ਲਵਲੀ ਮਿਸ ਚਾਰਮਿੰਗ ਤੇ ਨਵੋਦਿਤ ਬਾਲੀ ਬਣੇ ਮਿਸਟਰ ਹੈਂਡਸਮ

ਤੇਜਿੰਦਰ ਕੌਰ ਥਿੰਦ, ਪੰਜਾਬੀ ਜਾਗਰਣ, ਜਲੰਧਰ

ਐਲ.ਕੇ.ਸੀ.ਟੀ.ਸੀ ਸਕੂਲ ਆਫ਼ ਇਨਫਰਮੇਸ਼ਨ ਟੈਕਨਾਲੋਜੀ ਨੇ 2026 ਸੈਸ਼ਨ ਦੇ ਨਵੇਂ ਬੈਚਾਂ ਦੇ ਵਿਦਿਆਰਥੀਆਂ ਦਾ ਨਿੱਘਾ ਸਵਾਗਤ ਕੀਤਾ। ਸ਼ਾਮ ਨੂੰ ਸੱਭਿਆਚਾਰਕ ਪੇਸ਼ਕਾਰੀਆਂ, ਨਾਚ, ਗਾਇਕੀ, ਖੇਡਾਂ ਅਤੇ ਇੱਕ ਸ਼ਾਨਦਾਰ ਮਾਡਲਿੰਗ ਦੌਰ ਸ਼ਾਮਲ ਸਨ, ਨੇ ਦਰਸ਼ਕਾਂ ਨੂੰ ਮੰਤਰ-ਮੁਗਧ ਕਰ ਦਿੱਤਾ। ਮਾਡਲਿੰਗ ਸੈਗਮੈਂਟ ’ਚ ਵਿਦਿਆਰਥੀਆਂ ਨੇ ਆਤਮ-ਵਿਸ਼ਵਾਸ ਅਤੇ ਅੰਦਾਜ਼ ਨਾਲ ਰੈਂਪ ਵਾਕ ਕੀਤਾ। ਪ੍ਰਤਿਭਾਸ਼ਾਲੀ ਭਾਗੀਦਾਰਾਂ ਵਿੱਚੋਂ ਲਵਲੀ (ਬੀ.ਵੌਕ (ਡਬਲਯੂ.ਟੀ.ਐੱਮ.)-1) ਨੇ ਮਿਸ ਚਾਰਮਿੰਗ ਦਾ ਖਿਤਾਬ ਹਾਸਲ ਕੀਤਾ, ਚਾਹਤ (ਬੀ.ਸੀ.ਏ.-1) ਨੂੰ ਮਿਸ ਇੰਟੈਲੈਕਚੁਅਲ ਦੇ ਖਿਤਾਬ ਨਾਲ ਸਨਮਾਨਿਤ ਕੀਤਾ ਗਿਆ। ਜੋਤੀ (ਐਮ.ਸੀ.ਏ.-1) ਨੇ ਮਿਸ ਕਲਚਰਲ ਕਵੀਨ ਦਾ ਖਿਤਾਬ ਹਾਸਲ ਕੀਤਾ ਅਤੇ ਜਸਪ੍ਰੀਤ (ਐਮ.ਸੀ.ਏ.-1) ਨੇ ਮਿਸ ਕ੍ਰੀਏਟਿਵ ਦਾ ਖਿਤਾਬ ਜਿੱਤਿਆ।

ਲੜਕਿਆਂ ਦੀ ਸ਼੍ਰੇਣੀ ’ਚ ਨਵੋਦਿਤ ਬਾਲੀ (ਬੀ.ਸੀ.ਏ.-1) ਨੂੰ ਮਿਸਟਰ ਹੈਂਡਸਮ ਐਲਾਨਿਆ ਗਿਆ, ਚੇਤਨ (ਬੀ.ਸੀ.ਏ.-1) ਨੇ ਮਿਸਟਰ ਟੈਲੈਂਟਡ ਦਾ ਖਿਤਾਬ ਜਿੱਤਿਆ, ਜਦਕਿ ਆਕਾਸ਼ (ਬੀ.ਸੀ.ਏ.-1) ਨੇ ਮਿਸਟਰ ਡਾਇਨੈਮਿਕ ਦਾ ਖਿਤਾਬ ਹਾਸਲ ਕੀਤਾ ਅਤੇ ਗੁਰਪ੍ਰੀਤ (ਬੀ.ਸੀ.ਏ.-1) ਨੇ ਮਿਸਟਰ ਪ੍ਰਾਊਡ ਲਾਇਨ ਦਾ ਖਿਤਾਬ ਆਪਣੇ ਨਾਮ ਕੀਤਾ। ਸ਼ਾਮ ਦੇ ਸਭ ਤੋਂ ਵੱਕਾਰੀ ਖਿਤਾਬ ਮਿਸ ਫ੍ਰੈਸ਼ਰ 2026 ਮੁਸਕਾਨ, ਐਮ.ਸੀ.ਏ.-1 ਅਤੇ ਮਿਸਟਰ ਫ੍ਰੈਸ਼ਰ ਹਰਮਨ (ਬੀ.ਸੀ.ਏ.-1) ਵਿਦਿਆਰਥੀਆਂ ਨੂੰ ਪ੍ਰਦਾਨ ਕੀਤੇ ਗਏ। ਸੁਖਬੀਰ ਸਿੰਘ ਚੱਠਾ, ਡਾਇਰੈਕਟਰ ਅਕਾਦਮਿਕ ਅਫੇਅਰਜ਼, ਕੇ.ਸੀ.ਐੱਲ. ਗਰੁੱਪ ਅਤੇ ਡਾ. ਆਰ. ਐੱਸ. ਦਿਓਲ, ਡਾਇਰੈਕਟਰ, ਐਲ.ਕੇ.ਸੀ.ਟੀ.ਸੀ. ਨੇ ਨਵੇਂ ਵਿਦਿਆਰਥੀਆਂ ਦੇ ਸਵਾਗਤ ਲਈ ਸਕੂਲ ਆਫ਼ ਇਨਫਰਮੇਸ਼ਨ ਟੈਕਨਾਲੋਜੀ ਵੱਲੋਂ ਕੀਤੇ ਗਏ, ਉਪਰਾਲੇ ਦੀ ਸ਼ਲਾਘਾ ਕੀਤੀ। ਡਾ. ਨਿਧੀ ਚੋਪੜਾ (ਐੱਚਓਡੀ ਆਈਟੀ ਤੇ ਡੀਨ, ਸਟੂਡੈਂਟਸ ਵੈਲਫੇਅਰ) ਨੇ ਨਵੇਂ ਵਿਦਿਆਰਥੀਆਂ ਦਾ ਨਿੱਘਾ ਸਵਾਗਤ ਕੀਤਾ।