ਪੰਜ ਸਾਲਾਂ ’ਚ ਨਾਜਾਇਜ਼ ਮਾਈਨਿੰਗ ਦੇ 1845 ਕੇਸ ਦਰਜ, 3988 ਵਾਹਨ ਤੇ ਮਸ਼ੀਨਾਂ ਜ਼ਬਤ; 27.33 ਕਰੋੜ ਵਸੂਲੇ

ਸਟੇਟ ਬਿਊਰੋ, ਜਾਗਰਣ, ਚੰਡੀਗੜ੍ਹ : ਪੰਜਾਬ ਵਿੱਚ ਪਿਛਲੇ ਪੰਜ ਸਾਲਾਂ ਦੌਰਾਨ ਨਾਜਾਇਜ਼ ਮਾਈਨਿੰਗ ਦੇ 1845 ਕੇਸ ਦਰਜ ਕਰਕੇ 3988 ਵਾਹਨ ਤੇ ਮਸ਼ੀਨਾਂ ਜ਼ਬਤ ਕੀਤੀਆਂ ਗਈਆਂ ਹਨ। ਇਸ ਦੌਰਾਨ 28.70 ਕਰੋੜ ਰੁਪਏ ਦੇ ਜੁਰਮਾਨੇ ਲਾਏ ਗਏ, ਜਿਨ੍ਹਾਂ ਵਿੱਚੋਂ 27.33 ਕਰੋੜ ਵਸੂਲੇ ਗਏ। ਇਹ ਜਾਣਕਾਰੀ ਖਣਨ ਤੇ ਭੂ-ਵਿਗਿਆਨ ਮੰਤਰੀ ਬਰਿੰਦਰ ਕੁਮਾਰ ਗੋਇਲ ਨੇ ਸ਼ੁੱਕਰਵਾਰ ਨੂੰ ਪੰਜਾਬ ਭਵਨ ਵਿੱਚ ਦਿੱਤੀ।

ਗੋਇਲ ਮੁਤਾਬਕ 2022 ਵਿੱਚ 735, 2023 ਵਿੱਚ 458, 2024 ਵਿੱਚ 294, 2025 ਵਿੱਚ 111 ਅਤੇ 2026 ਵਿੱਚ ਹੁਣ ਤੱਕ 247 ਐੱਫਆਈਆਰ ਦਰਜ ਹੋਈਆਂ। ਇਸ ਸਾਲ 668 ਵਾਹਨ ਤੇ ਮਸ਼ੀਨਾਂ ਜ਼ਬਤ ਕੀਤੀਆਂ ਗਈਆਂ ਅਤੇ 8.67 ਕਰੋੜ ਦੇ ਜੁਰਮਾਨਿਆਂ ਵਿੱਚੋਂ 8.02 ਕਰੋੜ ਵਸੂਲੇ ਗਏ। ਜੁਲਾਈ ਤੋਂ ਅਕਤੂਬਰ 2026 ਦੌਰਾਨ 170 ਐੱਫਆਈਆਰ ਅਤੇ 476 ਚਲਾਨ ਕੀਤੇ ਗਏ। ਇਸ ਸਮੇਂ ਦੌਰਾਨ 6.61 ਕਰੋੜ ਦੇ ਜੁਰਮਾਨੇ ਲਾ ਕੇ 6.17 ਕਰੋੜ ਵਸੂਲੇ ਗਏ।

ਹਾਲੀਆ ਕਾਰਵਾਈ ਵਿੱਚ ਸ੍ਰੀ ਚਮਕੌਰ ਸਾਹਿਬ ਤੋਂ ਪੰਜ ਵਿਅਕਤੀਆਂ ਨੂੰ ਗ੍ਰਿਫ਼ਤਾਰ ਕਰਕੇ ਤਿੰਨ ਐਕਸਕੇਵੇਟਰ ਤੇ ਦੋ ਟਿੱਪਰ ਜ਼ਬਤ ਕੀਤੇ ਗਏ। ਕਪੂਰਥਲਾ ਦੇ ਖਿਜ਼ਰਪੁਰ ਵਿੱਚ ਛੇ ਟਿੱਪਰ, ਇਕ ਪੋਕਲੇਨ ਮਸ਼ੀਨ ਤੇ ਟਰੈਕਟਰ ਜ਼ਬਤ ਕੀਤਾ ਗਿਆ ਅਤੇ ਇਕ ਵਿਅਕਤੀ ਗ੍ਰਿਫ਼ਤਾਰ ਹੋਇਆ। ਲੁਧਿਆਣਾ, ਅੰਮ੍ਰਿਤਸਰ, ਸ੍ਰੀ ਅਨੰਦਪੁਰ ਸਾਹਿਬ ਅਤੇ ਪਠਾਨਕੋਟ ਵਿੱਚ ਵੀ ਛਾਪੇਮਾਰੀ ਕਰਕੇ ਵਾਹਨ ਤੇ ਮਸ਼ੀਨਾਂ ਜ਼ਬਤ ਕੀਤੀਆਂ ਗਈਆਂ। ਨਿਲੰਬਿਤ ਕਰੱਸ਼ਰ ਚਲਾਉਣ ’ਤੇ ਵੀ ਐੱਫਆਈਆਰ ਦਰਜ ਕੀਤੀ ਗਈ। ਮੰਤਰੀ ਨੇ ਕਿਹਾ ਕਿ ਨਾਜਾਇਜ਼ ਮਾਈਨਿੰਗ ਅਤੇ ਖਣਿਜਾਂ ਦੀ ਗੈਰਕਾਨੂੰਨੀ ਢੋਆ-ਢੁਆਈ ਖ਼ਿਲਾਫ਼ ਪੁਲਿਸ ਨਾਲ ਸਾਂਝੀ ਕਾਰਵਾਈ ਜਾਰੀ ਰਹੇਗੀ।