ਦੇਸ਼ ਦੀ ਆਨ, ਬਾਨ ਤੇ ਸ਼ਾਨ ਤਿਰੰਗਾ ਝੰਡਾ : ਅੰਗੂਰਾਲ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਜਲੰਧਰ : ਭਾਜਪਾ ਜਲੰਧਰ ਸ਼ਹਿਰੀ ਦੇ ਬਸਤੀ ਦਾਨਿਸ਼ਮੰਦਾ ਮੰਡਲ ’ਚ ਪੰਜਾਬ ਭਾਜਪਾ ਐੱਸ.ਸੀ. ਮੋਰਚਾ ਦੇ ਪ੍ਰਧਾਨ ਅਤੇ ਸਾਬਕਾ ਵਿਧਾਇਕ ਸ਼ੀਤਲ ਅੰਗੂਰਾਲ ਦੀ ਅਗਵਾਈ ਹੇਠ ਸੈਂਕੜਿਆਂ ਭਾਜਪਾ ਕਾਰਕੁਨਾਂ ਤੇ ਸਮਰਥਕਾਂ ਦੀ ਮੌਜੂਦਗੀ ’ਚ ਤਿਰੰਗਾ ਯਾਤਰਾ ਦਫ਼ਤਰ ਤੋਂ ਕੱਢੀ ਗਈ। ਯਾਤਰਾ ਦੌਰਾਨ ਕਾਰਕੁਨਾਂ ਨੇ ਹੱਥਾਂ ’ਚ ਤਿਰੰਗਾ ਫੜ ਕੇ ਦੇਸ਼ ਭਗਤੀ ਦੇ ਨਾਅਰਿਆਂ ਨਾਲ ਰਾਸ਼ਟਰ ਪ੍ਰੇਮ ਤੇ ਏਕਤਾ ਦਾ ਸੰਦੇਸ਼ ਦਿੱਤਾ। ਇਸ ਮੌਕੇ ਸਾਬਕਾ ਵਿਧਾਇਕ ਸ਼ੀਤਲ ਅੰਗੂਰਾਲ ਨੇ ਕਿਹਾ ਕਿ ਤਿਰੰਗਾ ਸਿਰਫ਼ ਦੇਸ਼ ਦਾ ਝੰਡਾ ਨਹੀਂ, ਸਗੋਂ ਭਾਰਤ ਦੀ ਆਨ, ਬਾਨ ਅਤੇ ਸ਼ਾਨ ਦਾ ਪ੍ਰਤੀਕ ਹੈ। ਉਨ੍ਹਾਂ ਕਿਹਾ ਕਿ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਅਗਵਾਈ ਹੇਠ ਅੱਜ ਭਾਰਤ ਵਿਸ਼ਵ ਪੱਧਰ ’ਤੇ ਲਗਾਤਾਰ ਮਜ਼ਬੂਤ ਹੋ ਰਿਹਾ ਹੈ। ਤਿਰੰਗਾ ਯਾਤਰਾ ਦੀ ਪ੍ਰਧਾਨਗੀ ਬਸਤੀ ਦਾਨਿਸ਼ਮੰਦਾ ਮੰਡਲ ਪ੍ਰਧਾਨ ਮਨੀਸ਼ ਬਾਲ ਨੇ ਕੀਤੀ, ਜਦਕਿ ਮੰਡਲ ਪ੍ਰਭਾਰੀ ਕੁਣਾਲ ਸ਼ਰਮਾ ਨੇ ਪ੍ਰੋਗਰਾਮ ਦੀਆਂ ਸਾਰੀਆਂ ਵਿਵਸਥਾਵਾਂ ਨੂੰ ਸੁਚੱਜੇ ਢੰਗ ਨਾਲ ਸੰਭਾਲਿਆ। ਸ਼ੀਤਲ ਅੰਗੂਰਾਲ ਨੇ ਯਾਤਰਾ ਨੂੰ ਸਫਲ ਬਣਾਉਣ ਲਈ ਸਾਰੇ ਭਾਜਪਾ ਕਾਰਕੁਨਾਂ ਅਤੇ ਇਲਾਕਾ ਵਾਸੀਆਂ ਦਾ ਧੰਨਵਾਦ ਕੀਤਾ। ਇਸ ਮੌਕੇ ਰਾਜਨ ਅੰਗੂਰਾਲ, ਸਚਿਨਜੀਤ ਅਰੋੜਾ, ਪਾਰਸ਼ਦ ਕ੍ਰਿਸ਼ਨਾ ਮਿਨੀਆ, ਵਰੁਣ ਤਨੇਜਾ, ਸ਼ਿਵ ਸ਼ਰਮਾ, ਦਲੇਰ ਸਿੰਘ, ਅਜੈ ਭਗਤ, ਸੌਰਵ ਪਲਟਾ, ਮੰਦੀਪ ਸਿੰਘ, ਵਿਜੈ ਬਾਲਾ, ਵਿਜੈ ਬਾਬਾ, ਸੁਨੀਲ ਮੋਂਟੂ, ਪੰਕਜ ਸਾਰੰਗਲ, ਮੰਜੀਤ ਸ਼ੇਰਾ ਆਦਿ ਸਮੇਤ ਸੈਂਕੜਿਆਂ ਦੀ ਗਿਣਤੀ ਵਿੱਚ ਲੋਕ ਹਾਜ਼ਰ ਸਨ।