ਹਾਈ ਕੋਰਟ ਦਾ ਵੱਡਾ ਫੈਸਲਾ: ਟ੍ਰੇਨ 'ਚ ਬੰਬ ਧਮਾਕਾ ਵੀ ‘ਰੇਲ ਹਾਦਸਾ’, ਪੀੜਤਾਂ ਨੂੰ ਮੁਆਵਜ਼ਾ ਦੇਣਾ ਰੇਲਵੇ ਦੀ ਜ਼ਿੰਮੇਵਾਰੀ

ਇਹ ਮਾਮਲਾ 2 ਦਸੰਬਰ, 1997 ਨੂੰ ਦਿੱਲੀ-ਮਥਰਾ ਰੇਲ ਡਵੀਜ਼ਨ ’ਤੇ ਹੋਏ ਬੰਬ ਧਮਾਕੇ ਨਾਲ ਜੁੜਿਆ ਹੈ। ਇਸ ਮਾਮਲੇ ਵਿਚ ਫਰੀਦਾਬਾਦ ਦੇ ਰੇਲਵੇ ਮੁਸਾਫ਼ਰ ਦੀ ਮੌਤ ਹੋ ਗਈ ਸੀ। ਮਰਹੂਮ ਦੇ ਪਰਿਵਾਰ ਨੇ ਰੇਲਵੇ ਕਲੇਮ ਟ੍ਰਿਬਿਊਨਲ ਦੇ ਸਾਹਮਣੇ ਮੁਆਵਜ਼ੇ ਦਾ ਦਾਅਵਾ ਦਾਇਰ ਕੀਤਾ ਸੀ। ਟ੍ਰਿਬਿਊਨਲ ਨੇ ਪਰਿਵਾਰ ਦੇ ਹੱਕ ਵਿਚ ਫ਼ੈਸਲਾ ਸੁਣਾਉਂਦੇ ਹੋਏ ਮੁਆਵਜ਼ੀ ਦੇਣ ਦਾ ਹੁਕਮ ਦਿੱਤਾ, ਜਿਸ ਨੂੰ ਰੇਲਵੇ ਪ੍ਰਸ਼ਾਸਨ ਨੇ ਪੰਜਾਬ ਤੇ ਹਰਿਆਣਾ ਹਾਈ ਕੋਰਟ ਵਿਚ ਚੁਣੌਤੀ ਦਿੱਤੀ। ਅਪੀਲ ਵਿਚ ਰੇਲਵੇ ਦਾ ਤਰਕ ਸੀ ਕਿ ਬੰਬ ਧਮਾਕਾ ਕਿਸੇ ਅਣਜਾਣ ਅਨਸਰ ਵੱਲੋਂ ਕੀਤਾ ਅਪਰਾਧਕ ਕਾਰਾ ਸੀ, ਇਸ ਲਈ ਰੇਲਵੇ ਨੂੰ ਜ਼ਿੰਮੇਵਾਰ ਨਹੀਂ ਠਹਿਰਾਇਆ ਜਾ ਸਕਦਾ। ਰੇਲਵੇ ਨੇ ਇਹ ਵੀ ਕਿਹਾ ਕਿ ਅਜਿਹੀ ਘਟਨਾ ਵਿਚ ਇਸ ਦੀ ਕੋਈ ਸਿੱਧੀ ਲਾਪਰਵਾਹੀ ਜਾਂ ਗ਼ਲਤੀ ਨਹੀਂ ਸੀ।