ਕਰਾਟੇ ਚੈਂਪੀਅਨਸ਼ਿਪ ’ਚ ਕੈਂਬ੍ਰਿਜ ਸਕੂਲ ਦੇ ਵਿਦਿਆਰਥੀਆਂ ਨੇ ਜਿੱਤੇ 31 ਤਮਗੇ

ਪੱਤਰ ਪ੍ਰੇਰਕ, ਪੰਜਾਬੀ ਜਾਗਰਣ, ਸ਼ਾਮ ਚੁਰਾਸੀ : ਕੈਂਬ੍ਰਿਜ ਇੰਟਰਨੈਸ਼ਨਲ ਸਕੂਲ ਕਠਾਰ ਦੇ ਵਿਦਿਆਰਥੀਆਂ ਨੇ 9ਵੀਂ ਸਟੇਟ ਓਪਨ ਮਾਰਸ਼ਲ ਆਰਟਸ ਚੈਂਪੀਅਨਸ਼ਿਪ-2026 ਵਿੱਚ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਸਕੂਲ ਦਾ ਨਾਂ ਰੋਸ਼ਨ ਕੀਤਾ। ਸੂਬਾ ਪੱਧਰੀ ਕਰਾਟੇ ਚੈਂਪੀਅਨਸ਼ਿਪ ਡੀਏਵੀ ਆਡੀਟੋਰੀਅਮ ਜਲੰਧਰ ਵਿਖੇ ਕਰਵਾਈ ਗਈ। ਚੈਂਪੀਅਨਸ਼ਿਪ ਵਿੱਚ ਲੁਧਿਆਣਾ, ਫਗਵਾੜਾ, ਕਪੂਰਥਲਾ ਸਮੇਤ ਪੰਜਾਬ ਦੇ ਵੱਖ-ਵੱਖ ਇਲਾਕਿਆਂ ਤੋਂ ਖਿਡਾਰੀਆਂ ਨੇ ਹਿੱਸਾ ਲਿਆ। ਕੈਂਬ੍ਰਿਜ ਇੰਟਰਨੈਸ਼ਨਲ ਸਕੂਲ, ਕਠਾਰ ਦੇ ਵਿਦਿਆਰਥੀਆਂ ਨੇ ਕੁੱਲ 31 ਤਮਗੇ ਆਪਣੇ ਨਾਮ ਕੀਤੇ। ਇਨ੍ਹਾਂ ਵਿੱਚ 11 ਸੋਨੇ, 10 ਚਾਂਦੀ ਅਤੇ 10 ਕਾਂਸੀ ਦੇ ਤਮਗੇ ਸ਼ਾਮਲ ਹਨ। ਇਸ ਮੌਕੇ ਸਕੂਲ ਦੇ ਪ੍ਰਬੰਧਕਾਂ ਨੇ ਦੱਸਿਆਂ ਕਿ ਕਲਾਸ ਪਹਿਲੀ ਤੋਂ ਸਹਿਜ ਕੌਰ, ਫਤਿਹ ਸਿੰਘ ਅਤੇ ਸਮੀਰ, ਕਲਾਸ ਦੂਜੀ ਤੋਂ ਕੇਵਿਨ ਅਤੇ ਰਿਆਂਸ਼ੀ, ਕਲਾਸ ਚੌਥੀ ਤੋਂ ਗੁਰਸ਼ਾਨ ਮਾਹੀ ਅਤੇ ਮਨਕੀਰਤ ਚੁੰਬਰ, ਕਲਾਸ ਪੰਜਵੀਂ ਤੋਂ ਸਹਿਜਪ੍ਰੀਤ ਕੌਰ ਅਤੇ ਹਰਤਾਜਵੀਰ ਸਿੰਘ, ਕਲਾਸ ਛੇਵੀਂ ਤੋਂ ਮਨਸੀਰਤ ਕੌਰ ਅਤੇ ਕਲਾਸ ਅੱਠਵੀਂ ਤੋਂ ਹਰਵੀਰ ਸਿੰਘ ਨੇ ਸੋਨੇ ਦੇ ਤਮਗੇ ਜਿੱਤੇ। ਕਲਾਸ ਪਹਿਲੀ ਤੋਂ ਅਨਾਇਆ, ਗੁਰਫਤਿਹ ਸਿੰਘ ਅਤੇ ਲਵਿਸ਼, ਕਲਾਸ ਦੂਜੀ ਤੋਂ ਨਵਸੀਰਤ ਕੌਰ, ਕਲਾਸ ਤੀਜੀ ਤੋਂ ਮਨਸੀਰਤ ਕੌਰ ਅਤੇ ਗੈਵਿਨ, ਕਲਾਸ ਚੌਥੀ ਤੋਂ ਮਨਕੀਰਤ ਅਤੇ ਨਾਇਰਾ, ਕਲਾਸ ਪੰਜਵੀਂ ਤੋਂ ਅਭਿਜੋਤ ਅਤੇ ਕਲਾਸ ਨੌਵੀਂ ਤੋਂ ਈਸ਼ਾਨ ਨੇ ਚਾਂਦੀ ਦੇ ਤਮਗੇ ਹਾਸਲ ਕੀਤੇ ਅਤੇ ਕਲਾਸ ਪਹਿਲੀ ਤੋਂ ਗੁਰਬਾਜ਼ ਸਿੰਘ ਅਤੇ ਅਰਮਾਨ ਕੁਮਾਰ, ਕਲਾਸ ਦੂਜੀ ਤੋਂ ਅਮਨਵੀਰ ਸਿੰਘ, ਹਰਸੀਰਤ ਕੌਰ ਅਤੇ ਅਰਨੀਤ ਕੌਰ, ਕਲਾਸ ਤੀਜੀ ਤੋਂ ਅਰਸ਼ਦੀਪ, ਦਮਨਜੋਤ ਸਿੰਘ, ਮੇਯੰਕ ਅਤੇ ਸਿਮਰਨਜੋਤ ਕੌਰ ਅਤੇ ਕਲਾਸ ਚੌਥੀ ਤੋਂ ਪ੍ਰਣਵ ਬੰਗਰ ਨੇ ਕਾਂਸੀ ਦੇ ਤਮਗੇ ਜਿੱਤੇ। ਵਿਦਿਆਰਥੀਆਂ ਦੀ ਇਸ ਸ਼ਾਨਦਾਰ ਪ੍ਰਾਪਤੀ ’ਤੇ ਸਕੂਲ ਪ੍ਰਬੰਧਨ ਅਤੇ ਪ੍ਰਿੰਸੀਪਲ ਇਸਤਿੰਦਰ ਮਲਹੋਤਰਾ ਨੇ ਸਾਰੇ ਜੇਤੂ ਵਿਦਿਆਰਥੀਆਂ ਨੂੰ ਵਧਾਈ ਦਿੱਤੀ। ਉਨ੍ਹਾਂ ਕਿਹਾ ਕਿ ਇਹ ਸਫਲਤਾ ਵਿਦਿਆਰਥੀਆਂ ਦੀ ਮਿਹਨਤ, ਨਿਰੰਤਰ ਅਭਿਆਸ, ਅਨੁਸ਼ਾਸਨ ਅਤੇ ਆਤਮ-ਵਿਸ਼ਵਾਸ ਦਾ ਨਤੀਜਾ ਹੈ।