ਹਿਮਾਚਲ ਤੋਂ ਪੰਜਾਬ ਵੱਲ ਵਗਿਆ ਕਾਲਾ 'ਜ਼ਹਿਰ'! ਸਾਬਣ ਫੈਕਟਰੀ ਦੇ ਦੂਸ਼ਿਤ ਪਾਣੀ ਨਾਲ ਧਰਤੀ ਹੇਠਲਾ ਪਾਣੀ ਖ਼ਤਰੇ 'ਚ; ਜਥੇਬੰਦੀਆਂ ਵਲੋਂ ਸੰਘਰਸ਼ ਦਾ ਐਲਾਨ

ਪੰਜਾਬ ਪ੍ਰਦੂਸ਼ਣ ਕੰਟਰੋਲ ਬੋਰਡ ਦੇ ਹੁਸ਼ਿਆਰਪੁਰ ਕਾਰਜਕਾਰੀ ਇੰਜੀਨੀਅਰ ਨਿਖਿਲ ਗੁਪਤਾ ਨੇ ਕਿਹਾ ਕਿ ਮਾਮਲਾ ਹਿਮਾਚਲ ਹਾਈ ਕੋਰਟ ਅਤੇ ਐੱਨਜੀਟੀ ਤੱਕ ਪਹੁੰਚ ਚੁੱਕਾ ਹੈ। ਐੱਨਜੀਟੀ ਨੇ ਮਾਮਲਾ ਇਸ ਆਧਾਰ ’ਤੇ ਬੰਦ ਕੀਤਾ ਕਿ ਕੇਸ ਪਹਿਲਾਂ ਹੀ ਹਾਈ ਕੋਰਟ ’ਚ ਵਿਚਾਰ ਅਧੀਨ ਹੈ। ਉਨ੍ਹਾਂ ਕਿਹਾ ਕਿ ਵਿਭਾਗ ਵੱਲੋਂ ਐੱਸਡੀਓ ਨੂੰ ਮੌਕੇ ’ਤੇ ਭੇਜ ਕੇ ਲੋੜੀਂਦੀ ਕਾਰਵਾਈ ਕੀਤੀ ਜਾਵੇਗੀ। ਉਧਰ, ਸਮਾਜਿਕ ਜਥੇਬੰਦੀਆਂ ਦੇ ਆਗੂਆਂ ਦਵਿੰਦਰ ਰਾਣਾ, ਅਸ਼ਵਨੀ ਰਾਣਾ, ਕੁਲਭੂਸ਼ਨ ਕੁਮਾਰ, ਅਮਨਦੀਪ ਚੇਚੀ, ਰਾਮਜੀ ਦਾਸ ਚੌਹਾਨ, ਗਰੀਬ ਦਾਸ ਬੀਟਨ ਤੇ ਮਾਸਟਰ ਪਵਨ ਸ਼ਰਮਾ ਨੇ ਕਿਹਾ ਕਿ ਪੌਣ-ਪਾਣੀ ਤੇ ਬਨਸਪਤੀ ਦੀ ਰੱਖਿਆ ਲਈ ਜਲਦ ਸੰਘਰਸ਼ ਵਿੱਢਿਆ ਜਾਵੇਗਾ।