- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਡਿਊਟੀ 'ਤੇ ਰੀਲ ਬਣਾਈ ਤਾਂ ਨੱਪੇ ਜਾਣਗੇ ਡਰਾਈਵਰ ਤੇ ਮੁਲਾਜ਼ਮ, ਚੰਡੀਗੜ੍ਹ 'ਚ CTU ਦੇ ਸਟਾਫ਼ ਲਈ ਸਖ਼ਤ ਨਿਯਮ ਲਾਗੂ
ਸੀਟੀਯੂ ਅਤੇ ਸੀਸੀਬੀਐੱਸਐੱਸ ਦੀਆਂ ਬੱਸਾਂ, ਬੱਸ ਸਟੈਂਡ, ਡਿਪੂ, ਦਫ਼ਤਰ, ਵਰਕਸ਼ਾਪ ਅਤੇ ਯਾਤਰੀ ਸੁਵਿਧਾਵਾਂ ਦਾ ਨਿੱਜੀ ਜਾਂ ਵਪਾਰਕ ਕੰਟੈਂਟ ਲਈ ਇਸਤੇਮਾਲ ਵੀ ਪ੍ਰਵਾਨਗੀ ਤੋਂ ਬਿਨਾਂ ਨਹੀਂ ਕੀਤਾ ਜਾ ਸਕੇਗਾ। ਹੁਕਮਾਂ ਦੀ ਉਲੰਘਣਾ ਨੂੰ ਗੰਭੀਰਤਾ ਨਾਲ ਲਿਆ ਜਾਵੇਗਾ ਅਤੇ ਕਾਰਵਾਈ ਕੀਤੀ ਜਾ ਸਕਦੀ ਹੈ।
Posted By Seema Anand
Publish Date: Sat, 03 Oct 2026 01:57 PM (IST)
Updated Date: Sat, 03 Oct 2026 02:00 PM (IST)
ਜਾਗਰਣ ਸੰਵਾਦਦਾਤਾ, ਚੰਡੀਗੜ੍ਹ : ਚੰਡੀਗੜ੍ਹ ਟਰਾਂਸਪੋਰਟ ਅੰਡਰਟੇਕਿੰਗ (CTU) ਨੇ ਯਾਤਰੀਆਂ ਦੀ ਸੁਰੱਖਿਆ ਨੂੰ ਧਿਆਨ 'ਚ ਰੱਖਦੇ ਹੋਏ ਸਖ਼ਤ ਨਿਯਮ ਲਾਗੂ ਕੀਤਾ ਹੈ। ਡਰਾਈਵਰ ਤੇ ਕੰਡਕਟਰ ਸਮੇਤ ਸਾਰੇ ਮੁਲਾਜ਼ਮਾਂ 'ਤੇ ਡਿਊਟੀ ਦੌਰਾਨ ਰੀਲ ਬਣਾਉਣ 'ਤੇ ਰੋਕ ਲਗਾ ਦਿੱਤੀ ਹੈ। ਸੀਟੀਯੂ ਤੇ ਸੀਸੀਬੀਐੱਸਐੱਸ ਦੇ ਡਰਾਈਵਰ, ਕੰਡਕਟਰ, ਇੰਸਪੈਕਟਰ ਸਮੇਤ ਰੂਟ ਅਤੇ ਫੀਲਡ ਮੁਲਾਜ਼ਮ ਡਿਊਟੀ 'ਤੇ ਤਾਇਨਾਤ ਰਹਿੰਦੇ ਸਮੇਂ ਨਿੱਜੀ ਮਕਸਦ ਲਈ ਕਿਸੇ ਵੀ ਤਰ੍ਹਾਂ ਦੀ ਵੀਡੀਓ ਜਾਂ ਕੰਟੈਂਟ ਇੰਟਰਨੈੱਟ ਮੀਡੀਆ 'ਤੇ ਪੋਸਟ ਨਹੀਂ ਕਰ ਸਕਣਗੇ।
ਮੰਡਲ ਪ੍ਰਬੰਧਕ ਸੀਟੀਯੂ ਅਤੇ ਨਿਰਦੇਸ਼ਕ ਟਰਾਂਸਪੋਰਟ ਦੇ ਦਫ਼ਤਰ ਨੇ ਇਸ ਸਬੰਧੀ ਹੁਕਮ ਜਾਰੀ ਕਰ ਦਿੱਤੇ ਹਨ। ਬੱਸ ਚਲਾਉਂਦੇ ਸਮੇਂ ਜਾਂ ਬੱਸ 'ਚ ਤਾਇਨਾਤੀ ਦੌਰਾਨ ਰੀਲ ਜਾਂ ਵੀਡੀਓ ਬਣਾਉਣ 'ਤੇ ਵਿਸ਼ੇਸ਼ ਤੌਰ 'ਤੇ ਪਾਬੰਦੀ ਲਗਾਈ ਗਈ ਹੈ।
ਵਰਦੀ 'ਚ ਵੀ ਨਿੱਜੀ ਕੰਟੈਂਟ ਬਣਾਉਣ 'ਤੇ ਰੋਕ ਹੈ, ਜਿਸ ਦਾ ਅਧਿਕਾਰਤ ਡਿਊਟੀ ਨਾਲ ਸਬੰਧ ਨਹੀਂ ਹੈ। ਇਸ ਤੋਂ ਇਲਾਵਾ, ਸੀਟੀਯੂ ਅਤੇ ਸੀਸੀਬੀਐੱਸਐੱਸ ਦੀਆਂ ਬੱਸਾਂ, ਬੱਸ ਸਟੈਂਡ, ਡਿਪੂ, ਦਫ਼ਤਰ, ਵਰਕਸ਼ਾਪ ਅਤੇ ਯਾਤਰੀ ਸੁਵਿਧਾਵਾਂ ਦਾ ਨਿੱਜੀ ਜਾਂ ਵਪਾਰਕ ਕੰਟੈਂਟ ਲਈ ਇਸਤੇਮਾਲ ਵੀ ਪ੍ਰਵਾਨਗੀ ਤੋਂ ਬਿਨਾਂ ਨਹੀਂ ਕੀਤਾ ਜਾ ਸਕੇਗਾ। ਹੁਕਮਾਂ ਦੀ ਉਲੰਘਣਾ ਨੂੰ ਗੰਭੀਰਤਾ ਨਾਲ ਲਿਆ ਜਾਵੇਗਾ ਅਤੇ ਕਾਰਵਾਈ ਕੀਤੀ ਜਾ ਸਕਦੀ ਹੈ।