ਕੈਦੀ ਦਾ ਸੁਧਾਰ ਤੇ ਮੁੜ-ਵਸੇਬਾ ਅਪਰਾਧ ਵਿਗਿਆਨ ਦਾ ਅਹਿਮ ਹਿੱਸਾ, ਕੇਵਲ ‘ਸ਼ੰਕੇ’ ਦੇ ਅਧਾਰ 'ਤੇ ਪੈਰੋਲ ਤੋਂ ਇਨਕਾਰ ਗ਼ਲਤ : ਹਾਈ ਕੋਰਟ

ਖੰਡਪੀਠ ਨੇ ਇਹ ਵੀ ਨੋਟ ਕੀਤਾ ਕਿ ਪਿੰਡ ਦੇ ਸਰਪੰਚ ਨੇ ਸਰਟੀਫਿਕੇਟ ਜਾਰੀ ਕਰਕੇ ਦੱਸਿਆ ਹੈ ਕਿ ਪਟੀਸ਼ਨਕਰਤਾ ਦਾ ਪਿੰਡ 'ਚ ਪੱਕਾ ਰਿਹਾਇਸ਼ੀ ਮਕਾਨ ਅਤੇ ਜਾਇਦਾਦ ਹੈ। ਉਸ ਦੇ ਘਰ ਨੂੰ ਅੱਗ ਲੱਗਣ ਦੀ ਘਟਨਾ ਕਾਰਨ ਕਈ ਮਹੱਤਵਪੂਰਨ ਦਸਤਾਵੇਜ਼ ਸੜ ਕੇ ਸੁਆਹ ਹੋ ਗਏ ਸਨ, ਜਿਨ੍ਹਾਂ ਨੂੰ ਦੁਬਾਰਾ ਬਣਾਉਣ ਲਈ ਉਸ ਦੀ ਹਾਜ਼ਰੀ ਜ਼ਰੂਰੀ ਹੈ। ਅਦਾਲਤ ਨੇ ਮੰਨਿਆ ਕਿ ਉਸ ਦੇ ਸਮਾਜ ਨਾਲ ਡੂੰਘੇ ਸਬੰਧ ਹਨ ਅਤੇ ਪੈਰੋਲ ਮੰਗਣ ਦੇ ਪਿੱਛੇ ਅਸਲ ਕਾਰਨ ਮੌਜੂਦ ਹਨ। ਅਦਾਲਤ ਨੇ ਕਿਹਾ ਕਿ ਪੈਰੋਲ 'ਤੇ ਵਿਚਾਰ ਕਰਦੇ ਸਮੇਂ ਇੱਕ ਪਾਸੇ ਸਮਾਜ ਦੇ ਹਿੱਤ ਅਤੇ ਦੂਜੇ ਪਾਸੇ ਕੈਦੀ ਦੇ ਸੁਧਾਰ ਤੇ ਮੁੜ ਵਸੇਬੇ ਦੇ ਉਦੇਸ਼ ਵਿਚਕਾਰ ਸੰਤੁਲਨ ਬਣਾਉਣਾ ਜ਼ਰੂਰੀ ਹੁੰਦਾ ਹੈ। ਅਪਰਾਧ ਵਿਗਿਆਨ ਦਾ ਮਹੱਤਵਪੂਰਨ ਉਦੇਸ਼ ਦੋਸ਼ੀ ਵਿਅਕਤੀ ਦਾ ਸੁਧਾਰ ਹੈ ਅਤੇ ਇਸ ਪਹਿਲੂ ਨੂੰ ਨਜ਼ਰਅੰਦਾਜ਼ ਨਹੀਂ ਕੀਤਾ ਜਾ ਸਕਦਾ।