ਫਾਸਟ ਫੂਡ ਦੀ ਆਦਤ ਨਾਲ ਵੱਧ ਰਿਹਾ ਫੈਟੀ ਲੀਵਰ ਦਾ ਖ਼ਤਰਾ

ਗੌਰਵ ਗੌੜ ਜੌਲੀ,ਪੰਜਾਬੀ ਜਾਗਰਣ ਜ਼ੀਰਾ : ਬਦਲਦੀ ਜੀਵਨ ਸ਼ੈਲੀ ਅਤੇ ਫਾਸਟ ਫੂਡ ਅਤੇ ਜੰਕ ਫੂਡ ਦੇ ਵੱਧਦੇ ਸੇਵਨ ਕਾਰਨ, ਫੈਟੀ ਲੀਵਰ ਦੀ ਸਮੱਸਿਆ ਤੇਜ਼ੀ ਨਾਲ ਵੱਧ ਰਹੀ ਹੈ। ਹਰ ਰੋਜ਼ 10 ਤੋਂ 15 ਮਰੀਜ਼ ਹਸਪਤਾਲ ਦੇ ਓਪੀਡੀ ਵਿਚ ਇਸ ਸਮੱਸਿਆ ਨਾਲ ਪੇਸ਼ ਆ ਰਹੇ ਹਨ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਜੇਕਰ ਇਸ ਸਥਿਤੀ ਦਾ ਤੁਰੰਤ ਹੱਲ ਨਾ ਕੀਤਾ ਗਿਆ ਤਾਂ ਲੀਵਰ ਦੇ ਡੈਮੇਜ ਦਾ ਖ਼ਤਰਾ ਵੱਧ ਸਕਦਾ ਹੈ। ਡਾਕਟਰਾਂ ਦੇ ਅਨੁਸਾਰ, ਸਰੀਰ ਵਿੱਚ ਚਰਬੀ ਸਟੋਰ ਕਰਨ ਵਾਲੇ ਸੈੱਲ ਹੁੰਦੇ ਹਨ ਜੋ ਚਰਬੀ ਇਕੱਠਾ ਕਰਦੇ ਹਨ। ਜਦੋਂ ਇਨ੍ਹਾਂ ਸੈੱਲਾਂ ਵਿੱਚ ਚਰਬੀ ਦੀ ਮਾਤਰਾ ਵੱਧ ਜਾਂਦੀ ਹੈ, ਤਾਂ ਇਹ ਸਰੀਰ ਦੇ ਦੂਜੇ ਹਿੱਸਿਆਂ ਵਿਚ ਇਕੱਠਾ ਹੋਣਾ ਸ਼ੁਰੂ ਹੋ ਜਾਂਦਾ ਹੈ। ਇਸ ਵਿੱਚੋਂ ਕੁਝ ਲੀਵਰ ਤੱਕ ਵੀ ਪਹੁੰਚਦਾ ਹੈ, ਜਿਸ ਨਾਲ ਇਹ ਸੁੱਜ ਜਾਂਦਾ ਹੈ ਅਤੇ ਸੁੰਗੜ ਜਾਂਦਾ ਹੈ। ਜੇਕਰ ਜਲਦੀ ਪਤਾ ਲੱਗ ਜਾਵੇ, ਤਾਂ ਇਸਦਾ ਇਲਾਜ ਸੰਭਵ ਹੈ, ਪਰ ਜੇਕਰ ਇਸਦਾ ਦੇਰ ਨਾਲ ਪਤਾ ਲੱਗ ਜਾਵੇ, ਤਾਂ ਇਹ ਲੀਵਰ ਸਿਰੋਸਿਸ ਦਾ ਖ਼ਤਰਾ ਵਧਾਉਂਦਾ ਹੈ, ਜੋ ਕਿ ਕਈ ਮਾਮਲਿਆਂ ਵਿੱਚ ਲਾਇਲਾਜ ਹੋ ਸਕਦਾ ਹੈ। ਇਹ ਬਣ ਰਹੇ ਹਨ ਕਾਰਨ ਡਾ. ਸੁਸ਼ੀਲ ਪਾਠਕ ਦੇ ਅਨੁਸਾਰ, ਫਾਸਟ ਫੂਡ ਅਤੇ ਜੰਕ ਫੂਡ ਵਿਚ ਮੌਜ਼ੂਦ ਜ਼ਿਆਦਾ ਕੈਲੋਰੀ, ਟ੍ਰਾਂਸ ਫੈਟ (ਅਨਸੈਚੁਰੇਟਿਡ ਫੈਟ), ਰਿਫਾਇੰਡ ਕਾਰਬੋਹਾਈਡਰੇਟ ਅਤੇ ਐਡਡ ਸ਼ੂਗਰ (ਫਰੂਟੋਜ਼) ਫੈਟੀ ਲੀਵਰ ਦੇ ਮੁੱਖ ਕਾਰਨ ਹਨ। ਪੀਜ਼ਾ, ਬਰਗਰ, ਫ੍ਰੈਂਚ ਫਰਾਈਜ਼ ਅਤੇ ਕੋਲਡ ਡਰਿੰਕਸ ਵਰਗੇ ਭੋਜਨ ਦਾ ਨਿਯਮਤ ਸੇਵਨ ਜਿਗਰ ਨੂੰ ਵਾਧੂ ਪੌਸ਼ਟਿਕ ਤੱਤਾਂ ਨੂੰ ਚਰਬੀ ਦੇ ਰੂਪ ਵਿੱਚ ਸਟੋਰ ਕਰਨ ਲਈ ਮਜ਼ਬੂਰ ਕਰਦਾ ਹੈ, ਜਿਸ ਨਾਲ ਜਿਗਰ ਦੀ ਚਰਬੀ ਵਿੱਚ ਤੇਜ਼ੀ ਨਾਲ ਵਾਧਾ ਹੁੰਦਾ ਹੈ। ਫੈਟੀ ਲੀਵਰ ਦੇ ਮੁੱਖ ਲੱਛਣ ਪੇਟ ਦੇ ਉੱਪਰਲੇ ਹਿੱਸੇ ਵਿਚ ਭਾਰੀਪਨ ਜਾਂ ਦਰਦ। ਲਗਾਤਾਰ ਥਕਾਵਟ ਅਤੇ ਕਮਜ਼ੋਰੀ। ਭੁੱਖ ਨਾ ਲੱਗਣਾ। ਪੇਟ ਫੁੱਲਣਾ ਅਤੇ ਗੈਸ। ਭਾਰ ਵਧਣਾ ਜਾਂ ਮੋਟਾਪਾ। ਮਤਲੀ ਜਾਂ ਉਲਟੀਆਂ। ਗੰਭੀਰ ਮਾਮਲਿਆਂ ਵਿਚ ਅੱਖਾਂ ਅਤੇ ਚਮੜੀ ਦਾ ਪੀਲਾ ਹੋਣਾ। ......................................... ਬਚਾਵ ਲਈ ਇਹ ਕਰੋ ਉਪਾਅ ਕੈਮੀਕਲ ਜੰਕ ਤੇ ਫਾਸਟ ਫੂਡ ਦਾ ਸੇਵਨ ਘਟਾਓ। ਹਰੀਆਂ ਸਬਜ਼ੀਆਂ, ਫਲ ਤੇ ਸਾਬਤ ਅਨਾਜ ਖਾਓ। ਨਿਯਮਤ ਕਸਰਤ ਅਤੇ ਯੋਗਾ ਕਰੋ। ਆਪਣੇ ਭਾਰ ਨੂੰ ਕਾਬੂ ਵਿਚ ਰੱਖੋ। ਘਰ ਦਾ ਖਾਣਾ ਖਾਓ ਤੇ ਬਹੁਤ ਸਾਰਾ ਪਾਣੀ ਪੀਓ। ਕੋਲਡ ਡਰਿੰਕਸ, ਸ਼ਰਾਬ ਅਤੇ ਬਹੁਤ ਜ਼ਿਆਦਾ ਮਿੱਠੇ ਪੀਣ ਵਾਲੇ ਪਦਾਰਥਾਂ ਤੋਂ ਬਚੋ। ਸਮੇਂ ਸਿਰ ਖਾਣਾ ਖਾਓ ਅਤੇ ਦੇਰ ਰਾਤ ਨੂੰ ਖਾਣ ਤੋਂ ਬਚੋ। ......................................... ਮੋਟੇ ਲੋਕਾਂ ਨੂੰ ਫੈਟੀ ਲੀਵਰ ਦਾ ਵੱਧ ਖ਼ਤਰਾ : ਡਾ. ਸੁਸ਼ੀਲ ਪਾਠਕ ਡਾ. ਸੁਸ਼ੀਲ ਪਾਠਕ ਨੇ ਦੱਸਿਆ ਕਿ ਜ਼ਿਆਦਾ ਭਾਰ ਵਾਲੇ ਮੋਟੇ ਅਤੇ ਸ਼ੂਗਰ ਦੇ ਮਰੀਜ਼ਾਂ ਨੂੰ ਫੈਟੀ ਲੀਵਰ ਦਾ ਸਭ ਤੋਂ ਵੱਧ ਖ਼ਤਰਾ ਹੁੰਦਾ ਹੈ। ਅਜਿਹੇ ਮਰੀਜ਼ਾਂ ਨੂੰ ਆਪਣੇ ਲੀਵਰ ਦੀ ਨਿਯਮਿਤ ਤੌਰ ’ਤੇ ਜਾਂਚ ਕਰਵਾਉਣੀ ਚਾਹੀਦੀ ਹੈ।