ ਯੂਨਿਟ ਖ਼ੂਨ, ਆਕਸੀਜਨ ਅਤੇ ਵੈਂਟੀਲੇਟਰ ਨਾਲ ਲੈਸ ਹੋਵੇਗੀ। ਇਸ ਤੋਂ ਇਲਾਵਾ ਸਿਵਲ ਹਸਪਤਾਲ, ਪੀ.ਏ.ਪੀ. (PAP) ਦਾ ਸਰਕਾਰੀ ਹਸਪਤਾਲ, ਮਿਲਟਰੀ ਹਸਪਤਾਲ ਤੋਂ ਇਲਾਵਾ ਦੋ ਨਿੱਜੀ ਹਸਪਤਾਲਾਂ ਨੂੰ ਵੀ ਅਲਰਟ 'ਤੇ ਰੱਖਿਆ ਗਿਆ ਹੈ। ਵਿਭਾਗ ਵੱਲੋਂ ਆਧੁਨਿਕ ਤਕਨੀਕ ਨਾਲ ਲੈਸ ਐਂਬੂਲੈਂਸਾਂ ਦਾ ਪ੍ਰਬੰਧ ਵੀ ਕੀਤਾ ਗਿਆ ਹੈ।
15 ਰੇਲਗੱਡੀਆਂ ਪ੍ਰਭਾਵਿਤ
ਜਲੰਧਰ ਕੈਂਟ ਸਟੇਸ਼ਨ 'ਤੇ ਪ੍ਰਧਾਨ ਮੰਤਰੀ ਦੀ ਆਮਦ ਨੂੰ ਲੈ ਕੇ ਜੇਕਰ ਰੇਲਵੇ ਵੱਲੋਂ ਸੁਰੱਖਿਆ ਪ੍ਰਬੰਧਾਂ ਦੇ ਮੱਦੇਨਜ਼ਰ 17 ਜੁਲਾਈ ਨੂੰ ਦੁਪਹਿਰ 2:00 ਵਜੇ ਤੋਂ ਸਾਢੇ 5:00 ਵਜੇ ਤੱਕ ਬਲਾਕ ਲਿਆ ਜਾਂਦਾ ਹੈ ਤਾਂ ਇਸ ਦੌਰਾਨ ਆਉਣ-ਜਾਣ ਵਾਲੀਆਂ 15 ਰੇਲਗੱਡੀਆਂ ਪ੍ਰਭਾਵਿਤ ਹੋ ਸਕਦੀਆਂ ਹਨ। ਇਨ੍ਹਾਂ ’ਚੋਂ ਸੱਤ ਰੇਲਗੱਡੀਆਂ ਦਾ ਤਾਂ ਜਲੰਧਰ ਕੈਂਟ ਸਟੇਸ਼ਨ 'ਤੇ ਹੀ ਸਟਾਪੇਜ ਹੈ। ਜੇਕਰ ਦੁਪਹਿਰ ਦੋ ਵਜੇ ਤੋਂ ਪਹਿਲਾਂ ਬਲਾਕ ਲਿਆ ਜਾਂਦਾ ਹੈ ਤਾਂ ਪ੍ਰਭਾਵਿਤ ਗੱਡੀਆਂ ਦੀ ਗਿਣਤੀ ਦੁੱਗਣੀ ਤੱਕ ਹੋ ਸਕਦੀ ਹੈ।
ਜ਼ਿਆਦਾ ਸਮੱਸਿਆ ਜੰਮੂ ਵਾਲੇ ਪਾਸੇ ਤੋਂ ਆਉਣ ਵਾਲੀਆਂ ਰੇਲਗੱਡੀਆਂ ਲਈ ਰਹੇਗੀ। ਜੇਕਰ ਉਨ੍ਹਾਂ ਨੂੰ ਸਟੇਸ਼ਨਾਂ 'ਤੇ ਨਹੀਂ ਰੋਕਿਆ ਜਾਂਦਾ ਤਾਂ ਉਨ੍ਹਾਂ ਨੂੰ ਜਲੰਧਰ ਸਿਟੀ ਰੇਲਵੇ ਸਟੇਸ਼ਨ ਤੋਂ ਹੁੰਦੇ ਹੋਏ ਨਕੋਦਰ ਰੇਲ ਲਾਈਨ ਰਾਹੀਂ ਲੁਧਿਆਣਾ ਲਈ ਚਲਾਇਆ ਜਾ ਸਕਦਾ ਹੈ। ਸਾਰੀ ਤਸਵੀਰ ਵੀਰਵਾਰ ਨੂੰ ਸਾਫ਼ ਹੋ ਸਕੇਗੀ।