ਵਾਈਐੱਸ ਜੀਨੈਕਸਟ ਸਕੂਲ ਦੇ ਵਿਦਿਆਰਥੀਆਂ ਵੱਲੋਂ ਗੁਰਦੁਆਰਾ ਸਾਹਿਬ ਦਾ ਦੌਰਾ

ਸਟਾਫ਼ ਰਿਪੋਰਟਰ, ਪੰਜਾਬੀ ਜਾਗਰਣ, ਬਰਨਾਲਾ : ਵਾਈਐਸ ਜੀਨੈਕਸਟ ਦੀ ਨਰਸਰੀ ਜਮਾਤ ਦੇ ਲਗਭਗ 150 ਨੰਨ੍ਹੇ ਵਿਦਿਆਰਥੀਆਂ ਨੇ ਆਪਣੇ ਅਧਿਆਪਕਾਂ ਦੇ ਨਾਲ ਇੱਕ ਸਥਾਨਕ ਗੁਰਦੁਆਰਾ ਸਾਹਿਬ ਦਾ ਦੌਰਾ ਕੀਤਾ ਤੇ ਉੱਥੋਂ ਦੇ ਸ਼ਾਂਤਮਈ ਤੇ ਅਧਿਆਤਮਿਕ ਮਾਹੌਲ ਦਾ ਅਨੁਭਵ ਕੀਤਾ। ਬੱਚਿਆਂ ਨੇ ਮਧੁਰ ਗੁਰਬਾਣੀ ਦਾ ਸਰਵਣ ਕੀਤਾ, ਸ਼ਾਂਤ ਵਾਤਾਵਰਣ ’ਚ ਸਮਾਂ ਬਿਤਾਇਆ, ਅਰਦਾਸ ਕੀਤੀ ਤੇ ਕੜਾਹ ਪ੍ਰਸ਼ਾਦ ਪ੍ਰਾਪਤ ਕੀਤਾ। ਇਹ ਅਨੁਭਵ ਉਨ੍ਹਾਂ ਲਈ ਯਾਦਗਾਰੀ, ਆਨੰਦਮਈ ਅਤੇ ਗਿਆਨਵਰਧਕ ਰਿਹਾ। ਇਸ ਦੌਰੇ ਦੌਰਾਨ ਬੱਚਿਆਂ ਨੂੰ ਗੁਰਦੁਆਰਾ ਸਾਹਿਬ ਦੇ ਮਰਿਆਦਾਪੂਰਨ ਵਿਹਾਰ ਬਾਰੇ ਵੀ ਜਾਣੂ ਕਰਵਾਇਆ ਗਿਆ। ਉਨ੍ਹਾਂ ਨੂੰ ਸਿਰ ਢੱਕਣ, ਜੁੱਤੇ-ਚੱਪਲ ਉਤਾਰਨ, ਅਨੁਸ਼ਾਸਨ ਬਣਾਈ ਰੱਖਣ ਤੇ ਗੁਰਬਾਣੀ ਦਾ ਸਤਿਕਾਰ ਨਾਲ ਸਰਵਣ ਕਰਨ ਦੀ ਮਹੱਤਤਾ ਬਾਰੇ ਦੱਸਿਆ ਗਿਆ। ਇਸ ਅਨੁਭਵ ਰਾਹੀਂ ਬੱਚਿਆਂ ਨੂੰ ਨਿਮਰਤਾ, ਬਰਾਬਰੀ, ਦਇਆ, ਸ਼ੁਕਰਾਨੇ ਤੇ ਨਿਸ਼ਕਾਮ ਸੇਵਾ ਵਰਗੇ ਅਨਮੋਲ ਗੁਣਾਂ ਨਾਲ ਜਾਣੂ ਕਰਵਾਇਆ ਗਿਆ। ਅਜਿਹੇ ਅਨੁਭਵਾਤਮਕ ਸਿੱਖਿਆ ਦੇ ਮੌਕਿਆਂ ਰਾਹੀਂ ਛੋਟੀ ਉਮਰ ਤੋਂ ਹੀ ਬੱਚਿਆਂ ’ਚ ਸੱਭਿਆਚਾਰਕ ਜਾਗਰੂਕਤਾ, ਸਾਰੇ ਧਰਮਾਂ ਪ੍ਰਤੀ ਸਤਿਕਾਰ ਅਤੇ ਪਿਆਰ, ਹਮਦਰਦੀ ਤੇ ਆਪਸੀ ਸਾਂਝ ਦੀ ਭਾਵਨਾ ਵਿਕਸਿਤ ਕਰਨ ਲਈ ਯਤਨਸ਼ੀਲ ਹੈ।