ਫਲਾਂ ਦੇ ਭਾਅ ’ਚ ਆਇਆ ਉਛਾਲ, ਆਮ ਲੋਕਾਂ ਦੀ ਜੇਬ 'ਤੇ ਵਧਿਆ ਬੋਝ; ਗਾਹਕ ਹੋਏ ਪਰੇਸ਼ਾਨ

ਲਗਾਤਾਰ ਵਧ ਰਹੀ ਗਰਮ ਅਤੇ ਖ਼ਰਾਬ ਮੌਸਮ ਦੇ ਚਲਦਿਆਂ ਫਲ, ਮੰਡੀਆਂ ਅਤੇ ਰਿਟੇਲ ਬਾਜ਼ਾਰਾਂ ’ਚ ਇਨ੍ਹੀਂ ਦਿਨੀਂ ਫਲਾਂ ਦੀਆਂ ਕੀਮਤਾਂ ’ਚ ਵਾਧਾ ਦੇਖਣ ਨੂੰ ਮਿਲ ਰਿਹਾ ਹੈ। ਕੇਲਾ, ਸੇਬ, ਨਾਸ਼ਪਾਤੀ, ਅੰਬ ਅਤੇ ਆਲੂ ਬੁਖਾਰਾ ਮਹਿੰਗੇ ਹੋਣ ਕਾਰਨ ਆਮ ਲੋਕਾਂ ਦੀ ਜੇਬ ’ਤੇ ਵਾਧੂ ਬੋਝ ਪੈ ਰਿਹਾ ਹੈ। ਬਰਨਾਲਾ ਦੇ ਫਲ ਵਿਕਰੇਤਾਵਾਂ ਅਨੁਸਾਰ ਸਪਲਾਈ ਘਟਣ ’ਤੇ ਥੋਕ ਮੰਡੀਆਂ ’ਚ ਭਾਅ ਵਧਣ ਕਾਰਨ ਪ੍ਰਚੂਨ ਕੀਮਤਾਂ ’ਚ ਵੀ ਇਜ਼ਾਫ਼ਾ ਹੋਇਆ ਹੈ।