ਰੁਕ-ਰੁਕ ਕੇ ਪੈ ਰਹੇ ਮੀਂਹ ਨੇ ਬਦਲਿਆ ਮੌਸਮ, ਹੁੰਮਸ ਤੋਂ ਮਿਲੀ ਵੱਡੀ ਰਾਹਤ; ਬਰਸਾਤ ਦੇ ਬਾਵਜੂਦ ਮੌਨਸੂਨ ਅਜੇ ਵੀ ਆਮ ਨਾਲੋਂ 18.9% ਘੱਟ

ਜਾਗਰਣ ਸੰਵਾਦਦਾਤਾ, ਚੰਡੀਗੜ੍ਹ: ਜੁਲਾਈ ’ਚ ਮੀਂਹ ਦੀ ਕਮੀ ਕਾਰਨ ਗਰਮੀ ਅਤੇ ਹੁੰਮਸ ਨਾਲ ਪਰੇਸ਼ਾਨ ਸ਼ਹਿਰਵਾਸੀਆਂ ਨੂੰ ਅਗਸਤ ਦੇ ਪਹਿਲੇ ਹਫ਼ਤੇ ਵਿਚ ਰਾਹਤ ਮਿਲਣੀ ਸ਼ੁਰੂ ਹੋ ਗਈ ਹੈ। ਪਿਛਲੇ ਇਕ ਹਫਤੇ ਤੋਂ ਰੁਕ-ਰੁਕ ਕੇ ਹੋ ਰਹੀ ਬਰਸਾਤ ਨੇ ਮੌਸਮ ਨੂੰ ਸੁਹਾਵਣਾ ਬਣਾ ਦਿੱਤਾ ਹੈ। ਹਾਲਾਂਕਿ, ਤੇਜ਼ ਬਰਸਾਤ ਕਾਰਨ ਸ਼ਹਿਰ ਦੇ ਕਈ ਖੇਤਰ ਵਿਚ ਪਾਣੀ ਭਰਨ ਦੀ ਸਥਿਤੀ ਵੀ ਬਣੀ, ਜਿਸ ਨਾਲ ਲੋਕਾਂ ਨੂੰ ਆਵਾਜਾਈ ਵਿਚ ਮੁਸ਼ਕਿਲਾਂ ਦਾ ਸਾਹਮਣਾ ਕਰਨਾ ਪਿਆ। ਮੌਸਮ ਵਿਭਾਗ ਨੇ ਸ਼ੁੱਕਰਵਾਰ ਲਈ ਵੀ ਬਰਸਾਤ ਦਾ ਯੈਲੋ ਅਲਰਟ ਜਾਰੀ ਕੀਤਾ ਹੈ।

ਵੀਰਵਾਰ ਦੁਪਹਿਰ ਅਚਾਨਕ ਆਸਮਾਨ ਵਿਚ ਕਾਲੇ ਬਾਦਲ ਛਾਅ ਗਏ ਅਤੇ ਕੁਝ ਹੀ ਸਮੇਂ ਵਿਚ ਤੇਜ਼ ਮੀਂਹ ਸ਼ੁਰੂ ਹੋ ਗਿਆ। ਮੀਂਹ ਕਾਰਨ ਸੜਕਾਂ ਪਾਣੀ ਨਾਲ ਭਰ ਗਈਆਂ। ਕਈ ਜਗ੍ਹਾਂ ਦੁਪੱਹੀਆ ਵਾਹਨ ਚਾਲਕਾਂ ਅਤੇ ਪੈਦਲ ਰਾਹਗੀਰਾਂ ਨੂੰ ਸਭ ਤੋਂ ਜ਼ਿਆਦਾ ਦਿੱਕਤ ਹੋਈ। ਬਰਸਾਤ ਤੋਂ ਬਚਣ ਲਈ ਲੋਕ ਬੱਸ ਸਟਾਪ, ਦੁਕਾਨਾਂ ਅਤੇ ਛੱਤਾਂ ਹੇਠਾਂ ਖੜ੍ਹੇ ਹੋ ਕੇ ਮੌਸਮ ਸਾਫ਼ ਹੋਣ ਦਾ ਇੰਤਜ਼ਾਰ ਕਰਦੇ ਨਜ਼ਰ ਆਏ। ਪ੍ਰਮੁੱਖ ਸੜਕਾਂ 'ਤੇ ਕੁਝ ਸਮੇਂ ਲਈ ਯਾਤਰਾ ਵੀ ਧੀਮੀ ਰਹੀ।

ਮੌਨਸੂਨ ਹੁਣ ਵੀ ਸਧਾਰਨ ਤੋਂ ਪਿੱਛੇ

ਮੌਸਮ ਵਿਭਾਗ ਮੁਤਾਬਕ ਸ਼ੁੱਕਰਵਾਰ ਨੂੰ ਸ਼ਹਿਰ ਵਿਚ 10.7 ਮਿਲੀਮੀਟਰ ਬਰਸਾਤ ਰਿਕਾਰਡ ਕੀਤੀ ਗਈ। ਇਸ ਮੌਨਸੂਨ ਸੀਜ਼ਨ ਵਿਚ ਹੁਣ ਤੱਕ ਕੁੱਲ 410.4 ਮਿਲੀਮੀਟਰ ਬਰਸਾਤ ਹੋ ਚੁਕੀ ਹੈ, ਜੋ ਸਧਾਰਨ ਤੋਂ 18.9 ਪ੍ਰਤੀਸ਼ਤ ਘੱਟ ਹੈ। ਹਾਲਾਂਕਿ, ਲਗਾਤਾਰ ਹੋ ਰਹੀ ਬਰਸਾਤ ਕਾਰਨ ਤਾਪਮਾਨ ਵਿਚ ਗਿਰਾਵਟ ਦਰਜ ਕੀਤੀ ਗਈ ਹੈ। ਸ਼ੁੱਕਰਵਾਰ ਨੂੰ ਵੱਧ ਤੋਂ ਵੱਧ ਤਾਪਮਾਨ 31.4 ਡਿਗਰੀ ਸੈਲਸੀਅਸ ਰਿਹਾ, ਜੋ ਆਮ ਨਾਲੋਂ ਤੋਂ ਦੋ ਡਿਗਰੀ ਘੱਟ ਸੀ, ਜਦਕਿ ਘੱਟੋ ਘੱਟ ਤਾਪਮਾਨ 25 ਡਿਗਰੀ ਸੈਲਸੀਅਸ ਦਰਜ ਕੀਤਾ ਗਿਆ।