ਰਾਈਸ ਮਿਲਰਜ਼ ਐਸੋਸੀਏਸ਼ਨ ਦੇ ਜ਼ਿਲ੍ਹਾ ਪ੍ਰਧਾਨ ਬਣੇ ਸੰਜੀਵ ਨਈਅਰ

ਸੁਰਿੰਦਰ ਢਿੱਲੋਂ, ਪੰਜਾਬੀ ਜਾਗਰਣ, ਟਾਂਡਾ ਉੜਮੁੜ : ਰਾਈਸ ਮਿਲਰਜ਼ ਐਸੋਸੀਏਸ਼ਨ ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਰਾਈਸ ਮਿਲਰਜ਼ ਦੀ ਵਿਸ਼ੇਸ਼ ਮੀਟਿੰਗ ਵਿੰਟੇਜ ਵਿਲਾ ਟਾਂਡਾ ਵਿਖੇ ਪਰਮਜੀਤ ਸਿੰਘ ਮੋਤੀਆ ਦੀ ਪ੍ਰਧਾਨਗੀ ਹੇਠ ਹੋਈ। ਮੀਟਿੰਗ ਵਿੱਚ ਆਲ ਇੰਡੀਆ ਪ੍ਰਧਾਨ ਤਰਸੇਮ ਸੈਣੀ, ਪੰਜਾਬ ਪ੍ਰਧਾਨ ਗੁਰਦੀਪ ਸਿੰਘ ਚੀਮਾ ਅਤੇ ਜ਼ਿਲ੍ਹਾ ਪ੍ਰਧਾਨ ਅਜੀਤ ਨਰੰਗ ਵਿਸ਼ੇਸ਼ ਤੌਰ ’ਤੇ ਸ਼ਾਮਲ ਹੋਏ। ਮੀਟਿੰਗ ਦੌਰਾਨ ਸ਼ੈਲਰ ਉਦਯੋਗ ਨੂੰ ਪੇਸ਼ ਆ ਰਹੀਆਂ ਦਰਪੇਸ਼ ਸਮੱਸਿਆਵਾਂ, ਆਉਣ ਵਾਲੇ ਝੋਨੇ ਦੇ ਸੀਜ਼ਨ ਦੀਆਂ ਤਿਆਰੀਆਂ ਅਤੇ ਰਾਈਸ ਮਿਲਰਜ਼ ਦੀਆਂ ਅਹਿਮ ਮੰਗਾਂ ਸਬੰਧੀ ਵਿਸਥਾਰ ਨਾਲ ਵਿਚਾਰ-ਵਟਾਂਦਰਾ ਕੀਤਾ ਗਿਆ। ਇਸ ਮੌਕੇ ਸਰਬਸੰਮਤੀ ਨਾਲ ਸੰਜੀਵ ਨਈਅਰ ਨੂੰ ਰਾਈਸ ਮਿਲਰਜ਼ ਐਸੋਸੀਏਸ਼ਨ ਜ਼ਿਲ੍ਹਾ ਹੁਸ਼ਿਆਰਪੁਰ ਦਾ ਨਵਾਂ ਪ੍ਰਧਾਨ ਚੁਣਿਆ ਗਿਆ ਜਦਕਿ ਬਰਜਿੰਦਰ ਅਗਰਵਾਲ ਨੂੰ ਉਪ ਪ੍ਰਧਾਨ ਅਤੇ ਮਨਿੰਦਰਜੀਤ ਸਿੰਘ ਮਣੀ ਨੂੰ ਜਨਰਲ ਸਕੱਤਰ ਚੁਣਿਆ ਗਿਆ। ਇਹ ਚੋਣ ਮੌਜੂਦਾ ਜ਼ਿਲ੍ਹਾ ਪ੍ਰਧਾਨ ਅਜੀਤ ਨਰੰਗ ਵੱਲੋਂ ਨਿੱਜੀ ਇੱਛਾ ਦੇ ਚਲਦਿਆਂ ਅਹੁਦਾ ਛੱਡਣ ਦੀ ਪੇਸ਼ਕਸ਼ ਤੋਂ ਬਾਅਦ ਕਰਵਾਈ ਗਈ। ਨਵੇਂ ਚੁਣੇ ਗਏ ਪ੍ਰਧਾਨ ਸੰਜੀਵ ਨਈਅਰ ’ਤੇ ਭਰੋਸਾ ਪ੍ਰਗਟ ਕਰਦਿਆਂ ਐਸੋਸੀਏਸ਼ਨ ਮੈਂਬਰਾਂ ਨੇ ਕਿਹਾ ਕਿ ਉਹ ਜ਼ਿਲ੍ਹੇ ਦੇ ਰਾਈਸ ਮਿਲਰਜ਼ ਦੀਆਂ ਸਮੱਸਿਆਵਾਂ ਨੂੰ ਉਚਿਤ ਮੰਚ ’ਤੇ ਉਠਾਉਣ ਦੇ ਨਾਲ-ਨਾਲ ਜਥੇਬੰਦੀ ਨੂੰ ਹੋਰ ਮਜ਼ਬੂਤ ਕਰਨ ਵਿੱਚ ਅਹਿਮ ਭੂਮਿਕਾ ਨਿਭਾਉਣਗੇ। ਨਵੇਂ ਚੁਣੇ ਗਏ ਜਿਲ੍ਹਾ ਪ੍ਰਧਾਨ ਸੰਜੀਵ ਨਈਅਰ ਤੇ ਜ਼ਿਲ੍ਹਾ ਟੀਮ ਨੇ ਆਲ ਇੰਡੀਆ ਪ੍ਰਧਾਨ ਤਰਸੇਮ ਸੈਣੀ ਅਤੇ ਪੰਜਾਬ ਪ੍ਰਧਾਨ ਗੁਰਦੀਪ ਸਿੰਘ ਚੀਮਾ ਨੂੰ ਭਰੋਸਾ ਦਿਵਾਇਆ ਕਿ ਉਹ ਸਾਰੇ ਮਿਲਰਜ਼ ਨੂੰ ਨਾਲ ਲੈ ਕੇ ਚੱਲਣਗੇ ਤੇ ਜਥੇਬੰਦੀ ਦੀ ਮਜ਼ਬੂਤੀ, ਮਿਲਰਜ਼ ਦੀ ਬਿਹਤਰੀ ਅਤੇ ਉਨ੍ਹਾਂ ਦੀਆਂ ਸਮੱਸਿਆਵਾਂ ਦੇ ਹੱਲ ਲਈ ਗੰਭੀਰਤਾ ਨਾਲ ਯਤਨ ਕਰਨਗੇ। ਇਸ ਮੌਕੇ ਪ੍ਰਧਾਨ ਮਾਨਸਾ ਸ਼ਿਆਮ ਲਾਲ, ਪਰਮਜੀਤ ਸਿੰਘ ਮੋਤੀਆਂ, ਸੁਭਾਸ਼ ਸੋਢੀ, ਰਾਜੀਵ ਮਰਵਾਹਾ, ਪ੍ਰਦਿਊਮਨ ਮਰਵਾਹਾ, ਹਨੀ ਬਾਂਸਲ, ਗੁਰਵਿੰਦਰ ਸਿੰਘ, ਕੁਲਵੰਤ ਸਿੰਘ, ਰਣਦੀਪ ਨੈਅਰ, ਇਸ਼ਾਤ ਨੈਅਰ, ਜਗਦੀਪ ਸਿੰਘ, ਲੱਕੀ ਜੈਨ, ਸਤਪਾਲ ਗੁਪਤਾ, ਵਿਸ਼ਾਲ ਗੁਪਤਾ, ਆਸ਼ੀਸ਼ ਗੁਪਤਾ, ਵਿਵੇਕ ਗੁਪਤਾ, ਸੁਬੋਧ ਗਰਗ, ਕਮਲ ਗਰਗ, ਠਾਕੁਰ ਕੁਲਵੰਤ ਸਿੰਘ, ਵਿਨੈ ਠਾਕੁਰ, ਵੈਭਵ ਜੈਨ, ਮਨਦੀਪ ਠਾਕੁਰ, ਰਿੰਕੂ ਅਗਰਵਾਲ, ਸੰਜੇ ਰੰਜਨ, ਅਸ਼ੋਕ ਨੰਦਾ, ਵਿਜੈ ਕੁਮਾਰ, ਸੁਰਿੰਦਰ ਕੁਮਾਰ, ਜਸਵਿੰਦਰ ਸਿੰਘ ਘੁੰਮਣ, ਸੁਸ਼ੀਲ ਗੁਪਤਾ, ਕਰਨ ਅਰੋੜਾ, ਰਾਘਵ ਵਧਵਾ, ਬਿੱਟੂ ਵਧਵਾ, ਸਤੀਸ਼ ਸ਼ਰਮਾ, ਸੁਖਦੇਵ ਗੋਇਲ ਮੁਕੇਰੀਆਂ, ਬਾਜਵਾ ਗੜ੍ਹਸ਼ੰਕਰ, ਅਰਪਣ ਅਤੇ ਰਾਜਨ ਸਮੇਤ ਹੋਰ ਰਾਈਸ ਮਿਲਰਜ਼ ਹਾਜ਼ਰ ਸਨ।