ਤਸਕਰੀ ਦਾ ਹੱਬ ਬਣੀ ਨਵੀਂ ਹਵੇਲੀ: ਦਸੂਹਾ ਪੁਲਿਸ ਵੱਲੋਂ ਰੇਡ, ਘਾਹ-ਫ਼ੂਸ ਦੇ ਢੇਰ ਹੇਠਾਂ ਲੁਕਾਈਆਂ 4 ਪੇਟੀਆਂ ਨਾਜਾਇਜ਼ ਸ਼ਰਾਬ ਸਮੇਤ ਤਸਕਰ ਕਾਬੂ

ਸੂਚਨਾ ਦੇ ਆਧਾਰ ’ਤੇ ਏ.ਐੱਸ.ਆਈ. ਰਾਕੇਸ਼ ਕੁਮਾਰ ਨੇ ਤੁਰੰਤ ਪੁਲਿਸ ਪਾਰਟੀ ਸਮੇਤ ਮੁਲਜ਼ਮ ਪਲਵਿੰਦਰ ਸਿੰਘ ਉਰਫ਼ ਸਾਬੀ ਦੇ ਘਰ ’ਤੇ ਰੇਡ ਕਰ ਦਿੱਤੀ। ਪੁਲਿਸ ਟੀਮ ਨੂੰ ਮੁਲਜ਼ਮ ਘਰ ’ਚ ਹੀ ਮੌਜੂਦ ਮਿਲ ਗਿਆ। ਪੁਲਿਸ ਨੇ ਦੱਸਿਆ ਕਿ ਜਦੋਂ ਪਲਵਿੰਦਰ ਸਿੰਘ ਦੀ ਨਵੀਂ ਉਸਾਰੀ ਹਵੇਲੀ ਦੀ ਤਲਾਸ਼ੀ ਲਈ ਗਈ ਤਾਂ ਬੜੀ ਚਲਾਕੀ ਨਾਲ ਹਵੇਲੀ ਦੇ ਅੰਦਰ ਸੁੱਟੇ ਹੋਏ ਘਾਹ-ਫ਼ੂਸ ਦੇ ਢੇਰ ਦੇ ਹੇਠਾਂ ਛੁਪਾ ਕੇ ਰੱਖਿਆ ‘ਪੰਜਾਬ ਕਲੱਬ ਕਿੰਗ ਵਿਸਕੀ’ ਮਾਰਕਾ ਦੀਆਂ 04 ਪੇਟੀਆਂ ਨਾਜਾਇਜ਼ ਸ਼ਰਾਬ ਕਥਿਤ ਤੌਰ ’ਤੇ ਬਰਾਮਦ ਹੋਈਆਂ। ਪੁਲਿਸ ਮੁਤਾਬਕ ਇਨ੍ਹਾਂ ਪੇਟੀਆਂ ’ਚੋਂ ਕੁੱਲ 48 ਬੋਤਲਾਂ (36,000 ਐੱਮ.ਐੱਲ.) ਸ਼ਰਾਬ ਬਰਾਮਦ ਕੀਤੀ ਗਈ ਹੈ।

ਆਬਕਾਰੀ ਐਕਟ ਤਹਿਤ ਮੁਕੱਦਮਾ ਦਰਜ, ਅਗਲੇਰੀ ਜਾਂਚ ਸ਼ੁਰੂ