ਨਗਰ ਕੌਂਸਲ ਹਰਿਆਣਾ ਨੇ ਕੱਢੀ ਵਿਸ਼ਾਲ ਰੈਲੀ

ਕਮਲ, ਪੰਜਾਬੀ ਜਾਗਰਣ

ਹਰਿਆਣਾ : ਨਗਰ ਕੌਂਸਲ ਹਰਿਆਣਾ ਵੱਲੋਂ ਕਸਬਾ ਹਰਿਆਣਾ ਵਿਖੇ ਵਿਸ਼ਾਲ ਰੈਲੀ ਕੀਤੀ ਗਈ। ਅਫਸਰ ਮਦਨ ਸਿੰਘ ਦੀ ਅਗਵਾਈ ਹੇਠ ਇਹ ਰੈਲੀ ਕੱਢੀ ਗਈ, ਜਿਸ ਵਿੱਚ ਵੱਖ-ਵੱਖ ਸਕੂਲਾਂ ਅਤੇ ਆਈਟੀਆਈ ਦੇ ਵਿਦਿਆਰਥੀਆਂ ਨੇ ਹਿੱਸਾ ਲਿਆ। ਇਸ ਰੈਲੀ ਦਾ ਆਗਾਜ਼ ਜੀਜੀਡੀਐੱਸਡੀ ਕਾਲਜ ਹਰਿਆਣਾ ਦੇ ਪ੍ਰਿੰਸੀਪਲ ਡਾ. ਰਾਜੀਵ ਕੁਮਾਰ ਵੱਲੋਂ ਰੈਲੀ ਨੂੰ ਹਰੀ ਝੰਡੀ ਦਿਖਾ ਕੇ ਕੀਤਾ ਗਿਆ। ਇਸ ਰੈਲੀ ਦੌਰਾਨ ਵਿਦਿਆਰਥੀਆਂ ਵੱਲੋਂ ਕਸਬਾ ਵਾਸੀਆਂ ਨੂੰ ਜਾਗਰੂਕ ਕਰਨ ਲਈ ਲੋਕਾਂ ਨੂੰ ਜਾਗਰੂਕ ਕੀਤਾ ਗਿਆ। ਇਸ ਰੈਲੀ ਨੂੰ ਸਫਲ ਬਣਾਉਣ ’ਚ ਦਯਾਨੰਦ ਪਬਲਿਕ ਹਾਈ ਸਕੂਲ, ਮਾਈ ਭਗਵਤੀ ਵਿਦਿਆ ਮੰਦਿਰ, ਐੱਸਡੀ ਪਬਲਿਕ ਸਕੂਲ, ਮਾਈ ਭਗਵਤੀ ਸਕੂਲ (ਗਰਲਜ਼), ਆਈਟੀਆਈ ਹਰਿਆਣਾ ਦੇ ਕਰੀਬ 300 ਵਿਦਿਆਰਥੀਆਂ ਨੇ ਆਪਣਾ ਯੋਗਦਾਨ ਪਾਇਆ। ਇਸ ਮੌਕੇ ਤ੍ਰਿਪਤਾ ਦੇਵੀ ਵੱਲੋਂ ਸਵੱਛਤਾ ਦੀ ਸਹੁੰ ਵੀ ਚੁਕਾਈ ਗਈ। ਸ਼ਹਿਰ ਦੇ ਵੱਖ-ਵੱਖ ਥਾਵਾਂ ਤੋਂ ਹੋ ਕੇ ਇਹ ਰੈਲੀ ਜੀਜੀਡੀਐੱਸਡੀ ਕਾਲਜ ਵਿਖੇ ਸਮਾਪਤ ਹੋਈ। ਇਸ ਮੌਕੇ ਰਮਨ ਕੁਮਾਰ, ਇਕਬਾਲ ਸਿੰਘ, ਰਜੇਸ਼ ਭੱਲਾ, ਅਸ਼ਵਨੀ ਦਫਵਾਲ, ਸੋਨੀਆ, ਰੀਤੂ ਠਾਕੁਰ, ਰਜਨੀ, ਐੱਸਆਈ ਸ਼ਾਮ ਲਾਲ, ਵਿਸ਼ਾਲ ਮਰਵਾਹਾ, ਪਾਰਸ, ਪੂਜਾ, ਲਖਵੀਰ ਸਿੰਘ, ਅਜੇ ਅਤੇ ਹੋਰ ਸ਼ਹਿਰ ਵਾਸੀ ਹਾਜ਼ਰ ਸਨ। ਜੀਜੀਡੀਐੱਸਡੀ ਕਾਲਜ ਦੇ ਐੱਨਸੀਸੀ ਕੈਡਿਟਾਂ ਵੱਲੋਂ ਵਿਦਿਆਰਥੀਆਂ ਨੇ ਟ੍ਰੈਫਿਕ ਕੰਟਰੋਲ ਕਰਨ ’ਚ ਅਹਿਮ ਭੂਮਿਕਾ ਨਿਭਾਈ ਗਈ।