ਭੀਖ ਮੰਗਣ ਵਾਲਿਆਂ ਤੋਂ ਲੋਕ ਹੋਏ ਤੰਗ, ਦੁਕਾਨਦਾਰ ਤੇ ਗਾਹਕ ਹੋਏ ਪ੍ਰੇਸ਼ਾਨ; ਗੱਡੀ ਰੁਕਦਿਆਂ ਹੀ ਇਕੱਠੇ ਹੋ ਜਾਂਦੇ ਨੇ ਬੱਚੇ

ਜਸਵੀਰ ਸਿੰਘ ਵਜੀਦਕੇ, ਪੰਜਾਬੀ ਜਾਗਰਣ, ਮਹਿਲ ਕਲਾਂ। ਮਹਿਲ ਕਲਾਂ ਦੀ ਮੁੱਖ ਮਾਰਕੀਟ ਤੇ ਬੱਸ ਸਟੈਂਡ ’ਚ ਭੀਖ ਮੰਗਣ ਵਾਲੇ ਬੱਚਿਆਂ ਤੇ ਉਨ੍ਹਾਂ ਦੇ ਨਾਲ ਆਉਣ ਵਾਲੇ ਲੋਕਾਂ ਦੀ ਗਿਣਤੀ ਵਧਦੀ ਜਾ ਰਹੀ ਹੈ । ਉਨ੍ਹਾ ਦੀ ਸਰਗਰਮੀ ਦੁਕਾਨਦਾਰਾਂ ਅਤੇ ਖਰੀਦਦਾਰੀ ਲਈ ਆਉਣ ਵਾਲੇ ਆਮ ਲੋਕਾਂ ਲਈ ਪਰੇਸ਼ਾਨੀ ਦਾ ਕਾਰਨ ਬਣਦੀ ਜਾ ਰਹੀ ਹੈ।

ਪਿਛਲੇ ਕੁਝ ਸਮੇਂ ਤੋਂ ਮਹਿਲ ਕਲਾਂ ਦੀ ਮਾਰਕੀਟ ’ਚ ਇਹ ਸਮੱਸਿਆ ਇਸ ਹੱਦ ਤੱਕ ਵਧ ਗਈ ਹੈ ਕਿ ਗਾਹਕਾਂ ਨੂੰ ਆਪਣੀ ਗੱਡੀ ਪਾਰਕ ਕਰਕੇ ਦੁਕਾਨ ਤੱਕ ਪਹੁੰਚਣ ਸਮੇਂ ਵੀ ਗੰਭੀਰ ਸਥਿਤੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਜਿਵੇਂ ਹੀ ਕੋਈ ਗਾਹਕ ਆਪਣੀ ਗੱਡੀ ਮਾਰਕੀਟ ’ਚ ਰੋਕਦਾ ਹੈ, ਉਸ ਨੂੰ ਦੇਖ ਕੇ ਭੀਖ ਮੰਗਣ ਵਾਲੇ ਬੱਚੇ ਅਤੇ ਕਈ ਵਾਰ ਉਨ੍ਹਾਂ ਦੇ ਮਾਪੇ ਜਾਂ ਹੋਰ ਵਿਅਕਤੀ ਤੁਰੰਤ ਗੱਡੀ ਦੇ ਆਲੇ-ਦੁਆਲੇ ਇਕੱਠੇ ਹੋ ਜਾਂਦੇ ਹਨ।

ਗੱਡੀ ’ਚੋਂ ਉਤਰਨ ਵਾਲੇ ਵਿਅਕਤੀ ਨੂੰ ਵਾਰ-ਵਾਰ ਪੈਸੇ ਦੇਣ ਜਾਂ ਖਾਣ-ਪੀਣ ਦੀ ਕੋਈ ਚੀਜ਼ ਲੈ ਕੇ ਦੇਣ ਲਈ ਕਿਹਾ ਜਾਂਦਾ ਹੈ। ਕਈ ਵਾਰ ਤਾਂ ਇੱਕ ਵਿਅਕਤੀ ਦੇ ਪਿੱਛੇ ਕਈ ਕਈ ਬੱਚੇ ਲੱਗ ਜਾਂਦੇ ਹਨ, ਜਿਸ ਕਾਰਨ ਗਾਹਕ ਬਹੁਤ ਪ੍ਰੇਸਾਨ ਹੋ ਜਾਂਦੇ ਹਨ।

‘ਨਾ ਨਾ’ ਕਹਿਣ ’ਤੇ ਵੀ ਪਿੱਛਾ ਨਹੀਂ ਛੱਡਦੇ