ਐੱਨਆਈਟੀ ਜਲੰਧਰ ’ਚ ਕਵੀਆਂ ਨੇ ਢਿੱਡੀਂ ਪੀੜਾਂ ਪਾਈਆਂ

ਸੀਨੀਅਰ ਰਿਪੋਰਟਰ, ਪੰਜਾਬੀ ਜਾਗਰਣ, ਜਲੰਧਰ

ਡਾ. ਬੀ. ਆਰ. ਅੰਬੇਡਕਰ ਨੈਸ਼ਨਲ ਇੰਸਟੀਚਿਊਟ ਆਫ਼ ਟੈਕਨਾਲੋਜੀ (ਐੱਨਆਈਟੀ) ਜਲੰਧਰ ਵਿੱਚ ਹਿੰਦੀ ਮਾਹ ਦੇ ਹਿੱਸੇ ਵਜੋਂ ਹਾਸਰਸ ਕਵੀ ਸੰਮੇਲਨ ਕਰਵਾਇਆ ਗਿਆ। ਇਹ ਪ੍ਰੋਗਰਾਮ ਸੰਸਥਾ ਦੀ ਰਾਜਭਾਸ਼ਾ ਕਮੇਟੀ (ਹਿੰਦੀ ਸੈੱਲ) ਵੱਲੋਂ ਕਰਵਾਇਆ ਗਿਆ। ਇਸ ਵਿੱਚ ਪਦਮਸ਼੍ਰੀ ਕਵੀ ਡਾ. ਸੁਨੀਲ ਜੋਗੀ, ਕਵਿੱਤਰੀ ਅਤੇ ਸ਼ਾਇਰਾ ਹਿਮਾਂਸ਼ੀ ਬਾਬਰਾ, ਹਿੰਦੀ ਕਵੀ ਅਤੇ ਮੰਚ ਕਲਾਕਾਰ ਸਵਯਮ ਸ਼੍ਰੀਵਾਸਤਵ ਅਤੇ ਹਿੰਦੀ-ਉਰਦੂ ਦੇ ਕਵੀ ਚਰਾਗ ਸ਼ਰਮਾ ਨੇ ਰਚਨਾਵਾਂ ਪੇਸ਼ ਕੀਤੀਆਂ। ਪ੍ਰੋਗਰਾਮ ਵਿੱਚ ਸੰਸਥਾ ਦੇ ਵਿਦਿਆਰਥੀਆਂ, ਅਧਿਆਪਕਾਂ ਅਤੇ ਕਰਮਚਾਰੀਆਂ ਨੇ ਵੱਡੀ ਗਿਣਤੀ ਵਿੱਚ ਹਿੱਸਾ ਲਿਆ। ਕਵੀਆਂ ਦੀਆਂ ਹਾਸੇ ਅਤੇ ਵਿਅੰਗ ਨਾਲ ਭਰਪੂਰ ਕਵਿਤਾਵਾਂ ਨੇ ਵਿਦਿਆਰਥੀਆਂ ਅਤੇ ਕਰਮਚਾਰੀਆਂ ਦਾ ਖੂਬ ਮਨੋਰੰਜਨ ਕੀਤਾ। ਇਸ ਤੋਂ ਪਹਿਲਾਂ, ਸੰਸਥਾ ਵਿੱਚ 1 ਤੋਂ 30 ਸਤੰਬਰ ਤੱਕ ਹਿੰਦੀ ਮਹੀਨਾ ਮਨਾਇਆ ਗਿਆ। ਇਸ ਦੌਰਾਨ ਰਾਜਭਾਸ਼ਾ ਕਮੇਟੀ ਵੱਲੋਂ ਵਿਦਿਆਰਥੀਆਂ, ਅਧਿਆਪਕਾਂ ਅਤੇ ਕਰਮਚਾਰੀਆਂ ਲਈ ਵੱਖ-ਵੱਖ ਗਤੀਵਿਧੀਆਂ ਅਤੇ ਮੁਕਾਬਲੇ ਵੀ ਕਰਵਾਏ ਗਏ। ਇਸ ਮੌਕੇ ਸੰਸਥਾ ਦੇ ਡਾਇਰੈਕਟਰ ਪ੍ਰੋ. ਬਿਨੋਦ ਕੁਮਾਰ ਕਨੌਜੀਆ, ਡੀਨ (ਫੈਕਲਟੀ ਵੈਲਫੇਅਰ) ਪ੍ਰੋ. ਅਰਵਿੰਦ ਕੇ. ਅਗਨੀਹੋਤਰੀ, ਡੀਨ (ਪਲਾਨਿੰਗ ਐਂਡ ਡਿਵੈਲਪਮੈਂਟ) ਪ੍ਰੋ. ਸੁਭਾਸ਼ ਚੰਦਰ, ਡੀਨ (ਰਿਸਰਚ ਐਂਡ ਕੰਸਲਟੈਂਸੀ) ਪ੍ਰੋ. ਰੋਹਿਤ ਮਹਿਰਾ, ਡੀਨ (ਇੰਡਸਟਰੀ ਐਂਡ ਇੰਟਰਨੈਸ਼ਨਲ ਅਫੇਅਰਜ਼) ਪ੍ਰੋ. ਅਜੈ ਬੰਸਲ, ਰਾਜਭਾਸ਼ਾ ਕਮੇਟੀ ਦੇ ਚੇਅਰਮੈਨ ਪ੍ਰੋ. ਏ ਕੇ ਚੌਧਰੀ, ਵਾਈਸ ਚੇਅਰਮੈਨ ਡਾ. ਸਤੀਸ਼ ਕੁਮਾਰ ਅਵਸਥੀ, ਕੋਆਰਡੀਨੇਟਰ ਸ੍ਰੀ ਡੀ ਪੀ ਤ੍ਰਿਪਾਠੀ, ਡਾ. ਅਵਿਰਲ ਮਿਸ਼ਰਾ, ਡਾ. ਪਵਨ ਕੁਮਾਰ ਵਰਮਾ, ਕਮੇਟੀ ਦੇ ਹੋਰ ਮੈਂਬਰ ਅਤੇ ਸੰਸਥਾ ਦੇ ਅਧਿਆਪਕ, ਅਧਿਕਾਰੀ ਤੇ ਕਰਮਚਾਰੀ ਮੌਜੂਦ ਸਨ।