ਥਾਣੇ ਦੇ ਬਿਲਕੁਲ ਨਾਲ ਚੋਰਾਂ ਦਾ ਵੱਡਾ ਹੱਲਾ: ਤਪਾ 'ਚ ਬਿਜਲੀ ਘਰ ਨੂੰ ਬਣਾਇਆ ਨਿਸ਼ਾਨਾ, ਲੱਖਾਂ ਰੁਪਏ ਦਾ ਸਾਮਾਨ ਚੋਰੀ

ਸੂਚਨਾ ਮਿਲਣ ਤੇ ਜੇ.ਈ ਹਰਦੀਪ ਸਿੰਘ, ਜੇ.ਈ ਪਰਮਿੰਦਰ ਸਿੰਘ ਅਤੇ ਜੇ.ਈ ਬੀਰਬਲ ਸਿੰਘ ਅਤੇ ਹੋਰ ਕਰਮਚਾਰੀ ਮੌਕੇ ਤੇ ਪੁੱਜੇ, ਜਿਨਾਂ ਦੇਖਿਆ ਕਿ ਚੋਰਾਂ ਦਾ ਵੱਡਾ ਗਿਰੋਹ ਜੋ ਕਮਰਿਆਂ ਅੰਦਰ ਰੱਖਿਆ ਹੋਇਆ ਬਿਜਲੀ ਦਾ ਸਮਾਨ ਜਿਵੇਂ:- ਕੇਬਲ ਤਾਰਾਂ, ਕਨੈਕਟਰ, ਯੂ ਬਲੇਡ ਮੇਲ ਫੀਮੇਲ, ਥਿੰਬਲਾ ਤੇ ਹੋਰ ਸਮਾਨ ਚੋਰੀ ਕਰਕੇ ਲੈ ਗਏ। ਜਿਸ ਕਾਰਨ ਵਿਭਾਗ ਦਾ ਲੱਖਾਂ ਰੁਪਈਆਂ ਦਾ ਨੁਕਸਾਨ ਹੋ ਗਿਆ। ਉਹਨਾਂ ਇਹ ਵੀ ਦੱਸਿਆ ਕਿ ਬਿਜਲੀ ਘਰ ਅੰਦਰ ਜਮੀਨ ਤੇ ਇੱਕ ਕੈਂਟਰ ਦੇ ਟਾਇਰਾਂ ਦੇ ਨਿਸ਼ਾਨ ਛਪੇ ਹੋਏ ਸਨ। ਜਿਸ ਤੋਂ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਚੋਰ ਇੱਕ ਕੈਂਟਰ ਸਵਾਰ ਹੋ ਕੇ ਆਏ ਸਨ। ਫਿਲਹਾਲ ਉਨ੍ਹਾਂ ਇਸ ਘਟਨਾ ਸਬੰਧੀ ਤਪਾ ਪੁਲਿਸ ਨੂੰ ਸੂਚਨਾ ਦੇ ਦਿੱਤੀ ਹੈ। ਜਦ ਇਸ ਸਬੰਧੀ ਥਾਣਾ ਮੁਖੀ ਅਮਰੀਕ ਸਿੰਘ ਗਰੇਵਾਲ ਨਾਲ ਗੱਲ ਕੀਤੀ ਤਾਂ ਉਹਨਾਂ ਕਿਹਾ ਕਿ ਪੁਲਿਸ ਵੱਲੋਂ ਚੋਰੀ ਦੀ ਇਸ ਘਟਨਾ ਨੂੰ ਲੈ ਕੇ ਸੀਸੀਟੀਵੀ ਕੈਮਰਿਆਂ ਦੀ ਫੁਟੇਜ ਖੰਗਾਲੀ ਜਾ ਰਹੀ ਹੈ। ਇਹਨਾਂ ਚੋਰਾਂ ਦੇ ਗਿਰੋਹ ਨੂੰ ਜਲਦ ਹੀ ਕਾਬੂ ਕਰ ਲਿਆ ਜਾਵੇਗਾ। ਇਸ ਮੌਕੇ ਨਵੀਨ ਕੁਮਾਰ ਯੂ. ਡੀ. ਸੀ, ਕੇਵਲ ਸਿੰਘ, ਅੱਲਾਦੀਨ ਅਤੇ ਤਰਲੋਚਨ ਸਿੰਘ ਸੀ.ਸੀ ਆਦਿ ਮੁਲਾਜਮ ਮੌਜੂਦ ਸਨ।