- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਨਿਊ ਚੰਡੀਗੜ੍ਹ 'ਚ ਸੇਵਾਮੁਕਤ ਲੈਫਟੀਨੈਂਟ ਕਰਨਲ ਨਾਲ 70.19 ਲੱਖ ਦੀ ਠੱਗੀ, ਸਾਈਬਰ ਠੱਗਾਂ ਨੇ ਫਰਜ਼ੀ ਸ਼ੇਅਰ ਨਿਵੇਸ਼ ਦੇ ਜਾਲ 'ਚ ਫਸਾਇਆ
ਸਾਈਬਰ ਕ੍ਰਾਈਮ ਪੁਲਿਸ ਸਟੇਸ਼ਨ 'ਚ ਦਰਜ ਜ਼ੀਰੋ ਐੱਫਆਈਆਰ ਮੁਤਾਬਕ, ਫੇਸਬੁੱਕ 'ਤੇ ਥੋੜ੍ਹੇ ਸਮੇਂ ਦੇ ਨਿਵੇਸ਼ ਤੋਂ ਮੁਨਾਫ਼ਾ ਕਮਾਉਣ ਦਾ ਇਸ਼ਤਿਹਾਰ ਦੇਖ ਕੇ ਓਮ ਪ੍ਰਕਾਸ਼ ਵ੍ਹਟਸਐਪ ਲਿੰਕ ਰਾਹੀਂ ਕਰੀਬ 150 ਮੈਂਬਰਾਂ ਵਾਲੇ ਗਰੁੱਪ ਨਾਲ ਜੁੜ ਗਏ। ਗਰੁੱਪ ਦੇ ਮੈਂਬਰਾਂ ਦੇ ਕਹਿਣ 'ਤੇ ਉਨ੍ਹਾਂ ਨੇ (IISI NOXUS) ਐਪ ਡਾਊਨਲੋਡ ਕੀਤੀ।
Posted By Seema Anand
Publish Date: Sat, 07 Nov 2026 03:27 PM (IST)
Updated Date: Sat, 07 Nov 2026 03:29 PM (IST)
ਜਾਗਰਣ ਸੰਵਾਦਦਾਤਾ, ਮੋਹਾਲੀ : ਸ਼ੇਅਰ ਬਾਜ਼ਾਰ 'ਚ ਘੱਟ ਸਮੇਂ 'ਚ ਮੋਟਾ ਮੁਨਾਫ਼ਾ ਦਿਵਾਉਣ ਦਾ ਝਾਂਸਾ ਦੇ ਕੇ ਸਾਈਬਰ ਠੱਗਾਂ ਨੇ ਨਿਊ ਚੰਡੀਗੜ੍ਹ ਦੇ ਰਹਿਣ ਵਾਲੇ ਭਾਰਤੀ ਫ਼ੌਜ ਦੇ ਸੇਵਾਮੁਕਤ ਲੈਫਟੀਨੈਂਟ ਕਰਨਲ ਨਾਲ 70,19,608 ਰੁਪਏ ਦੀ ਠੱਗੀ ਕਰ ਲਈ। ਮੁਲਜ਼ਮਾਂ ਨੇ ਫੇਸਬੁੱਕ 'ਤੇ ਨਿਵੇਸ਼ ਦਾ ਇਸ਼ਤਿਹਾਰ ਦਿਖਾ ਕੇ ਉਨ੍ਹਾਂ ਨੂੰ ਵ੍ਹਟਸਐਪ ਗਰੁੱਪ ਨਾਲ ਜੋੜਿਆ ਅਤੇ ਫਰਜ਼ੀ ਟ੍ਰੇਡਿੰਗ ਐਪ ਡਾਊਨਲੋਡ ਕਰਵਾ ਕੇ ਵੱਖ-ਵੱਖ ਬੈਂਕ ਖਾਤਿਆਂ 'ਚ ਰਕਮ ਜਮ੍ਹਾਂ ਕਰਵਾਈ। 68 ਸਾਲਾ ਓਮ ਪ੍ਰਕਾਸ਼ ਦੀ ਸ਼ਿਕਾਇਤ 'ਤੇ ਅਣਪਛਾਤੇ ਮੁਲਜ਼ਮਾਂ ਖ਼ਿਲਾਫ਼ ਮਾਮਲਾ ਦਰਜ ਕੀਤਾ ਗਿਆ ਹੈ।
ਸਾਈਬਰ ਕ੍ਰਾਈਮ ਪੁਲਿਸ ਸਟੇਸ਼ਨ 'ਚ ਦਰਜ ਜ਼ੀਰੋ ਐੱਫਆਈਆਰ ਮੁਤਾਬਕ, ਫੇਸਬੁੱਕ 'ਤੇ ਥੋੜ੍ਹੇ ਸਮੇਂ ਦੇ ਨਿਵੇਸ਼ ਤੋਂ ਮੁਨਾਫ਼ਾ ਕਮਾਉਣ ਦਾ ਇਸ਼ਤਿਹਾਰ ਦੇਖ ਕੇ ਓਮ ਪ੍ਰਕਾਸ਼ ਵ੍ਹਟਸਐਪ ਲਿੰਕ ਰਾਹੀਂ ਕਰੀਬ 150 ਮੈਂਬਰਾਂ ਵਾਲੇ ਗਰੁੱਪ ਨਾਲ ਜੁੜ ਗਏ। ਗਰੁੱਪ ਦੇ ਮੈਂਬਰਾਂ ਦੇ ਕਹਿਣ 'ਤੇ ਉਨ੍ਹਾਂ ਨੇ (IISI NOXUS) ਐਪ ਡਾਊਨਲੋਡ ਕੀਤੀ।
ਮੁਲਜ਼ਮਾਂ ਨੇ ਡੀਐੱਮਏ ਖਾਤਾ ਖੋਲ੍ਹਣ ਦੇ ਨਾਂ 'ਤੇ ਉਨ੍ਹਾਂ ਤੋਂ ਪੈਨ ਕਾਰਡ ਅਤੇ ਆਧਾਰ ਕਾਰਡ ਦੀ ਜਾਣਕਾਰੀ ਲਈ। 2 ਸਤੰਬਰ ਤੋਂ 21 ਅਕਤੂਬਰ 2026 ਦੇ ਵਿਚਕਾਰ ਓਮ ਪ੍ਰਕਾਸ਼ ਨੇ ਵੱਖ-ਵੱਖ ਤਰੀਕਾਂ 'ਤੇ ਕਈ ਬੈਂਕ ਖਾਤਿਆਂ 'ਚ ਕੁੱਲ 44 ਲੱਖ ਰੁਪਏ ਜਮ੍ਹਾਂ ਕਰਵਾਏ ਅਤੇ ਸ਼ੇਅਰ ਖਰੀਦੇ।
ਐਪ 'ਤੇ ਉਨ੍ਹਾਂ ਦੇ ਖਾਤੇ 'ਚ 2,61,96,000 ਰੁਪਏ ਦਾ ਮੁਨਾਫ਼ਾ ਦਿਖਾਇਆ ਗਿਆ। ਰਕਮ ਕਢਵਾਉਣ ਲਈ 10 ਫ਼ੀਸਦੀ ਬ੍ਰੋਕਰ ਫੀਸ ਦੇ ਨਾਂ 'ਤੇ ਉਨ੍ਹਾਂ ਤੋਂ 26,19,608 ਰੁਪਏ ਹੋਰ ਜਮ੍ਹਾਂ ਕਰਵਾਏ ਗਏ। ਬਾਅਦ 'ਚ 13 ਲੱਖ ਰੁਪਏ ਦੀ ਵਾਧੂ ਮੰਗ ਕੀਤੀ ਗਈ, ਜਿਸ ਨੂੰ ਦੇਣ ਤੋਂ ਉਨ੍ਹਾਂ ਨੇ ਇਨਕਾਰ ਕਰ ਦਿੱਤਾ।
ਪੀੜਤ ਮੁਤਾਬਕ, ਗਰੁੱਪ 'ਚ ਖ਼ੁਦ ਨੂੰ ਹੈੱਡ ਲਵ ਚਤੁਰਵੇਦੀ ਅਤੇ ਅਦਿਤੀ ਬਾਵਦ ਦੱਸਣ ਵਾਲੇ ਲੋਕਾਂ ਨੇ ਉਨ੍ਹਾਂ ਨੂੰ ਨਿਵੇਸ਼ ਦੇ ਜਾਲ 'ਚ ਫਸਾਇਆ। ਉਨ੍ਹਾਂ ਨੇ ਮੁਲਜ਼ਮਾਂ ਦੀ ਪਛਾਣ ਕਰਨ, ਕਾਨੂੰਨੀ ਕਾਰਵਾਈ ਕਰਨ ਅਤੇ ਠੱਗੀ ਦੀ ਰਕਮ ਵਾਪਸ ਦਿਵਾਉਣ ਦੀ ਮੰਗ ਕੀਤੀ ਹੈ।