- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
'LPU ’ਚ ਭੰਨਤੋੜ ’ਚ ਵਿਦਿਆਰਥੀ ਨਹੀਂ, ਅਸਮਾਜਿਕ ਤੱਤ ਸ਼ਾਮਲ ਸਨ', ਯੂਨੀਵਰਸਿਟੀ ਦੇ ਐਗਜ਼ੀਕਿਊਟਿਵ ਡੀਨ ਦਾ ਵੱਡਾ ਬਿਆਨ
ਜਿਵੇਂ ਹੀ ਇਸ ਘਟਨਾ ਦੀ ਅਫਵਾਹ ਫੈਲੀ, ਵਿਦਿਆਰਥੀਆਂ ਨੇ ਹਿੰਸਕ ਵਿਰੋਧ ਪ੍ਰਦਰਸ਼ਨ ਸ਼ੁਰੂ ਕਰ ਦਿੱਤੇ। ਅੱਗਜ਼ਨੀ, ਭੰਨਤੋੜ ਅਤੇ ਇੱਥੋਂ ਤੱਕ ਕਿ ਮਿਗ-23 ਅਤੇ ਫੌਜੀ ਟੈਂਕਾਂ 'ਤੇ ਚੜ੍ਹਨ ਦੇ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੇ ਹਨ। ਇਸ ਦੌਰਾਨ, ਯੂਨੀਵਰਸਿਟੀ ਦੇ ਡੀਨ ਨੇ ਇੱਕ ਹੈਰਾਨ ਕਰਨ ਵਾਲਾ ਬਿਆਨ ਜਾਰੀ ਕੀਤਾ ਹੈ।
Posted By Anuradha Bains
Publish Date: Sun, 27 Sep 2026 04:24 PM (IST)
Updated Date: Sun, 27 Sep 2026 04:27 PM (IST)
ਡਿਜੀਟਲ ਡੈਸਕ, ਜਲੰਧਰ। ਪੰਜਾਬ ਦੇ ਫਗਵਾੜਾ ਸਥਿਤ ਪ੍ਰਸਿੱਧ ਲਵਲੀ ਪ੍ਰੋਫੈਸ਼ਨਲ ਯੂਨੀਵਰਸਿਟੀ (LPU) ਦੇ ਗਰਲਜ਼ ਹਾਸਟਲ ਦੇ ਨੇੜੇ ਇੱਕ ਵਿਦਿਆਰਥਣ ਨਾਲ ਕਥਿਤ ਜਿਨਸੀ ਸ਼ੋਸ਼ਣ ਦੇ ਦਾਅਵੇ ਸਾਹਮਣੇ ਆਉਣ ਤੋਂ ਬਾਅਦ ਕੈਂਪਸ ਵਿੱਚ ਮਾਹੌਲ ਬੇਹੱਦ ਤਣਾਅਪੂਰਨ ਬਣਿਆ ਹੋਇਆ ਹੈ।
ਜਿਵੇਂ ਹੀ ਇਸ ਘਟਨਾ ਦੀ ਅਫਵਾਹ ਫੈਲੀ, ਵਿਦਿਆਰਥੀਆਂ ਨੇ ਹਿੰਸਕ ਵਿਰੋਧ ਪ੍ਰਦਰਸ਼ਨ ਸ਼ੁਰੂ ਕਰ ਦਿੱਤੇ। ਅੱਗਜ਼ਨੀ, ਭੰਨਤੋੜ ਅਤੇ ਇੱਥੋਂ ਤੱਕ ਕਿ ਮਿਗ-23 ਅਤੇ ਫੌਜੀ ਟੈਂਕਾਂ 'ਤੇ ਚੜ੍ਹਨ ਦੇ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੇ ਹਨ। ਇਸ ਦੌਰਾਨ, ਯੂਨੀਵਰਸਿਟੀ ਦੇ ਡੀਨ ਨੇ ਇੱਕ ਹੈਰਾਨ ਕਰਨ ਵਾਲਾ ਬਿਆਨ ਜਾਰੀ ਕੀਤਾ ਹੈ।
ਯੂਨੀਵਰਸਿਟੀ ਦੇ ਡੀਨ ਦਾ ਵੱਡਾ ਬਿਆਨ
ਇਸੇ ਦੌਰਾਨ LPU ਯੂਨੀਵਰਸਿਟੀ ਦੇ ਡੀਨ ਡਾ. ਸੌਰਵ ਲਖਨਪਾਲ ਨੇ ਆਪਣੇ ਬਿਆਨ ’ਚ ਕਿਹਾ ਹੈ ਕਿ ਇਸ ਭੰਨਤੋੜ ’ਚ ਅਸਮਾਜਿਕ ਤੱਤ ਸ਼ਾਮਲ ਹਨ, ਵਿਦਿਆਰਥੀ ਨਹੀਂ। ਡੀਨ ਨੇ ਕਿਹਾ ਕਿ ਯੂਨੀਵਰਸਿਟੀ ਕੈਂਪਸ ’ਚ ਬਾਹਰੀ ਵਿਅਕਤੀ ਵੱਲੋਂ ਕਥਿਤ ਜਿਨਸੀ ਸ਼ੋਸ਼ਣ ਦੇ ਮਾਮਲੇ ਵਿੱਚ ਵਿਦਿਆਰਥੀਆਂ ਦੀ ਸ਼ਿਕਾਇਤ 'ਤੇ ਪੁਲਿਸ ਵੱਲੋਂ ਐੱਫ.ਆਈ.ਆਰ. (FIR) ਦਰਜ ਕਰ ਲਈ ਗਈ ਹੈ।
VIDEO | Jalandhar, Punjab: After police registered an FIR on a complaint by students regarding an alleged rape by an outsider on the university campus, LPU Executive Dean says, "This is a case of 'rumour rage'. Anti-social elements were involved in the vandalism, not students. We will fully cooperate with the police and have also formed a student committee." (Full video available on PTI Videos - https://t.co/bIyFWTfmBd)
— Press Trust of India (@PTI_News) September 27, 2026
ਉਨ੍ਹਾਂ ਆਪਣੇ ਬਿਆਨ ਵਿੱਚ ਅੱਗੇ ਕਿਹਾ ਕਿ, "ਇਹ 'ਅਫ਼ਵਾਹਾਂ ਕਾਰਨ ਭੜਕੇ ਗੁੱਸੇ' ਦਾ ਮਾਮਲਾ ਹੈ। ਭੰਨਤੋੜ ’ਚ ਅਸਮਾਜਿਕ ਤੱਤ ਸ਼ਾਮਲ ਸਨ, ਵਿਦਿਆਰਥੀ ਨਹੀਂ। ਅਸੀਂ ਪੁਲਿਸ ਦਾ ਪੂਰਾ ਸਹਿਯੋਗ ਕਰਾਂਗੇ ਅਤੇ ਅਸੀਂ ਵਿਦਿਆਰਥੀਆਂ ਦੀ ਇੱਕ ਕਮੇਟੀ ਵੀ ਬਣਾਈ ਹੈ।"
ਅਸਮਾਜਿਕ ਤੱਤ ਜੁੜੇ ਹਨ
ਡੀਨ ਸੌਰਵ ਲਖਨਪਾਲ ਨੇ ਕਿਹਾ ਕਿ ਸਾਨੂੰ ਲੱਗਦਾ ਹੈ ਕਿ ਇਸ ’ਚ ਕੁਝ ਅਸਮਾਜਿਕ ਤੱਤ ਜੁੜੇ ਹਨ। ਵਿਦਿਆਰਥੀ ਕਦੇ ਵੀ ਅਜਿਹਾ ਨਹੀਂ ਕਰ ਸਕਦੇ। ਅਸੀਂ ਉਨ੍ਹਾਂ ਤੋਂ ਇਸ ਕੇਸ ਬਾਰੇ ਪੁੱਛਿਆ ਤਾਂ ਉਨ੍ਹਾਂ ਕੋਲ ਕੋਈ ਸਖ਼ਤ ਕਥਨ ਕਹਿਣ ਨੂੰ ਨਹੀਂ ਸੀ। ਇਨ੍ਹਾਂ ਗੱਲਾਂ ਨੂੰ ਅਫ਼ਵਾਹ ਬਣਾ ਕੇ ਵਿਦਿਆਰਥੀਆਂ ਵਿੱਚ ਫੈਲਾਇਆ ਗਿਆ ਹੈ।
ਵਿਦਿਆਰਥੀਆਂ ਦੀ ਬਣਾਈ ਹੈ ਕਮੇਟੀ
ਡੀਨ ਨੇ ਕਿਹਾ ਕਿ ਉਨ੍ਹਾਂ ਨੇ ਵਿਦਿਆਰਥੀਆਂ ਦੀ ਕਮੇਟੀ ਬਣਾਈ ਹੈ ਅਤੇ ਉਨ੍ਹਾਂ ਨੂੰ ਕਿਹਾ ਹੈ ਕਿ ਉਹ ਜਿਵੇਂ ਚਾਹੁੰਦੇ ਹਨ, ਉਸੇ ਤਰ੍ਹਾਂ ਕੇਸ ਦੀ ਜਾਂਚ ਕੀਤੀ ਜਾਵੇਗੀ। ਹਰ ਜਾਂਚ ਨਿਰਪੱਖਤਾ ਨਾਲ ਹੋਵੇਗੀ। ਅਸੀਂ ਵਿਦਿਆਰਥੀਆਂ ਲਈ ਹਰ ਤਰ੍ਹਾਂ ਤਿਆਰ ਹਾਂ।
ਹੋਇਆ ਹੈ ਕਾਫ਼ੀ ਨੁਕਸਾਨ
ਡੀਨ ਨੇ ਕਿਹਾ ਕਿ ਵਿਦਿਆਰਥੀਆਂ ਦੇ ਹਿੰਸਕ ਵਿਰੋਧ ਪ੍ਰਦਰਸ਼ਨਾਂ ਕਾਰਨ ਯੂਨੀਵਰਸਿਟੀ ਨੂੰ ਕਾਫ਼ੀ ਨੁਕਸਾਨ ਹੋਇਆ ਹੈ ਅਤੇ ਰਾਸ਼ਟਰੀ ਰਾਜਮਾਰਗ ਦੀ ਨਾਕਾਬੰਦੀ ਕਾਰਨ ਆਵਾਜਾਈ ਵਿੱਚ ਮੁਸ਼ਕਲ ਪਿਆ ਹੈ। ਉਨ੍ਹਾਂ ਅੱਗੇ ਕਿਹਾ ਕਿ ਅਫਵਾਹਾਂ ਬਿਨਾਂ ਕਿਸੇ ਸਬੂਤ ਦੇ ਹਨ।