ਚੰਡੀਗੜ੍ਹ ਪੁਲਿਸ ਮਹਿਕਮੇ 'ਚ ਵੱਡਾ ਫੇਰਬਦਲ, 13 ਅਫ਼ਸਰਾਂ ਦਾ ਤਬਾਦਲਾ; ਹੁਕਮ ਤੁਰੰਤ ਪ੍ਰਭਾਵ ਨਾਲ ਲਾਗੂ

ਜਾਗਰਣ ਸੰਵਾਦਦਾਤਾ, ਚੰਡੀਗੜ੍ਹ : ਚੰਡੀਗੜ੍ਹ ਪੁਲਿਸ ਮਹਿਕਮੇ ਵਿਚ ਸੋਮਵਾਰ ਨੂੰ ਵੱਡਾ ਫੇਰਬਦਲ ਕਰਦਿਆਂ 13 ਪੁਲਿਸ ਅਧਿਕਾਰੀਆਂ ਦੇ ਤੁਰੰਤ ਪ੍ਰਭਾਵ ਨਾਲ ਤਬਾਦਲੇ ਕੀਤੇ ਗਏ ਹਨ। ਇਸ ਸਬੰਧੀ ਸੀਨੀਅਰ ਪੁਲਿਸ ਅਧਿਕਾਰੀ (ਐੱਸਐੱਸਪੀ) ਦਫ਼ਤਰ ਵੱਲੋਂ 7 ਸਤੰਬਰ ਨੂੰ ਹੁਕਮ ਜਾਰੀ ਕੀਤਾ ਗਿਆ ਹੈ। ਹੁਕਮ ਵਿਚ ਸਾਰੇ ਤਬਾਦਲੇ ਤੁਰੰਤ ਪ੍ਰਭਾਵ ਨਾਲ ਲਾਗੂ ਕੀਤੇ ਗਏ ਹਨ।

ਸਾਰੇ ਅਧਿਕਾਰੀਆਂ ਨੂੰ ਨਵੀਂ ਜ਼ਿੰਮੇਵਾਰੀ ਸੰਭਾਲਣ ਦੇ ਨਿਰਦੇਸ਼ ਦਿੱਤੇ ਗਏ ਹਨ ਅਤੇ ਪਾਲਣਾ ਰਿਪੋਰਟ 24 ਘੰਟਿਆਂ ਦੇ ਅੰਦਰ ਐੱਸਐੱਸਪੀ ਦਫ਼ਤਰ ਵਿਚ ਭੇਜਣ ਲਈ ਕਿਹਾ ਗਿਆ ਹੈ। ਇੰਸਪੈਕਟਰ/ਐੱਲਆਰ ਰਵਦੀਪ ਸਿੰਘ ਨੂੰ ਪੁਲਿਸ ਪੋਸਟ-43 ਦੇ ਇੰਚਾਰਜ ਅਹੁਦੇ ਤੋਂ ਹਟਾ ਕੇ ਥਾਣਾ-39 ਵਿਚ ਅਸਿਸਟੈਂਟ ਐੱਸਐੱਚਓ ਲਗਾਇਆ ਗਿਆ ਹੈ।

ਇੰਸਪੈਕਟਰ/ਐੱਲਆਰ ਚੰਦਰ ਮੁਖੀ ਨੂੰ ਪੁਲਿਸ ਪੋਸਟ ਆਈਐੱਸਬੀਟੀ-17 ਤੋਂ ਥਾਣਾ-17 ਵਿਚ ਅਸਿਸਟੈਂਟ ਐੱਸਐੱਚਓ ਅਤੇ ਇੰਸਪੈਕਟਰ/ਐੱਲਆਰ ਨੀਰਜ ਕੁਮਾਰ ਨੂੰ ਪੁਲਿਸ ਪੋਸਟ-24 ਤੋਂ ਥਾਣਾ-34 ਵਿਚ ਅਸਿਸਟੈਂਟ ਐੱਸਐੱਚਓ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ। ਇੰਸਪੈਕਟਰ/ਐੱਲਆਰ ਪ੍ਰੇਮ ਸਿੰਘ ਨੂੰ ਪੁਲਿਸ ਪੋਸਟ ਪਲਸੌਰਾ ਤੋਂ ਪੁਲਿਸ ਲਾਈਨਜ਼ ਭੇਜਿਆ ਗਿਆ ਹੈ।

ਸਬ-ਇੰਸਪੈਕਟਰ ਨਵੀਨ ਨੂੰ ਡੀਸੀਸੀ ਤੋਂ ਪੁਲਿਸ ਪੋਸਟ-61 ਦਾ ਇੰਚਾਰਜ ਬਣਾਇਆ ਗਿਆ ਹੈ। ਐੱਸਆਈ ਸੁਨੀਲ ਕੁਮਾਰ ਨੂੰ ਪੁਲਿਸ ਪੋਸਟ ਲੇਕ ਤੋਂ ਪੁਲਿਸ ਪੋਸਟ-22 ਅਤੇ ਐੱਸਆਈ ਮੋਹਨ ਕਸ਼ਯਪ ਨੂੰ ਈਓਪੀਐੱਸ ਤੋਂ ਪੁਲਿਸ ਪੋਸਟ ਨੀਲਮ ਦਾ ਇੰਚਾਰਜ ਲਗਾਇਆ ਗਿਆ ਹੈ। ਐੱਸਆਈ ਸੰਜੇ ਦੱਤ ਨੂੰ ਥਾਣਾ-49 ਤੋਂ ਪੁਲਿਸ ਪੋਸਟ ਪੀਯੂ ਕੈਂਪਸ ਦੀ ਜ਼ਿੰਮੇਵਾਰੀ ਦਿੱਤੀ ਗਈ ਹੈ।

ਐੱਲ/ਐੱਸਆਈ ਬਬਿਤਾ ਬਾਈ ਨੂੰ ਥਾਣਾ ਇੰਡਸਟਰੀਅਲ ਏਰੀਆ ਤੋਂ ਪੁਲਿਸ ਪੋਸਟ ਬੀਡੀਸੀ ਭੇਜਿਆ ਗਿਆ ਹੈ। ਐੱਸਆਈ ਰਾਹੁਲ ਭਾਰਦਵਾਜ ਦਾ ਥਾਣਾ ਸਾਈਬਰ ਕ੍ਰਾਈਮ ਤੋਂ ਤਬਾਦਲਾ ਕਰਕੇ ਪੁਲਿਸ ਪੋਸਟ-43 ਦਾ ਇੰਚਾਰਜ ਬਣਾਇਆ ਗਿਆ ਹੈ।

ਇਸ ਤੋਂ ਇਲਾਵਾ ਐੱਸਆਈ ਕੁਲਦੀਪ ਸਿੰਘ ਨੂੰ ਪੁਲਿਸ ਪੋਸਟ ਪੀਯੂ ਕੈਂਪਸ ਤੋਂ ਪੁਲਿਸ ਪੋਸਟ-24, ਐੱਸਆਈ ਬਲਜੀਤ ਸਿੰਘ ਨੂੰ ਥਾਣਾ ਇੰਡਸਟਰੀਅਲ ਏਰੀਆ ਤੋਂ ਪੁਲਿਸ ਪੋਸਟ ਲੇਕ ਅਤੇ ਐੱਸਆਈ ਕੁਲਦੀਪ ਸਿੰਘ ਨੂੰ ਥਾਣਾ-39 ਤੋਂ ਪੁਲਿਸ ਪੋਸਟ ਪਲਸੌਰਾ ਦਾ ਇੰਚਾਰਜ ਨਿਯੁਕਤ ਕੀਤਾ ਗਿਆ ਹੈ।