- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਜਲੰਧਰ ’ਚ ਨਗਰ ਨਿਗਮ ਯੂਨੀਅਨ ਦੀ ਹੜਤਾਲ ਖ਼ਤਮ: 5 ਦਿਨਾਂ ਬਾਅਦ ਸ਼ਹਿਰ ’ਚੋਂ ਕੂੜਾ ਚੁੱਕਣ ਦਾ ਕੰਮ ਹੋਵੇਗਾ ਸ਼ੁਰੂ
ਮੀਟਿੰਗ ’ਚ ਸਹਿਮਤੀ ਬਣੀ ਕਿ ਯੂਨੀਅਨ ਦੇ ਡਰਾਈਵਰ ਪਹਿਲਾਂ ਵਾਂਗ ਡੰਪਾਂ ਤੋਂ ਕੂੜਾ ਚੁੱਕਣ ਦਾ ਕੰਮ ਕਰਨਗੇ ਅਤੇ ਰੇਹੜੀ-ਰਿਕਸ਼ਾ ਵਾਲੇ ਘਰਾਂ ਤੋਂ ਕਲੈਕਸ਼ਨ ਕਰਦੇ ਰਹਿਣਗੇ। ਕੰਪਨੀ ਦਾ ਕੰਮ ਸੀਮਤ ਕੀਤਾ ਜਾ ਸਕਦਾ ਹੈ ਜਾਂ ਪ੍ਰੋਜੈਕਟ ਨੂੰ ਫਿਲਹਾਲ ਰੋਕਿਆ ਜਾ ਸਕਦਾ ਹੈ।
Posted By Anuradha Bains
Publish Date: Mon, 24 Aug 2026 03:32 PM (IST)
Updated Date: Mon, 24 Aug 2026 05:06 PM (IST)
ਜਾਗਰਣ ਸੰਵਾਦਦਾਤਾ, ਜਲੰਧਰ। ਸੌਲਿਡ ਵੇਸਟ ਦੇ ਘਰ-ਘਰ ਕਲੈਕਸ਼ਨ ਦਾ ਠੇਕਾ ਪ੍ਰਾਈਵੇਟ ਕੰਪਨੀ ਨੂੰ ਦੇਣ ਦੇ ਵਿਰੋਧ ’ਚ ਨਗਰ ਨਿਗਮ ਵਿੱਚ ਚੱਲ ਰਹੀ ਹੜਤਾਲ ਖ਼ਤਮ ਹੋ ਗਈ ਹੈ।
ਯੂਨੀਅਨ ਪ੍ਰਧਾਨ ਬੰਟੂ ਸਬਰਵਾਲ ਨੇ ਦੱਸਿਆ ਕਿ ਅੱਜ ਚੰਡੀਗੜ੍ਹ ਵਿੱਚ ਸਰਕਾਰ ਦੇ ਨੁਮਾਇੰਦਿਆਂ ਨਾਲ ਮੀਟਿੰਗ ਹੋਈ। ਮੀਟਿੰਗ ’ਚ ਨਗਰ ਨਿਗਮ ਕਮਿਸ਼ਨਰ ਸੰਦੀਪ ਰਿਸ਼ੀ, ਮੇਅਰ ਵਿਨੀਤ ਧੀਰ ਅਤੇ ਡਾਇਰੈਕਟਰ ਮੌਜੂਦ ਸਨ।
ਮੀਟਿੰਗ ’ਚ ਸਹਿਮਤੀ ਬਣੀ ਕਿ ਯੂਨੀਅਨ ਦੇ ਡਰਾਈਵਰ ਪਹਿਲਾਂ ਵਾਂਗ ਡੰਪਾਂ ਤੋਂ ਕੂੜਾ ਚੁੱਕਣ ਦਾ ਕੰਮ ਕਰਨਗੇ ਅਤੇ ਰੇਹੜੀ-ਰਿਕਸ਼ਾ ਵਾਲੇ ਘਰਾਂ ਤੋਂ ਕਲੈਕਸ਼ਨ ਕਰਦੇ ਰਹਿਣਗੇ। ਕੰਪਨੀ ਦਾ ਕੰਮ ਸੀਮਤ ਕੀਤਾ ਜਾ ਸਕਦਾ ਹੈ ਜਾਂ ਪ੍ਰੋਜੈਕਟ ਨੂੰ ਫਿਲਹਾਲ ਰੋਕਿਆ ਜਾ ਸਕਦਾ ਹੈ।
ਸਹਿਮਤੀ ਤੋਂ ਬਾਅਦ ਯੂਨੀਅਨ ਨੇ ਹੜਤਾਲ ਖ਼ਤਮ ਕਰਨ ਦਾ ਐਲਾਨ ਕੀਤਾ। ਮੰਗਲਵਾਰ ਤੋਂ ਸਾਰੇ ਕਰਮਚਾਰੀ ਕੰਮ 'ਤੇ ਪਰਤਣਗੇ ਅਤੇ ਸ਼ਹਿਰ ’ਚ ਸਫ਼ਾਈ, ਕੂੜਾ ਲਿਫਟਿੰਗ, ਸੀਵਰੇਜ ਤੇ ਵਾਟਰ ਸਪਲਾਈ ਦਾ ਕੰਮ ਪਹਿਲਾਂ ਵਾਂਗ ਚੱਲੇਗਾ।
ਇਸ ਮੌਕੇ ਡਰਾਈਵਰ ਯੂਨੀਅਨ ਪ੍ਰਧਾਨ ਸ਼ਮੀ ਲੂਥਰ, ਸਿਕੰਦਰ ਖੋਸਲਾ, ਰਾਜਨ ਕਲਿਆਣ, ਹੈਪੀ ਥਾਪਰ, ਹਤੇਸ਼ ਨਾਹਰ ਅਤੇ ਹੋਰ ਆਗੂ ਮੌਜੂਦ ਸਨ।