ਸਿਹਤ ਅਧਿਕਾਰੀ ਬੇਫਿਕਰ! ਸਿਵਲ ਹਸਪਤਾਲ ਦੀ ਪਾਰਕ 'ਚ ਜਮ੍ਹਾ ਗੰਦੇ ਪਾਣੀ ਤੋਂ ਡੇਂਗੂ ਫੈਲਣ ਦਾ ਖ਼ਤਰਾ, ਮਰੀਜ਼ ਸਹਿਮੇ

ਸਥਾਨਕ ਲੋਕਾਂ ਹਮੀਰ ਸਿੰਘ, ਨਰੈਣ ਸਿੰਘ, ਅਮਿੱਤ ਗੋਇਲ ਆਦਿ ਨੇ ਦੱਸਿਆ ਕਿ ਹਸਪਤਾਲ ਪ੍ਰਬੰਧਕਾਂ ਨੂੰ ਇਸ ਸਮੱਸਿਆ ਦਾ ਪਤਾ ਵੀ ਹੈ ,ਪਰ ਹਾਲੇ ਤੱਕ ਕੋਈ ਠੋਸ ਹੱਲ ਨਹੀਂ ਕੀਤਾ ਗਿਆ। ਲੋਕਾਂ ਨੇ ਮੰਗ ਕੀਤੀ ਹੈ ਕਿ ਸੀਵਰੇਜ ਦੀ ਲੀਕੇਜ ਨੂੰ ਤੁਰੰਤ ਠੀਕ ਕੀਤਾ ਜਾਵੇ ਅਤੇ ਪਾਰਕ ਦੀ ਸਫ਼ਾਈ ਕਰਵਾਈ ਜਾਵੇ। ਸਿਵਲ ਹਸਪਤਾਲ ਦੀ ਪਾਰਕ ’ਚ ਸੀਵਰੇਜ ਦੀ ਹੌਦੀ ਲੀਕ ਹੋਣ ਕਾਰਨ ਭਰੇ ਗੰਦੇ ਪਾਣੀ ਨਾਲ ਹੁਣ ਮੱਛਰਾਂ ਦੀ ਭਰਮਾਰ ਹੋ ਗਈ ਹੈ, ਜਿਸ ਕਾਰਨ ਇਲਾਜ ਕਰਵਾਉਣ ਆਏ ਮਰੀਜ਼ਾਂ ਅਤੇ ਉਨ੍ਹਾਂ ਦੇ ਵਾਰਸਾਂ ਵਿੱਚ ਸਹਿਮ ਦਾ ਮਾਹੌਲ ਹੈ। ਪਾਰਕ ’ਚ ਫੈਲੀ ਬਦਬੂ ਅਤੇ ਮੱਛਰਾਂ ਦੇ ਡੰਗ ਤੋਂ ਬਚਣ ਲਈ ਲੋਕਾਂ ਨੂੰ ਭਾਰੀ ਪ੍ਰੇਸ਼ਾਨੀ ਝੱਲਣੀ ਪੈ ਰਹੀ ਹੈ। ਮਰੀਜ਼ਾਂ ਦੇ ਵਾਰਸਾਂ ਦਾ ਕਹਿਣਾ ਹੈ ਕਿ ਹਸਪਤਾਲ ’ਚ ਇਲਾਜ ਲਈ ਆਏ ਲੋਕਾਂ ਨੂੰ ਇੱਥੇ ਖੜ੍ਹੇ ਗੰਦੇ ਪਾਣੀ ਕਾਰਨ ਡੇਂਗੂ, ਮਲੇਰੀਆ ਅਤੇ ਹੋਰ ਲਾਗ ਦੀਆਂ ਬੀਮਾਰੀਆਂ ਹੋਣ ਦਾ ਡਰ ਸਤਾ ਰਿਹਾ ਹੈ। ਪ੍ਰਸ਼ਾਸਨ ਅ ਸਿਹਤ ਵਿਭਾਗ ਦੀ ਅਣਦੇਖੀ ਕਾਰਨ ਹਸਪਤਾਲ ਦਾ ਪਾਰਕ ਬੀਮਾਰੀਆਂ ਵੰਡਣ ਦਾ ਕੇਂਦਰ ਬਣਦਾ ਜਾ ਰਿਹਾ ਹੈ। ਲੋਕਾਂ ਨੇ ਮੰਗ ਕੀਤੀ ਹੈ ਕਿ ਸੀਵਰੇਜ ਦੀ ਲੀਕੇਜ ਤੁਰੰਤ ਬੰਦ ਕੀਤੀ ਜਾਵੇ, ਖੜ੍ਹੇ ਪਾਣੀ ਦੀ ਨਿਕਾਸੀ ਕਰਵਾ ਕੇ ਉੱਥੇ ਮੱਛਰ ਮਾਰੂ ਦਵਾਈ (ਫੋਗਿੰਗ) ਦਾ ਛਿੜਕਾਅ ਕੀਤਾ ਜਾਵੇ।