ਚਲਦੇ ਏ.ਸੀ. ’ਚ ਹੋਇਆ ਜ਼ਬਰਦਸਤ ਬਲਾਸਟ, ਅੱਗ ਦੀਆਂ ਲਪਟਾਂ ਨੇ ਘਰ ਨੂੰ ਲਿਆ ਲਪੇਟ ’ਚ; ਲੱਖਾਂ ਦਾ ਸਾਮਾਨ ਸੜ ਕੇ ਸਵਾਹ

ਸ਼ਾਮ ਤਿਵਾੜੀ/ਰਾਜਨ ਤਰੇਨ, ਬਟਾਲਾ, ਪੰਜਾਬੀ ਜਾਗਰਣ। ਅੱਜ ਸਵੇਰੇ ਬਟਾਲਾ ਦੇ ਪੁਲਸ ਲਾਈਨ ਰੋਡ ’ਤੇ ਉਸ ਸਮੇਂ ਭੱਜ ਦੌੜ ਮਚ ਗਈ ਜਦ ਇਕ ਘਰ ’ਚ ਏ.ਸੀ. ਦਾ ਕੰਪ੍ਰੈਸ਼ਰ ਬਲਾਸਟ ਹੋਣ ਦੇ ਚਲਦਿਆਂ ਘਰ ’ਚ ਭਿਆਨਕ ਅੱਗ ਲੱਗ ਗਈ। ਇਹ ਅੱਗ ਇਨ੍ਹੀ ਭਿਆਨਕ ਸੀ ਕਿ ਕੁਝ ਹੀ ਮਿੰਟਾਂ ’ਚ ਇਹ ਅੱਗ ਪੂਰੇ ਘਰ ’ਚ ਫੈਲ ਗਈ ਅਤੇ ਘਰ ’ਚ ਰਹਿੰਦੇ ਲੋਕਾਂ ਵਲੋਂ ਜਲਦੀ ਨਾਲ ਘਰ ਤੋਂ ਬਾਹਰ ਆ ਕੇ ਆਪਣੀ ਜਾਨ ਬਚਾਈ ਗਈ।

ਇਸ ਘਟਨਾ ’ਚ ਰਾਹਤ ਦੀ ਗੱਲ ਇਹ ਰਹੀ ਕਿ ਇਸ ਘਟਨਾ ’ਚ ਕਿਸੇ ਦਾ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ ਜਦਕਿ ਘਰ ਦਾ ਕਾਫੀ ਸਾਰਾ ਸਾਮਾਨ ਸੜ ਕੇ ਸਵਾਹ ਹੋ ਗਿਆ ਹੈ।