ਭੈਣ ਨੂੰ ਤੰਗ ਕਰਨ ਦਾ ਵਿਰੋਧ ਪਿਆ ਮਹਿੰਗਾ! ਨਾਬਾਲਗ ਅਨਮੋਲ ਨੂੰ ਅਗਵਾ ਕਰ ਕੇ ਕੀਤਾ ਜ਼ਖ਼ਮੀ, ਹਸਪਤਾਲ ’ਚ ਤੋੜਿਆ ਦਮ

ਪਰਮਿੰਦਰ ਸਿੰਘ ਥਿੰਦ, ਪੰਜਾਬੀ ਜਾਗਰਣ, ਫਿਰੋਜ਼ਪੁਰ : ਕੇਵੀਐਮ ਕਲੋਨੀ ਵਿੱਚ ਇਕ ਮਿਸਤਰੀ ਨਾਲ ਕੰਮ ਕਰ ਰਹੇ ਇੱਛੇਵਾਲਾ ਵਾਸੀ ਅਨਮੋਲ ਨਾਂ ਦੇ ਨਾਬਾਲਗ ਨੂੰ ਹਥਿਆਰਬੰਦ ਬਦਮਾਸ਼ਾਂ ਨੇ ਅਗਵਾ ਕਰਨ ਮਗਰੋਂ ਜ਼ਖ਼ਮੀ ਕਰ ਕੇ ਸੁੱਟ ਦਿੱਤਾ। ਗੰਭੀਰ ਜ਼ਖ਼ਮੀ ਹਾਲਤ ਵਿੱਚ ਉਸ ਨੂੰ ਹਸਪਤਾਲ ਲਿਆਂਦਾ ਗਿਆ ਜਿਥੇ ਇਲਾਜ ਦੌਰਾਨ ਉਸ ਦੀ ਮੌਤ ਹੋ ਗਈ।

ਦੱਸਿਆ ਜਾ ਰਿਹਾ ਹੈ ਕਿ ਕੁਝ ਨੌਜਵਾਨ ਉਸ ਦੀ ਭੈਣ ਨੂੰ ਕਥਿਤ ਤੌਰ ’ਤੇ ਪ੍ਰੇਸ਼ਾਨ ਕਰਦੇ ਸਨ। ਜਦੋਂ ਅਨਮੋਲ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਸ ਨੇ ਇਸ ਦਾ ਵਿਰੋਧ ਕੀਤਾ। ਇਸ ਗੱਲ ਨੂੰ ਲੈ ਕੇ ਉਸ ਦੀ ਉਕਤ ਨੌਜਵਾਨਾਂ ਨਾਲ ਤਕਰਾਰ ਵੀ ਹੋਈ ਸੀ। ਪੁਲਿਸ ਨੇ ਲਾਸ਼ ਨੂੰ ਕਬਜ਼ੇ ਲੈ ਕੇ ਪੋਸਟਮਾਰਟਮ ਲਈ ਭੇਜ ਦਿੱਤੀ ਹੈ। ਡੀਐੱਸਪੀ ਕਰਨ ਸ਼ਰਮਾ ਅਤੇ ਥਾਣਾ ਸਿਟੀ ਮੁਖੀ ਸੁਖਚੈਣ ਮਹਿਤਾ ਨੇ ਦੱਸਿਆ ਕਿ ਮੁੱਖ ਮੁਲਜ਼ਮਾਂ ਦੀ ਪਛਾਣ ਕਰ ਲਈ ਗਈ ਹੈ ਤੇ ਉਨ੍ਹਾਂ ਦੀ ਗ੍ਰਿਫ਼ਤਾਰੀ ਲਈ ਛਾਪੇਮਾਰੀ ਜਾਰੀ ਹੈ।

ਮਿਸਤਰੀ ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਹਮਲਾਵਰਾਂ ਨੇ ਅਨਮੋਲ ਦੀਆਂ ਗਤੀਵਿਧੀਆਂ ’ਤੇ ਨਜ਼ਰ ਰੱਖੀ ਸੀ ਅਤੇ ਮੌਕਾ ਮਿਲਣ ’ਤੇ ਉਸ ਨੂੰ ਅਗਵਾ ਕਰ ਲਿਆ।