ਤਲਵਿੰਦਰ ਹੀਰ ਫੁੱਟਬਾਲ ਐਸੋ. ਦੇ ਮੀਡੀਆ ਕਮੇਟੀ ਮੈਂਬਰ ਨਿਯੁਕਤ

ਨਿਰਮਲ ਮੁੱਗੋਵਾਲ, ਪੰਜਾਬੀ ਜਾਗਰਣ, ਸੈਲਾ ਖੁਰਦ : ਫੁੱਟਬਾਲ ਪਲੇਅਰਜ਼ ਵੈਲਫੇਅਰ ਸੁਸਾਇਟੀ ਮਾਹਿਲਪੁਰ ਦੇ ਸਰਪ੍ਰਸਤ ਕੋਚ ਰਾਜਿੰਦਰ ਸ਼ਰਮਾ, ਪ੍ਰਧਾਨ ਗੁਰਦਿਆਲ ਸਿੰਘ ਬੈਂਸ, ਉਪ ਪ੍ਰਧਾਨ ਯਸ਼ਪਾਲ ਜੱਸੀ, ਮੁੱਖ ਸਲਾਹਕਾਰ ਦਲਜੀਤ ਸਿੰਘ ਬਿੱਟੂ ਤੇ ਉੱਘੇ ਫੁੱਟਬਾਲਰ ਸੰਦੀਪ ਸੈਣੀ, ਵੇਦ ਪ੍ਰਕਾਸ਼ ਮਨਜੀਤ ਸਿੰਘ ਖੁਰਦਪੁਰ, ਨਰਿੰਦਰ ਸਿੰਘ ਜਿਆਣ, ਸੁਰਿੰਦਰਪਾਲ ਸਿੰਘ ਲਿੱਧੜ, ਸਾਬੀ ਮਰੂਲਾ, ਸਰਬਜੀਤ ਚੰਦੇਲੀ, ਜਸਵਿੰਦਰ ਬੰਗਾ, ਕੁਲਦੀਪ ਸਿੱਧੂ, ਪ੍ਰਵੀਨ ਕੁਮਾਰ, ਬਲਵੀਰ ਸਿੰਘ, ਜਸਵੀਰ ਸਿੰਘ ਨੇ ਆਪਣੀ ਸੁਸਾਇਟੀ ਦੇ ਸਰਗਰਮ ਮੈਂਬਰ ਤੇ ਸਮਾਜ ਸੇਵਕ ਤਲਵਿੰਦਰ ਸਿੰਘ ਹੀਰ ਨੰਗਲ ਖਿਲਾੜੀਆਂ ਨੂੰ ਪੰਜਾਬ ਫੁੱਟਬਾਲ ਐਸੋਸੀਏਸ਼ਨ ਵਲੋਂ ਮੀਡੀਆ ਕਮੇਟੀ ਦਾ ਮੈਂਬਰ ਨਿਯੁਕਤ ਕੀਤਾ ਹੈ। ਇਸ ਮੌਕੇ ਗੱਲਬਾਤ ਕਰਦਿਆ ਤਲਵਿੰਦਰ ਹੀਰ ਨੇ ਕਿਹਾ ਕਿ ਉਹ ਆਪਣੀ ਇਸ ਜਿੰਮੇਵਾਰੀ ਨੂੰ ਪੂਰੀ ਮਿਹਨਤ ਇਮਾਨਦਾਰੀ ਤੇ ਲਗਨ ਨਾਲ ਨਿਭਾਉਣਗੇ ।ਜ਼ਿਕਰਯੋਗ ਹੈ ਕਿ ਪੰਜਾਬ ਫੁੱਟਬਾਲ ਐਸੋਸੀਏਸ਼ਨ ਨੇ ਪਹਿਲਾਂ ਵੀ ਸੁਸਾਇਟੀ ਦੇ ਸਰਪ੍ਰਸਤ ਅਰਜਨਾ ਐਵਾਰਡੀ ਗੁਰਦੇਵ ਸਿੰਘ ਗਿੱਲ ਨੂੰ ਟ੍ਰਿਬਿਊਨਲ ਮੈਂਬਰ,ਉੱਘੇ ਫੁੱਟਬਾਲਰ ਦਲਜੀਤ ਸਿੰਘ ਬਿੱਟੂ ਨੂੰ ਟੈਕਨੀਕਲ ਕਮੇਟੀ ਦਾ ਕਨਵੀਨਰ ਤੇ ਫੁੱਟਬਾਲਰ ਮਨਜਿੰਦਰ ਸਿੰਘ ਨੂੰ ਜੂਨੀਅਰ ਟੀਮਾਂ ਦੀ ਚੋਣ ਕਮੇਟੀ ਦੇ ਮੈਂਬਰ ਦਾ ਅਹੁਦਾ ਦੇ ਕੇ ਨਿਵਾਜਿਆ ਹੈ।